اللي بتتزوج واهي متينة ,, او متينة ومتزوجه ,, تعالووووو اقول لكم شصار!!

[blondeya-pretty]

صبـاح الخير بنات <<الساعه 7 الصبح

حبيت اذكر موضوع امبييه ضايقنييي ومابي احد يتضايق من الموضوع بس لمصلحتكم والله

اول شي بذكر الموقف اللي شفته قبل فترة
كنت رايحة مرينا الصبح بشتري ملابس<<رايحه من الصبح عشان مااكو احد وكان يوم عطلة قلت خل الحق ماكو احد خخخ
المهم
وآنا بمحل من المحلات
وحده مع زوجها ,, مو كبار وايد يمكن بالثلاثينات .. كانت لابسة شوي ضيج واهي متيييينة وزوايد وحالتها حالة وآنا اقول بقلبي"تستري لازم تطلعين البلاوي المنيلة يعني:eh_s(16):"

المهم ماسكة نفنوف قصير شوي وحاطته على جسمها وتكلم زوجها بس معطيته ظهرها وتقول له : راح يطلع حلوو التايقر واايد حلو عليه بس جنه بيطلع وايد ضيج
والزوج الحبيب بواااااادي ثااااااني قاعد يطالع وحده صوبهم كانت قاعده تطالع الملابس ,, البنية البنية لابسة قميص من بنطرون هاي ويست ومفصل جسمها عدددددل وخصرها صغييير وخلفيتها كبييرة والجسم ماشاءلله
والريال متنح ولا جنه مرته وياه
ومرته تسولف وتقول له حبيبي تصدق فلانة شفتها ذاك اليوم لابسة نفس هذا البيج
والريال بوادي ثااااني والمرة مو منتبهه واهو حددده متنح مع انه ما تحرش بالبنية بس متنح واايد!!


المهم المـغزى من الموضوع : بنااات ترى الرياييل عندهم احسااااااااااس
لا تقولون لي هذا ما يستحي ورياييلنا ما يسوون جذي وآنا ريلي عاجبه جسمي حتى لو متينة عاجبه نووووووووووووووووووو
ترى هذي غريزة يعني يشوف وحده جسمهااا واااو ويرد يطالع مرته بالبيت ويشوف جسمها ويقاارن !!
صدقوووني كل الرياييل جذي والمشكلة البنات مو هامهم وما يهتمون بجسمهم ويقولون عاادي ريلي ما يطالع ريلي ما يخونني

امبيييه ترى مليوووووووون مرة يمر علي موقف واحد متزوج ومرته جسمها مادري شلون صاير ولما تمر يمه وحده لااازم يتنح علشان جذي آنا اتحاشى امر يمهم اخاف من نظراتهم !!

بنااات اهتمو بنفسكم ترى اذا تزوجتي متينة بتييبين ياهل وهم بيزيد وزنج 10 الى 15 كيلو وبتجابلين الياهل وتهملين نفسج !! عالاقل قبل الزواج علشان اول الزواج تكونين رشيقة

ومتزوجات بليييز اهتموو بجسمكم ترى والله الرياييل ما يعجبهم العجب

حبيت انصحكم بس لانه هالسالفة غاثتني :eh_s(8):​

 

[@ام ضاري@]

بختصر وارفع الموضوع
اهي ماجت على الرياجيل احيان احنا يا الحريم لا شفتي جسم وحده قبالج
تقولين ليته جسمي جذي مثلها حتى لو كان جسمج حلو والا مقبول
ابن ادام طماع

 

[انا لحبيبي .]

Up

 

[احساسي غريب]

شرايج انا اعرف واحد خطب وحده متينه وخواتها رشيقات واختاراه من بينهم يقول ابي المتينه
لاتعبون نفسكم الرجاجيل مافيه شي يعجبهم

 

[باربية الكوووويت]

صدقتي مستانسه وتقول ريلي يموت بجسمي وانا متينه جذي وفي ازواج قايلها جذي من كثر خباثته يبيها تصير متيننه واكر من شكلها عشان محد يطالعها ولا يطل بويها ولا تشوف حاله عليه

 

[ترجمة احساس]

اب اب

 

[زود الغلا]

والله صاجة شكثر تمر علي هالمواقف اشوف متان وعيون رياجيلهم طايرة وبعض المتان قلوبهم ميتة .....وخصوصا الوقت هذا الوحد لالالالالالالالالالالالالالالالالالالالازم تهتم بجسمها موشرط يكون توب بس عاى الاقل يصير مرتب مافية هالطفافيح

 

[! بــدويه وآآيــد !]

،


احنا البنات كل مادشت وحده انا حلوه ومملوحه وكشخه لازم تكتب هالرد بردها اذا يحتاج واذا دشت موضوع كيم والا ميريام ياحلات الجسم ويازين الجسم لوووووووول عاد شلون الرجال

احنا نتحطم ونتحلطم شلون اهما

انا وزني 48 او 47 بعرسي كان 50 يقول ضعفانه ردي متني شوي بس ما افكر باجر اجيب بيبي انفرش لاحقه ع المتن حدي مستانسه بجسمي

الوحده لازم تهتم لنفسها قبل لزوجها​

 

[ديانا سبنسر]

عن نفسي احب اهتم بنفسي واكون مقبولة تقريبا موعلشانه علشان نفسيتي اما بالنسبة للريال مايملا عينه شي اللي عنده متينة يبي ضعيفة والعكس صحيح

 

[زهراء 24]

اولا انا اذا ابي اصير ضعيفه ورشيقه اصير حق نفسي​

مااصير رشيقه عشان ريال لانه بالنهايه الرياييل ماراح يبين بعينهم كلش​

انا اعرف وحده من اهلنا مسكينه ما تاكل تحرم نفسها من الاكل عشان تظل رشيقه بعيون ريلها​

اخر شي المسكينه ريلها راح وتزوج عليها لان الريال ما يبين بعينه شي​

وثانيا مو شرط اذا الوحده كانت رشيقه ريلها ما يطالع غيرها ​

في حريم جسمهم حلو وضعاف ومع هذا رياييلهم يخونون​

والعكس في حريم متان ورياييلهم ما يشوفون غيرهم​

 

[شقرا كويتيه]

اي والله صاجه اهم شي الجسم يكون حتى لوموو توب بس مقبول يسلموووو

 

[امل يائس]

والله حبيبتي تعالي شوفي مرت حماي جسمها ماشاالله حتى المانيكان مو جذي مرتب و هي عندها 5 عيال بس مهتمة بنفسها واااااااااااااااااااااااااااااااااااااااااااايد لبس و اظافر و مكياج و شعر و جسم وكل شي و ريلها مغازل ويه بنات بالداوم 24 ساعه و حاط له خط ثاني بعد و عندي مرت حماي الي اصغر منها متيييييييييييييييييييييييييييييييييييييينه تخرع لا لبس و لا مكياج ولاشي بس ريلها ما يرضى عليها لو بكلمة و يدللها دلال جدامنه اشكره باليمعات و جذي

عشان جذي اصابعج مو سوى حسب قناعه الرجال و تفكريه
الريال عنده اهم شي ال..... و انج توفرين له اسباب الراحه الي اهي الهدوء و اللبس و اللقمة و العطر الفايح ة و رزته اهله
حطيهم على راسج يحطج على القمر انشالله تكونين دلفين ههههههههههههههههه

 

[Sweetq8]

اممممممم احس الرشاقه صحه لج قبل رجلج

لان الرجااااال مايبين بعينه شي و الرياجيل يختلفون مو كلهم سواا

 

[القلعة الذهبية]

مو قاعدة ان كل وحدة جسمها حلو زوجها ما يخونها بالنهاية الرجال ما يعجبه العجب

 

[شووكولاته]

شوفي احنا نحب الرشاقه ونختار لاخوانه الرشيقه او ضعيفه بس والله شايفه حالات بعيني يحب وحده متيييينه حيل مومتروسه لأ بطه وميت عليها وتزوجها وتطلقت منه وميت يبيها شرايج


الحب ياقلبي مايعرف المتن والضعف وواحد بعد زوجته اقل من عاديه كل بنات عايلته احلى منها وهي عاجبته ويسأل امه لما شافوها اهله هاشقالو عن زوجتي علباله مادحين ذوقه

والام تقول لا ماعلقوا وهما قايلين شلاقي فيها اهو احلى منها


ربج الي شوفينه موحلو يشوفه غيرج حلو

 

[رحيل المرافيء]

شوفي حبوبة بمحلات قمصان النوم كلهم يخزون الغلط من المرة مدخلة زوجها معاها خاصة وانه فيه حريم
الريال من يشوف قمصان النوم يستخف
الجسم مو شرط وايد رشيقات مطلقات
مو معنات هذا الوحدة ماتهتم بجسمهااااااا لاااااااا
واكو رياييل يحبون المتينة
واهم شي الاهتمام اكو رشيقات بس ماتهتم بنفسها من ناحية النظافة والحف وهالامووور

 

[شووكولاته]

عن نفسي احب اهتم بنفسي واكون مقبولة تقريبا موعلشانه علشان نفسيتي اما بالنسبة للريال مايملا عينه شي اللي عنده متينة يبي ضعيفة والعكس صحيح

راينا انتي احلى من جنتج :eh_s(17):ردي عالتوقيع

 

[روح مغليهآ]

جاري عمل الرجيم ,,

 

[chanel N22]

والله لامتينه ولاضعيفه ولاحلوه ولاجيكره الحـــــــــــــــــــــــــــــــــــظ ياقلبي
واكيد ان الواحد لازم يبذل السبب بس مع هذا احس الحظ والتوافيج

 

[*ريما*]

الحظ يلعب دور
والحب بعد يلعب دور
سواء متينة ولا رشيقة