اللي بكليه البنات الجامعيه او يعرف عنها(( مساعده بليز ))

[][شموخ][]

الســلام عليكم ورحمة الله وبركاااته
..
شخباركم بنات؟؟
..
عندي جم استفسار عن كليه البنات
1_ جم النسب اللي تقبلها؟؟
2-سمعت انها خلاااص اكتفت ماراح تقبل اكثر هالسنه؟؟ صج ولا لا؟
3-شنو الفرق بين

بكالوريوس علوم التغذية.

- بكالوريوس علوم في علوم التغذية
..
4- شنو الوظيفه لو اتخرج من احد هالقسمين؟؟يعني اراقب اكل المرضى بالمستشفيات ولا اكون اخصائيه تغذيه ووظيفتي مثل حسين دشتي وعبدالله المطوع اعطي الناس انظمه غذائيه واقدر افتح عياده؟؟
وووبس
يااريت اللي تجاوب تعطيني اجوبه متأكده منها

..
ومشكورييين مقدماً
..
تحياتي للجمييع
اختكم
شموع

 

[فجوره 111]

حبيبتي دشي منتداهم و سأليهم اهما الي راح يعطونج الخبر الجواب الاكيد

 

[willa]

حببيبتي نسبة القبول بكليتنا 82
و تنقبلين فوري

اما علوم التغذية تصيرين اخصائية تغذية
و إن شاء الله البنات بعد يفيدونج

 

[وسطيه والفخر]

السلام عليكم اختي الفاضله انا كنت بكلية البنات الجامعية بس حولت منها : وعندي خبره فيها اول شي النسبه يبون 82 فوري مكافئ يعني مع امتحان قدرات انجليزي ورياضيات لان الاخت كاتبه 82 وبس اتمنى تكون المعلومات دقيقه قبل الكتابه ولطالبات العلمي فقط بس على ايامي قبل سنتين تقريبا اقبلوني مع ان ماكنت متوقعه كانوا يبون بنات......بس لمن دشيتها كان نقص شديييد بالدكاتره وقله الدكاتره الكويتين واكثر شي قسم التغذيه اما الحين عندهم اكتفاء عشان جذي ارفعوا النسب

 

[innocent]

نفس ما قالت willa نسبة القبول الفوري 82 طبعا نسبة مكافئة

يعني ضروري تقدمين قدرات وطبعا تقبل علمي بس


بالنسبة لسؤالج الثاني ما عندي فكرة والله

بالنسبة للمجال الوظيفي في بكالوريوس علوم التغذية

العمل في صحة المجتمع ورعاية التغذية الصحية

العمل على التحقق من اختيار الغذاء الصحي في للمدارس و المستشفيات

العمل في عيادات خاصة وتقديم الاستشارات الغذائية

المسمى الوظيفي اول ما تتخرجين (( مفتش تغذية ))لين تتجتازين الدورة اللي اهي 8 شهوور

بعدها اظن تصيرين اخصائية تغذية وتقدرين تشتغلين في هالمجال

واذا تبين تعرفين اكثر دشي تجمعنا

وموفقة يارب

 

[][شموخ][]

ماااا قصرتوا حبيباتي بس انا النسبه المكافئه 71 %
..
يعني شلووون ماراح انقبل؟؟
ووين تجمعكم (( منتداكم )) ياريت تعطوني الرابط
..
ومشكورييين حبيباتي
..
تحياتي

 

[innocent]

شمووخ

لا ان شاء الله راح تنقبلين : )

82 هي نسبة القبول الفوري

بالنسبة لتجمعنا

دشي على هالرابط واقري وراح تستفيدين

http://www.q8yat.net/showthread.php?t=27453

 

[rosemary777]

ما انصحج بهالتخصص

 

[][شموخ][]

أفااا ليش ما تنصحيني ؟؟

 

[rosemary777]

مكان شغلك راح يكون وين

1- اذا تخصص تغذيه بالمستشفيات مع العمال يخزون فيج وتعرفين نظراتهم وصخه

2- اذا ادارة التغذيه والاطعام ما حاجه اقولج الكل يذم فيهم

3- معهد الابحاث دوامهم طويل للساعه 3

4- بعدين وايد عندهم دبلوم تغذيه يعني مكتفين وفي ناس كملو برا واخذوا بكالريوس وماجستير ودكتواره وفتحوا عيادات


يعني باختصار وين بتكونين وسط هالعالم والقرار لج بس انا انصحج

 

[][شموخ][]

مشكوره حبيبتي
بس انا خلاص تدبست
..
بس ان شاء الله ما يكون مثل توقعاتج ..تفاءلوا بالخير تجدوه
..
حبيبتي والله مقدره خدمتج
تحياتي