اللي بيني وبينه فرق السما والأرض

[احلا المزايين]

تزوجته زواج تقليدي وانصدمت بشخصيته اللي عكس شخصيتي تماما
انا هادية واهو عصبي بالي وسيع وصدره ضيق مايتحمل شي وحتا النظرة يفسرها بسوء الظن
مثقفة واهو امي رغم انه صغير بالعمر
مخة قافل وانا متفتحة ياكثر ممنوعاته بدون اي تبرير
الحين انا اكلمكم ومر على زواجي سبع سنين
أقلمت نفسي معاه
علا الرغم من تعاكس شخصياتنا
ولكن في امور رافضها وابيها ومالها اي مبرر او معنى
مثل بصبغ شقتي اللي صبغها راح فيها من كثر مايشخبطون اعيالي وانمسح
الاث مال غرفة القعدة بغيرة انهرا والله وهم رافض ياابن الحلال علا احسابي
يقول انا وين اروح لعلمكم انا ساكنة مع اهله يقول اذاًانصبغ البيت وين اروح
وغير هالشي اشياء اتحسر علا نفسي غيري تغيير الاثاث عندهم لا تعتبر مشكلة وانا لي سنييييييييين من رابع سنة وانا ابي هالشي
وغير التصادم الفكري بيني وبينه وهاذا شي مو سهل للي مجربه

 

[Vous jamais]

الله يسخره لج

اقوى حل الدعاء و حاولي تعرفين شنو يحب و شنو يكره

و بالمسايس و المدارة ممكن تجيب نتيجة

 

[سندس 90]

^^^^^
معاها والله يسخره لج

 

[منال $]

الله يكون بعونك
كتري من الدعاء والاستغفار

 

[ناتشوو]

تعوذي من ابليس
عسى الله يسخره لج


الاختلافات اللي ذكرتيها في البداية
من عصبية وهدوء
هذي لصالحكم
هذي تكملكم
تخيلي كلكم عصبيين؟

بالنسبة للاثاث وتغييره
ترى اتوقع نادرا مافي وحدة
ماتعاني هالشي
واغلبية الأزواج مو سالفة بخل
سالفة مالي خلق أفتر بالمحلات

واذا قال وين اروح
قولي الصبغ يوم ولايومين بالكثيروفي بدون ريحة
ينام بالديوانية او اي غرفة صادة
وانتي روحي لاهلج

وفي شغله قلتيها
ان الحريم يغيرون اثاثهم دايما وانا لا
أتمنى ماتكونين من نوعية حريم
اللي عادي يعيشون بهم بس ليش غيري لا
ليش فلان يدلع زوجته وهي ماتسوى
وليش هذا كريم مع زوجته وهي ماتستاهل

بالنهاية اقول
الله يهديه ويسخره لج
ويصلح مابينكم
افهم شعورج لما تحسين كل واحد بواد
بس لا حيل تاخذج الأفكار السوداوية
وتصورلج الواقع أسوأ مم هو عليه

دام حياتج محتمله عيشي
وتذكري ان جهاد المرأة ف بيتها
والحمدلله ع اي حال

والحياة الزوجية والحياة بشكل عام
متقلبه مستحيل تستمر ع وتيرة وحدة
لا حزن يدوم ولا فرح يدوم
واكتشفت ان السعيدة في حياتها
مو لان أمورها تمشي مثل ماتبي
لا
السعيدة هي اللي تكتم لان الناس ماينفعونج بشي
وياما حريم
كنت اعتقد أنهم سعيدات ومستقرات
لكن لما تتعرفين عليهم عن قرب
تكتشفين أنهم بعيدين عن المثالية والسعادة
بس يحاولون يمشون الامور

 

[PuPa^^SWeeT]

^^^^ كلام ناتشووو عدل

 

[رنيم الروح]

حبيبتي الاختلاف الي ذكرتيه بينكم افضل لكم
بس على تغيير الاثاث اقولها لك انا تعبت من هالموضوع كان رافض يغير
اي شي وحتى على احسابي 9سنوات وانا ابي اغير
بس بعدها خذيته بالحيله وقدرت اقنعه وانه الناس ناقدين عليك انته وووو الخ ومو كل شي واذكر شغله واحده بس وافق عليها و من بعدها كل ماخلصت شي بالبيت قلت يووه شفت اشلون صار فشله بالناس خلنا انعدل اشغله الفلانيه وكل اشوي اطلع شي لين غيرت البيت كله من روخام وبويات واثاث حتى الكسسوارات
بس للحين يحن ليتني رافض اتغيرين شي بس اطنشه ههههههههههههههههه

 

[رنيم الروح]

المشكله الي تواجهني مع زوجي انسااان مايحب التغيير كلش وحريص على اغراضه

 

[al-musk]

الزمن الحين تغير ومو نفس اول وفترة الخطبة الي قبل الملجة حييييل مهمه .. الي صار الحين صار انتي حاولي فيه تجرينه صوبج وان شاء الله مع الايام يتعود
وبالنسبة للختلاف بالامزجه والطبايع فجذي تحتوون بعض وتمشون لان الي ناقص عندج تلقينه عنده وهو العكس

 

[مدّهره !]

الله يهديه لج ..’

 

[احلا المزايين]

الله يعطي الصبايا الف خير خاصة ناتشوز ردج كاان مريييييحوالمسك ورنيم الروح ومدهرة والكلللل يعطيكم الف عافية

 

[الأميرة جوري]

الله يهديه لج يارب بالتفاهم كل شي ينحل اشرحي كل شي بخاطرج وقولي الاسباب بيقتنع

 

[Maaax]

الله يوفقج حبيبتي والله يسخره لج

 

[موكا لاتيه]

تحملي وادعي ربج وحاولي تكسبينه

 

[قمرية الفيس]

اغلب المتزوجين يكون بينهم اختلاق بالتفكير

 

[كويتية بروما]

الله يسخره لج

 

[Mjnont '3lay]

عمري يقولج المره تاخذينها بالعين الحمره تمشي سيييده

اما الرجال يقولج ولدج على ماتربينه ورجلج على ماتعودينه

والرجال طفل بيييبي كبير صدقييني
اكبر مثال لج الاخت رنيم الروح الله يذكرها بالخير 9 سنين وهي تعاني مع هالرجال وسبحان الله لمن قررت تتبع اسلوب السياسه تبدل الحال من حال الى حال وسوت اللي تبيه من غير عوار راس ورفعة ضغط كل يوم
كوني مره ذكيه وفكري بهدوء ورتبي افكارج واعرفي شلون تاخذين اللي تبينه بكل هدوء وراحة بال وغيري سياستج وياه وشوفي شنو نقطة رجلج واستغليها وانتي الحين لج 7 سنين مو معقول لي الحين ماعرفتي نقاط ضعف رجلج شنو
هذا بس اللي بقوله لج ونصيحه من اخت تحبج في الله
شوفي مشاكل غيرج وقولي الحمدالله الذي رزقني هذا من غير لا حول مني ولا قوه
الاف الحريم رياجيلهم سكيرين وراعيين بنات وزنى وحشيش ومخدرات والعياذ بالله
انتي احسن منهم مليون مره ومشكلة زوجج جدا بسيطه
يكفي انج بآخر الليل تحطين راسج عالمخده وتنامين وانتي حاسه بالامان ببيتج وبغرفتج وبراحتج
غيرج مو لاقين الامان والاستقرار
قولي الحمدالله والله انتي احسن من غيرج
وماااعليج من فلانه شرت او علانه خذت عليج من نفسج وووبس وكوني مره قنوعه
وبالنسبه لسالفة الصبغ قولي له عمري من زمان ما جددنا شهر عسلنا شرايك بهاليومين اللي العمال يجون يصبغون فيه نروح لنا فندق كشخه نريح فيه اعصابنا ونعيد شهر عسلنا من جديد اخذييييييييه بالسيااااسه وزيني الفكر برااسه صدقيني تكسبينه والله العظيم

 

[Mjnont '3lay]

وعلى فكره احمدي ربج انه بينكم اختلاف
انا ورجلي عصبيين اذا اجتمعنا وقت العصبيه توصل بينا لي الطلاق اعوووذ بالله
وبالعكس الشغلات اللي انتي تشوفينها عيوب تراها مميزات بس انتي الشيطان قاعد يوسوس براسج ومو عارفه تفكرين صح
تعوذي من ابليس
ولا تنسين الدعاء كل يوم ادعي بصلاتج الفجر او قيام الليل والله مايرد عبد اذا دعاه نصيحه لا تنسين الدعاء ولا تستهينين فيه

 

[برنسس كاتي]

عزيزتي المفروض من البداية حتى لو زواج تقليدي وحسيتي في بينكم فرق المفروض كان عرفتي اطباعه
الموووهم احس الفروقات يعني مو مرره
على سالفة الأثاث والصبغ ما ادري بس بعض الرجاال الله يهداهم عندهم تغيير الأثاث وهل أشياء
من الامور الغير مهمه
زي مثلا ابوي ، صالتنا 20 سنة ما تغير الأثاث مع الحاح امي
وابويي رااافض يغير اثاث الصالة الي راحت موضته والحجة هي
انه هو شاري الأثاث من امريكا بالمبلغ الفلاني :eh_s(4):
لمن مره زارنا خالي وقعد على كنبه وانكسرت ههه
ابوي انحرج وغير اثاث البيت كله خخخ :krkrkr:
ترى بعض الرجال كذا
جربي عزمي اخوج قدام ريلج وخلي الكنبه تنكسر خخخخ


الله يصلحه وان شاء الله تسوين اللي تبينه :eh_s(15):

 

[احلا المزايين]

مجنونة علي يعطيج الف عافية ع النصايح المفيدةوانا ترا دبلوماسية وسياسية بالفطرة
بس اهو الله يهديه مزااااااااجي ومايفكر الا بنفسه الله
والحمدالله ع كل حال