اللي بتسافر ماليزيا لا يحوشك هالفندق .. حرامية ونصب بنصب !!

[فنر 2009]

السلام عليكم .

شلونكم بنات المنتدى / صباح / مسا الخير .


:68_asmilies-com:


:68_asmilies-com:الموضوع واضح اللي بتروح ماليزيا هالصيف

!!!!!



ديري بالج تروحين فندق هوليدي أن اللي في جزيرة بينانج_03BA:


حرامية ونصابين!!


مكونيين عصابة علاء الدين الاستقبال وطاقم التنظيف ( حريم )

لا واللي يحر متحجبات.



بنات سبق واني حذرت من هالفندق:eh_s(14):



وأي سؤال أنا حاظر:dddds:

والله على ما أقول شهيد .

 

[شباصه ريش]

قوليلنا حبيبتي شاللي صار معاج بالضبط

 

[kuwaitya_zoGaa]

اى شالسالفه ؟؟

 

[ArEEj]

شصار فيكم ؟
الله يستر

 

[مزيونه وشقره]

ويي اشصاير شالسالفه


ღ♥ღ♥ღ♥ღ

مع تحياتي ياحياتي

مزيونه وشقره​

 

[B A N F S J E]

انتي مو اول وحده تشتكي من هالفندق
في وحده بعد اشتكت منه وانهم نصابين

غريبه ؟

 

[dalprincess]

جنه انا بعد من قبل سمعت وحده تشتكي مهنهم تقول لمن بينظفون الغرفه يبوقون ... بس مادري والله مو مجربته

 

[مزيونه وشقره]

وي على طاري يبوقون اذكر بفندق من الفنادق اذا طلعت ورديت الاقيهم بايقين بطريقة ذربه يعني اطلع الاقي البدي لوشن رااايح ثلاث ارباعه والكريم نصه ههههههههههه والله شكيت بروحي


ღ♥ღ♥ღ♥ღ

مع تحياتي ياحياتي

مزيونه وشقره​

 

[أساور]

قولي سالفتج عاد!!

 

[bobo lover]

شنو صار بالضبط؟؟
و الفنادق كلها لازم نخاف منها مو بالذات هالفندق

 

[فنر 2009]

والله يا بنات ماودي اقول سالفتي مره ثانية عشان كل ما قلتها:0bee2e8d89: يضيق خلقي بس بقولها عشانكم:cxxxp:


أول ما دشينا فندق هوليدي أن اللي في جزيرة بينانج:0bee2e8d89: وخلصنا من إجراءات الأستقبال بسرعة لأن أحنا حاجزين من الكويت بالنت.


وصعد معانا واحد هندي مسلم مال الغرف وسلمنا الغرفة وقال كل شي اوكي.

قلنا اوكي وقبل لايطلع قال ديروا بالكم فيه أهنيه عصابة علاء الدين وطلع.

وقلت حق زوجي الله يستر شنو فيه!!!!

زوجي: ماعليج منه ماعنده سالفة



وإقامة بهالفندق أربع أيام وأحنا وصلنا على 2 الفير:cxxxp: وكنا تعبانين حييييييييييل من الرحلة أخذينا دوش ونمنا وماقعدنا ألا الساعة 10 الصبح ويقولي زوجي يلا أنا ميت من الجوع خل نلحق على الريق:eh_s(14):



وبسرعة نزلنا وخلصنا ريوق ولا يستقبلنا واحد أنتم بتطلعون قلنا بعد شوي وطلعنا فوق وتسبحنا وخذيت أغراضي ونزلنا ولا السايق بوجهنا قال جاهزين قلنا ايه قال متى بتردون البيت قال زوجي ماادري يمكن بعد ساعتين .




ولما ردينا الفندق فتحت جنطتي ولا بايقين 200 دينار كنت حاطتهم احتياط .

ودورت ... وحست قلت مابي اظلمهم ودورت ماكوووووووووووه شي!!

قلت حق زوجي خلنا نروح تحت نسأل واول ماشفتنا مالت الاستقبال وسمعت سالفتنا جان تقول ببرود الله ما اقدر اسوي شي!!!


شنو افتش الفندق كله!!!


وقلت خلاص الله بيعوضني الله كريم وفوقكم وشايف كل شي .



وطلعنا الساعة 5 المغرب وركبنا مع سايق شايب مسلم وايد محترم وقعد يدردش مع زوجي وقاله انت مثل ولدي انا بنصحك ليش جيت في هالفندق:0bee2e8d89: احنا انصدمنا من كلامه قلنا ليييش ؟؟

هالفندق وايد مشاكل عليه حرامي حرامي,,الاستقبال يدق على التنظيف ويقولهم الزبون مطول أخذ راحتك وطبعا الاستقبال متفق مع السايق والسايق تابع تحركاتهم:eh_s(1):


وبعدين عرفت انهم ماخذين عطري غالي وحمرة وشامبو وووووو.


وموبس انا اذكر وحدة يوم جينا نطلع من الفندق تصارخ وتقول فلوسي .. فلوسي .. يا عيال ....

وكانت بحرينية .



ونسيت اقولكم ان السايق نصحنا نروح الشرطة ومعاناة معاهم يا ليتنا ما رحنا تمينا عندهم خمس ساعات ويرد علينا بكا برود ليش مو حاطة الفلوس بالتجوري مال الفندق.


وقلتله العطر والحمرة والشامبو بعد احطهم بالتجوري مالكم مالت عليكم..




واللي يبط الجبد يضحك ويقول ماعندي شغل هاليومين الا سرقات هالفندق.


واللي بيبط الجبد اكثر يقول بالصيف تكثر السرقات خاصة من الخلجييين.


والله يا بنات انقهرت مستخفلين الخلجيين ويمصون دمهم وخاصة الشباب الصغار.



والسايق يقولنا لو انكم مو مسلمين جان ماقلتلكم شي:0bee2e8d89: ولو عرف مدير الفندق جان قص راسي.

وعرفنا ليش السايق الأول يحقق معانا عن الردة!!! عشان يدقق على الاستقبال.


وردينا الكويت ومازال المحقق التعبان يحققق:0bee2e8d89: بالقضية الخسرانة.


والله يعوضيني أن شاء الله وحسبي الله ونعمة الوكيل فيهم.

 

[فساتين فخمه]

حسبي الله عليهم بالهوليدي ان ويسرقوووووووووون

 

[supermarket]

حسبي الله عليهم ... الله يعوضج خير

بس مافكرتي تبعثين ايميل لسايت الهوليدي ان الرئيسي

لانها فنادق عالمية واكيد تهمهم سمعتهم

 

[موزة ام فارس]

أنا وحده ما اثق بالفنادق حتى لو 10 نجوم

قبل لا اطلع من غرفة الفندق ارد اغراضي بالجنطة واسفطهم عدل
جني توني يايه من السفر واقفلها عدل بالقفل

ولا أخلي شي بره لا على الطاولة ولا بالحمام
كل اغراضي بجنطتي

فيهم خير خل يكسرون الجناط والله اعفسهم عفاس
واتصل على شركة الفنادق الرئيسية واكلمهم جدامهم

 

[فنر 2009]

حسبي الله عليهم ... الله يعوضج خير

بس مافكرتي تبعثين ايميل لسايت الهوليدي ان الرئيسي

لانها فنادق عالمية واكيد تهمهم سمعتهم

والله فكرت يا قلبي وبعد قلت بروح السفارة اشتكي بس زوجي ما يحب المشاكل ما رضى قال خلاص مو كافي ما استانسنا بالسفرة.:0bee2e8d89:

الله يعوضج وانسي اللي صار.:cxxxp:

 

[فنر 2009]

أنا وحده ما اثق بالفنادق حتى لو 10 نجوم

قبل لا اطلع من غرفة الفندق ارد اغراضي بالجنطة واسفطهم عدل
جني توني يايه من السفر واقفلها عدل بالقفل

ولا أخلي شي بره لا على الطاولة ولا بالحمام
كل اغراضي بجنطتي

فيهم خير خل يكسرون الجناط والله اعفسهم عفاس
واتصل على شركة الفنادق الرئيسية واكلمهم جدامهم

ماشاء الله عليج. والله عفية عليج ما ينفع معاهم ألا جذيه:dddds:

وأنا مثل ما وضحت لكم كنت تعبانة ونسيت جنطتي وشنو حاطة فيها_03BA:

 

[أساور]

حسبي الله عليهم الله يعوضج ومثل ماقالت سوبرماركت دزي ايميل للشركة الام وشوفي شيردون عليج

 

[سلام]

الله يعوضج خير

 

[Lady^bird]

خرعتووووووووني .. شلون جذي .. يعني بس بماليزيا ولا بدول ثانيه بعد ؟؟؟؟؟؟

 

[جنتي^و^ناري]

صج لازم تحطين تجربتج بالسايتات اللي المسافرين يحطون رايهم عن الفنادق

عليج بالخلف و عليهم بالتلف

و الله يعوظج