اللي تاخد حبوب للرجيم تدش وتشوف شصار فيني

[كويتية بروما]

هاي كروشات:eh_s(17):
صار لي اسبوع مخففه والامور طيبه وفي نتيجه ولله الحمد
عاد مافيني صبر بنزل بسرعه
رحت مع الحب السوبر ماركت جان اقعد افر عند قسم الرجيم ولا في حبوب واشياء واااااااااايد منتجات عد وخربط
وكله بالايطالي:bbbiu: عاد قلت باخده شي بضعف غصب
ولا في صوره ع بوكس وحده ضعيييييييييييفه وحاطه شريط القياس المتر ويعني خست من الحبوب :rgewrg::rgewrg: احتريت وقلت الا باخدهم
ورديت البيت ودشيت موقعهم www.equilibra.com
وترجمت الموقع وطلع انهم يضعفون وهم عباره عن مكمل غدائي وتحتوي ع الكروم+ الشيتوزان+ليبوسان الترا
واتبعت التعليمات
المهم وقمت قبل لغدا ولهطت 2
بليل النفسيه زفت ارق مو قادره انام وريجي يابس حده مت من شرب الماي
واليوم بعد لهطت 2 ولا الريج نشف بزياده ودوخه وقلبي يدقققق والله اني قاعده اكتب لكم بنسي نفسي:eh_s(2):
شكيت فالحبوب:eh_s(22): وسويت سيرج بالنت
وطلعو الليبوسان الترا عباره عن مانع حمل الخ يعني هرمون والكروم كثرته تتلف الكلى:eh_s(11)::eh_s(16):
بنات نصيحه من اخت لخواتها ابتعدو عن الحبوب والله الصحه تاج ع رؤوسنا بس ابن ادم مايعرف قدر النعمه
ونقلت تجربتي عشان افيد خواتي كويتيات
اممممممموه لكم وشكرا

 

[نوووور الشمس]

اللة ستر عليج يا كويتية وتلاحقتي عمرج و عرفتي ضرر هالحبوب

والباقي ع البنات اللي كل شوي مجربين منتج من غير لا يعرفون مكوناتة

واضرارة الجانبية واللة يستر ع الجميع

 

[خفايا البحر]

الله ستر عليج
بس ان شاء الله باجي البنات ينتبهون

 

[Dalal.al3tibi]

يسلموا

 

[sunshine22]

انتي تنزلين هذي بروحها نعمه
في ناس ايسون رجيم ودايت قوي والوزن ثابت

 

[گـحِـلْ |~]

,

الحمد لله ربي ستر عليج @@ !
ديري بالج

.

 

[غرووووور]

الله ستر عليييييييج

والإنسان لاااااااازم يحمد ربه على نعمة الصحه

 

[منو انت]

مااصدق ان في حبوب بالدنيا مالها اثار جانبيه لو شنو ؟؟ الرجيم يعني تسكرين حلجج وتكثرين حركه غير جذي ارتاحي ليش تلعبين بعمرج وتسوين حق نفسج مشاكل انتي مو قدها والله ياان مصايب تصير من هالحبوب بس المشكله مانصدق واذا صار شي قعدنا نقول ياليت سمعنا كلام فلانه وعلانه

الله يبعد عن الجميع الامراض يارب وكل وحده تنزل بصحه وعاافيه

 

[قمراالجبيل]

الله ستر عليك أنا كلتةحبوب أمانا كير حبتين هلكت قلبي قام يضرب وحرمت نفسيتي زفت اتبعت دشتي غيره مافيه سلامات عدت على خير انشاالله تضعفين بصحه وعافيه

 

[شاعرهـ]

معروفة حبوب التسمين بجميع انواعها تسبب ارق والنفسية تصير زفت .. هذا غير الكآبة


بعكس فاتحة الشهية نوم وفلة ووناسة




اللي بتضعف خل يكون عندهآ عزيمة وتستمر عالريجيمات الزينة



موفقين

 

[كيكه توفي]

مشكوره

 

[كويتية بروما]

شاكره مروركم بنات عساكم دوم بصحه وعافيه

 

[Reham 84]

والله نفس الحااله
اخذت حبوب نسييت اسمها بس حبه وحده باليوم
ريقي نااااااشف وتسسسسد النفس بس انا طيحت شعري بشكل ماتتخيليين
والله اخذتها يمكن اسبوع بس او 6 ايام ووقفتها
للحين شعري يطيح صار نتفه والحين ادور شي يكثر الشعر
حسبي الله كان شعري يهبل
المشكله مو كاتبين في اضرار جانبيه