اللي تخلي ريلها وتنام في بيت اهلها ؟؟ شحـــــــــــقه ؟؟

[cat^q8]

السلام عليكم ورحمة الله وبركاااااااااااااااااته ...

:gathering:

بنات في شغله محيرتني صراااحه

ابي اعرف شلوووون تقدرون تقنعوون رياييلكم انكم بتنامون في بيت اهلكم ؟؟

:gr4uu:

وفي بعضهم مقرر كـــل اسبوع تنام ،

انزين اذا نمتي شلون بشقتج ؟ منو ينظف ومنو يوكل ريلج ؟ ومنو يرتب الحوسة ؟؟

طبعا كل شي على حطته ،، انزين ريلج مايقول شي ؟؟ :eh_s(14):

يالله كل وحده تدش تقول لنا

هل النومة في بيت الأهل زينة ولا لأ ؟

وجم يوم تنامين في بيت اهلج ؟؟

واصلا ليش تنامين ؟؟ :080402ask_prv:

وهل كان راضي من البدايه ولا كان معارض وبعدين استسلم للأمر والواقع ؟؟ :denya:


يالله ابي تفاااعلكم

 

[شهد ستايل*]

السلام عليكم ورحمه الله وببركاته
اشكرج حبيبتى علا هالموضوع الجاد ........

اول شى
شلون تقعنينه .....طبعا قلتيها تقنعينه ....اذا انتى تبين هالشغله ....يعنى انه خواتج متيمعين ...خالاتج ...عماتج ...وانج متعوده على هاليمعه ....
واذا اقتنع كان بها ...ما اقتنع...ماعليه يمكن مع الايام .يقتنع.....

وطبعا اذا ننامت عندهم لا تطول عاد ...طالما الوحده فى شقه بروحها ....يعنى راح يفقتد زوجته ....واذا كانوا عايشين عند اهله....يضيع وقته ويا اهله ....اكله شربه وناسته .....

وبالنسبه حق التنظيف من جذيه الاحسن ما تطول الوحده برا بيتها....عشان ريلها وعشان نظافه الشقه ...يعنى ما تطول عن يومين ثلاث

اهم شى الله يهديهم ويتفقون ...على كل شى

 

[TUFA7A_q8]

والله الصراحه انا ماقدر انام بدون ريلي ولا ريلي يقدر ينام بدوني

بس مرات اهو يقولي روحي نامي عند اهلج اذا كان شفته بالليل

لأني حدي خوافه واظل اسهر لي الصبح وعيوني مبققه

فأنام ابيت اهلي وبعدين اهو ايي وياخذني ثاني يوم

 

[أم حسون]

ههههههههههههه خوش موضوع حبوبه
انا انام في بيت امي بس ريلي ينام معاي غرفتي موجوده محد ماخذها وقت زوارة اهلي كل اسبوع ايي انام
وساعات كتغيير نيي ننام واصلا اهوا بروحه يقول خل ننام في بيت اهلج والحين رمضان لاعبين لعب يوم هني يوم شقتي لووول

 

[كولوراديه]

مافيها شي النومه عند الاهل
وبعدين انا ماعندي خادمه عشان تنظف
يعني كل 3 ايام اييب خدامه بيتنا وتنظف وبعدين احنا مو من النوع إلي يقط ويوصخ .. ومرتبه الشقه
يعني لما اروح بيت اهلي عالاقل اسهر معاهم بالليل و يا حلات قعده الصبح
وحتى مرت حماي نفس الشي
بالاصح كل اهلنا جذي
وبعدين كلها يوم واحد بالاسبوع
كافي كافي لما ارجع من بيت اهلي احس جنه مو شايف بعض من 900 سنه فدييته والله لا يحرمنا من بعض

 

[أعرف قدر نفسي]

انتي ودج تنامين وهو مواضي ؟

 

[.. مـــلاكـ ..]

انام ابيت اهلي اذا كان مسافر
لأني ماحب انام بروحي
ومرات انا معاه نروح بيت اهلي وانام
وناسه كنوع من التغيير

وبس

 

[^SamBateeKa^]

انا مااحب انام تعودت على شقتي بس مرات امي تكسر خاطري تقول ماتنامين عندنا وتعالي نامي انتي وبنتج فأنام يوم ومن زمان مونايمه يمكن اخر مره قبل شهر جذي تعودت على فراشي بشقتي

 

[آهــــات]

انام في بيت أهلي في الويك اند... وناسه لمه الاهل

من البدايه كان مقتنع...


ولو ما انام كان زهقت .... من بيتي...

 

[bdora]

عاد احنا عندنا هذي عاده لابد منها لان كل اللي حولينا ينامون نهاية الاسبوع بس مو كل اسبوع يعني اذا طقت بروسنا انا وخواتي نسهر ونطلع مع بعض نام كلنا عاد تدرين بعض المرات امي تطدرنا تقول مالي خلق ازعاحكم وازعاج عيالكم

 

[Brounzi_girlly]

آنا صراحة ماودي أنام عند اهلي ما بيه يحس بالفراغ بس ساعات اهوة ينام عندي في بيت اهلي كنوع من التغيير
مع التحية...............

 

[omdoodoo]

انا انام بيت اهلي لما ريلي يكون زامه بليل

 

[^noonaa^]

والله الصرااحه انا ودي انام ابيت اهلي بس ريلي مو راضي

بس همن ماقدر اخليه لانه خلاص اتعودت ما انام الا واهو يمي واهو جذي بعد الله يخلييه لي

 

[مسكنه قلبي]

انا مخطوبه بس بعدي مارحت بيت ريلي بس تناقشت وياه بهالسالفه طبعا انا مو مقتنعه بهالشي الا اذا بيسافر وهم مراح اخليه لووول بس قال لي شكو تنامين كل مابغيتي روحي بيت اهلج لانه قريب من بيت ريلي غيره ماكو ماينلام

 

[dectora 7elwa]

انا مع انه ريلي دوامه شفتات بس ماسويته الا بالنساة الجايده بحمالي الثاني مادري تعودت علمكاني

 

[دلوعةq8]

لااااااااااااااااااااااااااازم انام في بيت اهلي لاني مو بشقه بروحي شقتي مع اهل زوجي
يعني اهوا يجابل اهله اربع وعشرين ساعه باربع وعشرين ساعه وانا ما اقدر اقعد مع اهلي ليله وحده!!!


بعدين اهيا فرصه افج عن الحموله واخليهم ياخذون راحتهم مع بناتهم بالزوارة اواذا احد بيجيهم


بس لو اني بشقه بروحي مو معاهم في البيت يمكن ما انام الا مره بالشهر عند اهلي


بس تبوني ما انام كللللللللللللش عند اهلي..................................................... الله لا يقوله ههههههههههههههههههه

 

[الراسيـ؟ـه]

راااااااااااااحه ببيت الاهل تنامين على كيفج اهم يجونج مو تنزلين لهم

و تاكلين و تقعدين و تسوين اللي تبينه لووول

واحنا عندنا جماعتنا دايركت بالويك اند البنات عند اهلهم يوم واليوم الثاني يردون

و اهو اصلا يروح الوفره لانهم يتجمعون هناك

 

[زهورة]

انا عادة عندي لازم انام عند اهلي بالويك اند
والشقه تضل نظيفه ومرتبه
واحس اذا رديت اشتاقله حيييل وهو يشتاقلي

 

[knooz]

لااااااا انا ما ايد ان المره تنام بره بيت ريلهااا حتى لو بيت اهلهاااا اصلا ليش اخلي ريلي بروحه و اعوده جذي انه يسهر بره لاخر الليل عالاساس اني مو موجوده و حتى البنات الي ينامون الويك اند كله عند اهلهم شنو هذااا اصلاا ليش اوكي عادي ازورهم ليما الليل و ارد بيتي

 

[كولوراديه]

:× يا حلوكم