اللي تحب انها تكون مميزه عند حمولتها (تتفضل اهني عندنا تجمع)

[GAP]

بنات توه اليوم اخوي يايب هديه رمضان حق ابوي قلت خل اقولكم يمكن تستفيدون منها




يايب تلفزيون بلازما

لحظه لا تنصدمون تره سعره وايد زين جنه ب 400 يعني لو تتحاططون انتي وريلج واذا عنده اخوان متزوجين وتعطونه اياهم وايد راح يستانسون حتى انتو
وكل ما يشوفون فيه راح يذكرونج

انا عجبتني بس قلت اقولكم لان انا خلصت فكرت بهدية خالتي

شوفو بييب صندوق من الهنوف او اي مكان صناديقه حلوه وباخذلها دهن عود سنع وبخور من المرشود ( بس حسافه بيسوي تنزيلات اول رمضان متردده اشتري ولا انطر) المهم وبحطلها غراش صغار لقاح ونعناع يعني كل 5 غراش بربطهم ويا بعض وبحطهم وبحط زعفران وفواكه مجففه وشكر وهالسوالف وبوديه بوابة الهدايا يعلق عليه فوانيس وشرايط وانشالله يطلع حلووو هذا حق خالتي


وعمي هم بسويله صندوق صغير يحط دهن عود وبخور ويمكن قران


قولولي شرايكم واذا في شي لازم اضيفه لان انا كلش ما اعرف بهالسوالف

 

[الفنانه79]

حبيبتي ام ابدير يالغاليه عسى الله يرحمهم ويجعل مثواهم الجنه

عورتي قلبي (خلاص سويها حق ابو العيال ههههههه)

 

[الفنانه79]

حياكم الله على المرور

 

[سفيرة حمران النواظر]

ثانكس على هالموضوع رائع اخذنا افكار من البنااااااااات

 

[قطريه وافتخر]

اما انا بالنسبه لي امي وام زووووجي كل سنه ماشالله عليهم يرمضوووون بمكه .....
بس بقووولكم شنو كنت اسوي لزووجي في رمضااان ........مره سويت قعده على الارض وحطيت فيها الكوشيناااات المشككه وسويت كورنر كله كوشينات وثبت اغصان رفيعه في مزهريه وعلقت عليها فوانيس كااانت ناعمه وحلوه وكيووووت .......ومره جبت خميه من كارفورررر ورحت الحسا جبت قعده من هناااك بكل مافيها من تكايات وزوليه ودووووشق ومسااااند حتى صناااديق للديكوووور وجبت بعد كم فنر بس مش بالغاااااز ((علشااان ماتشب الدنيا)) اثنين علقته على زوايا الخميه وواحد حطيته على الطوله الصغيره على زاويه وسورت الخميه من الثلاث جهااات بالسدووووووووو وحطيت فيها التلفزيزن وكنا انتفطر فيها ........
ماتتصورون الي كان يدخل صاااالتي ينبهر بالي سويته
لدرجه زووووجي يقولي السنه شنو بتسوين !!!!! :eh_s(9):

 

[norema-sarto]

ضروري نهديهم؟؟؟؟؟؟

 

[love love]

بنات اشرايكم اشتري ماعين مثل ( طوس الشوربه وتوابعه)

ولا بخور ودهن عوود؟؟

 

[عروس الدنيا]

شوفوا حبايبي ... صوروا عيالكم حق القرقيعان بمصور معرفي و خلوها تكتب لكم
عند الصوره رمضان مبارك يا جدتي الغاليه
و كبري الصوره عندهم و اذا امكانياتج ما تسمح اخذي السيدي الي فيه الصور ( لأن اهم يعطون مع الصور سيدي ) ووديه اي مصور عادي يكبرلج ياها كبر ما تبين و ما بيصعد السعر عن 10 او 15
و اشتري قرانين و حطيهم بعلبه سنعه و زينيها من بره و كتبي على وحده اسم عمج و على الثانيه اسم خالتج
و خلي الصبيان يقدمون لجدهم و البنات لجدتهم و الصوره وديها و علقيها لهم بصالتهم و بيستانسون حيل
لأن مافي أغلى من ولد الولد
و صورة عيالج بتفرحهم
و اذا يه ببالي شي ثاني بقولكم انشالله

 

[درة الكويت*2]

السلام عليكم كويتيات
انا اول مرة اشارك في المنتدى واتمنى تقبلوني معاكم زميلة أوصديقة جديدة في المنتدى
اشكرك اختي الفنانة على هل موضوع الرائع
وانا بقولكم شنو سويت حق ولدي
السنة الاولى : أخذت صندوق مبيت طبعا حطيت فيه عطور وبخور وزعفران وطبعا حلاو القرقيعان ،،،،،،،،،،،، واكيد هل الفكرة قديمة
السنة الثانية : أخذت قفص عصفور لكن موالقفص العادي مال الطيور في سوق الحمام لا طبعا ،،، لا ،، اهوا صاير نفس شكل القفص حديد بس متوسط الحجم وفيه باب صغيروفيه استاند يوقف عليه ودخلت في داخلة عصفور لعبة وربطت في رجله بقشة وحطيت داخلها الحلاو تخيلي شكل الرسالة في رجل العصفور اشلون نازلة نفس الشي وطبعا داخل في أرضية القفص حطيت عش ملون وبيضة لعبة وطبعا مع صور ولدي ملوت القرقيعان والحمدلله طلعت حلوة وااايد وهذه ما تعطينها لاي أي طبعا للمميزين وحلاتها انها تكون حبة أو حبتين عشان تصير مميزة عن الباقي ،،،،،،
السنة الثالثة : سويت لبس قرقيعان على شكل سوري يعني شريت نفس خااام قرقيعان وخيطتها عند الخياط البنطلون ضيق من عند الساق واسع من فوق وقميص ابيض سادة وسديري قصير شوية نفس خام البنطلون وطربوش لونه أحمر وعصاية في ايده يعني كانت الفكرة في لبسه بس وااايد طلع حلو والقرقيعان حطيته في صحون ومطبوعة عليها صورته اقصد كل صحن بروح وعليها صورته باللبس السوري وفوقهم الحلاو وملفوف بالسولوفان

السنة الرابعة: هذه السنة والله مادري شنو أسوي ماكوفكرة في بالي
انا أفكر اني أعطي ليرة ذهب لأمي ولخالتي أم ريلي بس اشلون أحطهم ومع شنو ماااادري أرجو منكم اللي عندها فكرة تجيبلها لي واكون شاكرة لكم
واحب اضيف ملاحظة أنا الحين صار عندي بنت عمرها خمس شهور من بعد ولدي عمرة 4 سنوات اسم الله عليه فاذا في فكرة حق البنات بعد،،،،
ومشكورين على موضوع الروعة

 

[لوكريسيا]

بنات أبشرررررررررررررررررررررررررررررركم

خلصت هدية أمي و أبوي و خالتي و عمي ..

سويتلهم وقف بناء و ترميم مسجد من جمعية احياء التراث و طبعولهم شهادات بأساميهم كل واحد اسمه على شهادته ..

و ان شاء الله على اول يوم برمضان او 3 او رابع يوم .. لأني اول يوم الظهر بروح العمرة ف مادري متى أعطيهم ؟؟؟؟؟؟؟

شرايكم بنات؟

 

[love love]

لوكريسيا بجم طلع عليج ودي اسوي؟

 

[نفيشه]

فنانة
اشكرج على الموضوع الرااااااائع صج ياي بوقته


قطرية
ماشاء الله الله يهنيج شوقتيني حيييييييل على الفكرة
راح احاول اغير بالديكورات ان شاء الله

بالنسبة للشغلات اللي عجبتني:
عجبتني سالفة بوفتين اللي بالمباركية
وهم سجادة الصلاة مع الثوب
وفي بالي اطرش لهم بساتيق اجار بس شغل عيايز قبل((ترى حدي قديمة))
وهم الفواكه المجففة حلوة
وسالفة الوقف طبعا روووووووعه ودي اسويها حق ريلي بس المشكلة اني ما اشتغل فما يصير خذ من جيسه وعايده

لوكريسيا
انتي اساسا امج وابوج مو هني (( بتبجيها غصب ))
فانتي عطي خالتج هديتها قبل لا تمشين لي ييتي تسلمين عليها
وهدية امج وابوج خليها ببيتهم ووصي اختج تحطها بغرفتهم يوم اللي بيوصلون علشان يشوفونها حتى لو انتي مو هني وناسة راح يستانسون (( ابصم لج امج راح تبجي وابوج بيستلمها))
نيااااااهااااااااااااهاااااااااااااا

 

[لوكريسيا]

كيلوبترا ---> حبوبة انتي و مقدرتج .. تبين الشهادة ب 5 او 10 او 100 او 200 كيفج

نفوش----> انا حاسة ان لي عطيت الشهادة خالتي بتقلبها مناااااااااااااااااااااحة .. خالتي وايد حساسة .. يالله ان شاء الله عن قريب راح اقولكم ردة فعلهم

 

[عاشقة_الجمال]

والله الافكار حدها حلووه وعجيببببببببببببببببببببببه

انا مفكرررررررررررره اقدم فازه لقاح وزعفران او اني بسوي نفس الصينيه هذه

او اني بحط الصينيه هذه طبعا هذه شغل ايدي وفيها كل شي زعفران ولقاح وبسكوت ومكسرات وسكر قند

 

[Teta]

بنات جمعية الاصلاح يسوون لج كرت وايد حلو مساهمة بوقفية 10 دنانير وفيها اهداء خاص حق الأم والأب أو الزوج أو وقفية القرآن أو المريض
3832219

 

[اوركيدا]

عني انا .. هذي اول رمضان علي ..
او انا للحين مالجه بس ماتزوجت يعني في بيت اهلي ..
فأمي ساعدتني بالأفكار خذيت لها زعفران من النوع الزين وصيت عليه من الامارات .. كميه كبيره يعني ..
قهوه او تمر من السعوديه .. نفس الشي كميه تكفيها سنه ههههههههه
خلطت بزارات من وحده تسويهم بالبيت ..
خذيت لها كميه من المقالي يعني مثلجه او تقليهم .. سمبوسه او سبرنج رول او هالسوالف .. اشياء غريبه طباخنا يسويهم ..
شريت لها مصحف خطولي عليه اسمها وايد شكله حلو او عشان بالمره استاجر معاها ..

او حق العيد انشاءلله ناويه اخذ لها جلابيه رفيجتي تسويهم واااااايد حلوين انشاءلله براويكم الصور .. او بعد بوصي على عود من الامارات .. من محل الرصاصي شامته من قبل فيتي او واااااايد عجبها اسمه العود المعتق .. علبته تينن ذربه او ايي وياه مبخر .. او قلت بعد باوصيلها على قدوع العيد

اذا تذكرت شي بعد انشاءلله باقول لكم

 

[اوركيدا]

بنات جمعية الاصلاح يسوون لج كرت وايد حلو مساهمة بوقفية 10 دنانير وفيها اهداء خاص حق الأم والأب أو الزوج أو وقفية القرآن أو المريض
3832219

رووووووووووعه الفكره

 

[MANGA]

والله وبكل صراحه انا اول مره اسمع احد يقدم هديه بمناسبة حلول شهر رمضان

تفاجأت من الموضوع ,,, انا في القرقيعان ايه اسوي فناتق حق امي الله يخليها لنا

ويطول بعمرها ويعطيها الصحه والعافيه ,,, خالتي ام ريلي الله يرحمها تزوجة واهيه

متوفيه ,,, بس ما عندي اي فكره عن هذا الموضوووووووووووووع ,, بس صج اعجبتني

الفكره وااااااااااااااااايد ,,, تسلمين حبيبتي على الموضوع الحلووووووووووووووووووو

 

[ملاك-77]

هالسنة اول مرة مااقدم شي لخالتي ام زوجي

 

[عاشقة_الجمال]

ليش ملووكه منتي مقدمه شي لها !!!