اللي تحس ان قعدتها مع ريلها تونس تدش رفيجتي محتاجتها

[جديده بالدنيا]

هلا حبوبات من غير مقدمات >>>كلش ماتعرف بالمقدمات
سلمكم الله هذي رفيجتي متزوجه توها للحين بالملجه بس ملجتها طولت صارلهم حدود
السنه وشوي اهي وريلها مالجين المشكله وين ريلها واااااااااااايد مرح ويضحك ويحب
سوالف الغشمره جذي يعني ماشاء الله واهي كلش مالها بهاللحجي بالرغم انها ويانا
كلش زينه بس اذا صارت وياها تقول ماادري شيصير لي واهما نظامهم بالملجه مو طلعه
وجذيه لا يزورهم بالبيت ويقعدون وسواليف وهالحجي واهو يبي يجرأها شوي لانها
تستحي وتقول كلش صارت قعداتنا ممله كله حجي وبس وابتدوا يحسون باللملل فااقترح
عليها انه اذا ياهم مره ثانيه يلعبون مع بعض علشان كسر للروتين ويبيها تأخذ عليه
شوي يعني تصير جريئه <<<<ذكرتني باللذي مضى
فااقترح لعبه الاحكام انهم يلعبون واللي يفوز يحكم وهالحجي الحين اهي مستحيه
وخايفه بس انا شجعتها علشان تأخذ عليه شوي واهو احكامه بتكون معروفه
الريايييل بعد مايحتاج نقول وين بيروح تفكيرهم المشكله وين تقول احس ماعندي
احكام وخفت اقوله يحس اني مليقه ويطفش لانه كل ماقالها على شغله قالت لا ومايصير
فتقول سكت وقلت اوكي وتقول الحين انا متوهقه اهو بيقدر يحكم بشغلات جريئه بس انا
مااقدر واستحي تبي احكام حلوه وتسوي لهم جو وتكون بااطار قعهدتهم وشنو بعد
شغلات تقدر تسويها تكسر روتين القعده المعتاده
انشاء الله تكونون فهمتوا المطلوب لانه انا من كثر هذرتي حسيت اني ملخبطه عمري
انطلقوا ​

 

[قلبي سلومي]

كلنا جذي
والله ماتحجيت ال عقب 4 شهور من عرسي

قولي صيري على طبيعتج

وسولفي معاه باي شي مستقبلكم
حياتكم

الوطيفة

سوالف الكلية الدراسة وشوي شوي تسولف وتطلع السوالف


الله يوفقها يارب

 

[جديده بالدنيا]

هلا حبوبه
اهما بالسواليف يسولفون مايسكتون بس صارلهم سنه ونص سواليف عاد بدوا يحسون بالملل
يبون يكسرون هالروتين

 

[ياسمين وجوري]

خل يتزوجون ويخلصون بعد شهالملاغه ملجه سنه ونص ولا صار بينهم الا سوالف اعوذ بالله صارت وحده من الربع مو زوجه الحمدلله احنا ما عندنا شوفات وطلعات قبل العرس بس الشوفه الشرعيه وعليها ليما العرس ألطريقه هذي اسلم طريقه لردع المشاكل والملل *

 

[jaaanooo]

ههههههههههههههههه

لا انا الحمد لله ما صادفتني هالشغله .. لأننا احنا الاثنين نحب السوالف ... بس شوفي صج خليهم يلعبون مع بعض واذا على الاحكام افا عليج ..
طلبات الحريم عمرها ما تخلص

عطر .. جنطة .. طلعة .. ورده ... واذا اهو راعي ضحكة خليه يقولها نكة تضحك .. او يكتب فيها قصيدة " شئ تعجيزي عشان ما تسويه " .

والله يسعدهم ويهنيهم يارب .. وتنفك العقده هههههه

 

[ضايعة بدنيتي]

خخخخخخخخخ يحليلها الله يوفقها ويسخر لها زوجها ويهنيهم يارب

 

[وردة بيتنا]

الحل انهم يتزوجون

لا لعبة احكام ولا شي

مع الزواج راح تتيسر الامور اكثر و يعرفون لبعض

 

[جديده بالدنيا]

ياسمين وجوري
بسبب ظروف اهله تأخر مو بإيدها مسيكينه فكرنا بحكم حبوبه عيزت ادور لها احكام
jaaanoo
والله انتي راعية طلباااااااااات لا البنيه تبي حكم يكون واهما قاعدين يستانسون عليه سكتي سمعي اقتراحي قلتلها شغلي اغنيه وخليه يرقص لج لووووووووووووول
ضايعه بدنيتي
وياج حبوبه انتي هبلتي بريلي والسبه اشلون ابرمج عقله من يوم ماقريت موضوعج والريال مانام نومه عدله
وردة بيتنا
لو راده عليها كأن عيالها الحين مطامر بالحوش بس الظرووووف
بنات عفيه دوروا على احكام >>>حاسه انها قاعده بااستار اكاديمي

 

[ام شووووق]

قوليلها لاحقه عالحجي لووول

 

[أم توتو]

اكيد بيصير ملل لانها بعد هي ببيت اهلها مو معاه بنفس البيت

والعاب وايد خل تلعب كيرم او اونو او منوبولي <<<<<حددددي قديمه خخخخخخ

 

[كويتية نايس]

مادري في العاب احلى مثلا الصراحه والجرءه او اونو او منبولي

واتمنى اكون افدتج

 

[!! شوق !!]

البنت قالتلكم تبي احكام ماتبيكم تقولوون لها ليش مايتزوجون اهم ادرى بظروفهم .. يعني حاصلهم وقالوا لا !!!!

الموهيم ..

انا اقولج مثل خل تحطم عليه يقول عشر مرات
خعاخع .. بطتنا بطت بطن بطتكم .. من هالجمل ..
تقول يقوولها نكتته حلووه
تختار اغنيه قديمه وتخليه يغنيها .. اغاني مندثره .. مثل ليش ليش يا جاره ماتردين الزياه
او هيا وهاي وهياا .. صدقيني بيقلبونها ضحك ..
اوو تساله شنو تعلوقته واهوو صغير خخخخخخخخخخخخخخخخخخخخخخخ
امممممممممممم تحكم عليه يقلد شخصيه معينه او كراكتر معين ..
هذا اللي فبالي للحين والبنات مايقصرون .. دعواتج لي بالزوج الصالح

 

[واصله]

الله يهديهم لبعض
واغلب المتزوجين يحسون بالملل الله يخلي الوتس اب تبوق نكت وتقوله

 

[انا لحبيبي .]

لو فتحت موضوع ، رح تلاقي المواضيع لحالها بتنفتح

موضوع بفتح موضوع

 

[عديم حظ]

يابنات شفيكم ترا هشغلات طبيعيه لامه مهما يكون البنات فيهم حيا وخجولات وفي حريم من ليلت زواجها ساكته لين بعد شهر او شهرين لانه مو متعوده وهذا شي جديد بحياتها يعني بكل خطوه وكل كلمه وكل طلعه ولبسه ونومه تفكر فيها وتحسب الف حساب وتعلق على نفسها والمرا حلاتها تكون نثيه خجوله وتدلع على خفه بس بشي معقول مو ملسونه

 

[جديده بالدنيا]

ام شوق
لووووووووول
ام توتو
حبوبه الالعاب موجوده بس اهي تبي احكام عشان يصير اكشن اكثر
كويتيه نايس
حبوبه فديتج الالعاب عندهم بس تبي احكام
شوووووووق
فديت عمرج فهمتي البنيه اش تبي ومشكووووووره على احكامج وابي بعد والله يرزقج بالزوج اللي تحبينه ويحبج وعليج بالاستغفار
الله يرزقج عاجلا غير اجلا
واصله
لا سكتي يامعوده البنيه حدها مليقه واهي تقول نكت لوووووووووول
انا لحبيبي
يبون يغيرون شوي مابقى شي ماسولفواا فيه
عديم حظ
حبوبه اهي تستحي بس اهو يبي يجرأها شوي بس قبل العرس طق جبد الريال

بنوتاااااااااااااااااااااااات وينكم نبي احكامكم

 

[رومانس آيدياز]

ماعندي فكرة البنات ان شاء الله يفيدونج
بس فيدينا شنو الالعاب

 

[جديده بالدنيا]

رومانس
حبوبه والله الالعاب ريلها يقول يلعبون بالجنجفه لعبه ماادري اشلون المهم انها تعتمد ع الحظ
واذا طلع لها الحكم تحكم عليه واذا لا اهو يحكم عليها

 

[درة أهل الطولات]

الله يعينهاا

 

[Beauty is Me]

امبي الله يهنيها حسافه ما عندي نصايح قوليلها خل تصير على طبيعتها ولا تخاف او تستحي خو زوجهاااا وبعدين ترا الريال يعرف شلون يسحب الحجي لوووووووووووووووول الله يهنيهم يااااااا رب