اللي المكمكات والمتحورات دشو لاهنتوا !!

[اميره بكلمتي]

صباح الخيرر ، اشلونكم مع الضعف ان شاء الله بخير ؟!

بغييت اسئلكم بعد العمليه اشلون اهتمامكم لشعركم وبشرتكم الدكتور شنو وصفلكم حبوب او شامبو ؟ ياريت تذكروونهم

بس بغيت اسئلكم صاار فيكم نقص بوتاسيوم ومغنيسيوم ولالا ؟ طيب اشلون عالجتو واشلون عرفتوا انه فيكم

لان انا صارلي فتره احس انه رجلي وايدي داايم تشد وتنمل صرت ماحب اقعد عالارض وبس

اردي قرقرت على روسكم وااجد بس شسوي تحملوووني


:aha:

 

[~شوق الغلا~]

رد : اللي المكمكات والمتحورات دشو لاهنتوا !!

اهلين ياقلبي انا مسويه عملية تكميم السليف صارلي باقيلي 5 ايام واكمل شهرين والحمدالله ماحس بشي والدكتور قالي ماتحتاجين فيتامينات .. بس بنطر اكمل شهرين وبروح اسوي تحليل

 

[اميره بكلمتي]

اهاا زين تسوين انا دكتورتي التغذيه عطتني حبوب فيتامين للشعر اسمها برايورين بس بشوف اسئل دكتورتي اذا احتاج ولالا

 

[ابيار علي]

انا دكتوري قالي ماتحتاجين لانه راح يوقف التساقط ويرد يطلع فاا ماله داعي الفيتامينات وقالي انا ابيج تاكلين كل شي صحي والفيتامينات اتحصلينها من اكلج مو من الحبوب وقالي لاتخافين ماراح يطيح حيل وانا بالاساس التساقط مني وفيني من قبل لا اسوي العمليه وشعري خفيف يعني اااخر همي بس قلت له ابي كريم حق اثر العمليه ووصف لي جل بس لحد الحيل ماشريته وعالمعاشي الياي بدش نادي حق سباحه لانه جسمي بدا يترهل فاا بلحق على روحي

وعالنقص اللي يصير لج انتي لاتخلين روحج اكثر من ساعتين من غير اكل حتى لو مو يوعانه اكلي اشياء خفيفه مثل منتجات الالبان وايد زينه للشعر والبشره والعصاير الفرش

 

[اميره بكلمتي]

يعطيييج العافيه حبيبتي عاد تصدقين انا اقعد اكثر من غير شي مااحس اني جوعانه

 

[عيون عبدالرحمن]

شلفرق بين الحلقه والتكميم؟

 

[اميره بكلمتي]

الفرق بينهم ان التكميم يقصوون جزء من المعده 80% منها

اما التحوير لا يقصون المعده مع الامعاء

 

[mi corazon]

احسن حبوب وصفلي اياها الدكتور اهي حبوب مكملات غذائيه للحوامل اسمها بريقنانت شي جذي بس عجيبه

والحين وصفلي معاهم حبوب ايزي ايرون وقلل حيل تساقط شعري

واهم شي يا مكممات ومتحورات اهتموا بخضروات والملوخيه والزبانخ حلوه للحديد

سلامات

 

[ام فطوووم]

هلا حبيبتي
انه مسويه تكميم للمعده قبل سنه و9 اشهر بس الحمدلله مليوووووووووووووون مره ماشالله ماطاح شعري
عادي التساقط العادي اللي قبل بعد لا اسوي العمليه
وبالنسبه للفيتامينات عطاني بس شراب اللي على صوره دبدوب نسيت اسمه
بس اللي صج تبي تستفيد خل تاخذ حبوب زيت السمج روووووووووووووعه بس الصراحه انه لي يومكم هذا ما اقدر ابلعه
ما ادري ليش مع انه موكبير وايد بس سبحان الله نفسيا

 

[اميره بكلمتي]

مشاء الله عليج ام فطووم الله يتمم عليج ان شاء الله

بس انا سمعت عن حبوب اسمها الكوكتيل كله فواكه يقولون حلوه وماتمتن عاد مايندرى لان رفيجتي اهي اللي قالتلي عنها زينه حق الشعر

 

[~شوق الغلا~]

رد : اللي المكمكات والمتحورات دشو لاهنتوا !!

بنــات يا حلوين يا متكممــات كل وحــده تقول أسـم دكتــورها ..؟ فيني فضـول يمكن نكون مسوين عند نفس الدكتور ...

و أنا ابي ابدأ ... مسويه عمليتي عند الدكتور .. محمد الهيفي

 

[~شوق الغلا~]

رد : اللي المكمكات والمتحورات دشو لاهنتوا !!

على طاري الملوخيه امي ذبحتني فيها الله يخليها لي كل شوي مسويتها لي تقولي اشربي زينه لج هذي هههههههههه ..

واي انا كلش مو مشتهييه اكل شي ماحس بجوع اغلب وقتي ع السوائل قليل اكل و قولو لي نظام اكلكم؟

 

[ابيار علي]

انا امسويتها عند الدكتور محمد الهيفي

 

[marshmallow]

عيييل انا شعري طااااح او ضايق خلقي

 

[اميره بكلمتي]

انا عند الدكتور خالد العنزي

ترا الملوخيه زيينه كله حديد حراام الا الشعر المفرووض ماتهملينه انتي جم لج مسويتها العمليه انا لي تقريبا شهر ونص

 

[bnt_kwt]

رد : اللي المكمكات والمتحورات دشو لاهنتوا !!

وايد حلو الموضوع
انا سويتها عند الدكتور خالد العنزي

ويوم الاثنين اللي طاف سويتها

وتوني بمرحله السوائل الشفافه
بس كلش ما اشتهي يعني الشوربه اشرب بس قفشتين مالت الكوب شوربه
وربع الاستكانه مالت الشاي
عصير تفاح او عنب

بس الماي قاعده اشربه لانه احس ريجي وايد قاعد ينشف مادريي ليش

 

[مزيان]

رد : اللي المكمكات والمتحورات دشو لاهنتوا !!

والله اختي انا من خامس شهر من العمليه صلعت
شعري صار فراغات ولوعه لدرجه قصيته بوي
ومن اول شهر عطاني دكتوري فيتامينات وحديد وكل شهرين اسوي تحاليل شامله
والحمدلله مافيني شي بس ريولي اتنمل ووصف لي ابر فيتامين د
والحين قاعد اخذ فيتامينات انفيرجن ممتازه ماشالله
وعموما بعد السنه كل شي يرد طبيعي شعري قاعد يرد مثل اول ماشالله
وسلامتج وتعيشين

 

[اميره بكلمتي]

انزين اشوه الحمدالله

انا نفس حالتج مريان رجلي تنمل احيانا والحين صارلي اسبوعين من خذيت الابر واحسها احيانا تنمل بس مونفس قبل والحبوب انفيرجن وين خذيتيها ؟

 

[لؤلؤية]

رد : اللي المكمكات والمتحورات دشو لاهنتوا !!

بنات
عندي سؤال..داش عرض

جم نزلتوا اول شهر..؟؟؟؟
>>> ناوية اسوي تكميم..بعد ما فشلت معاي الحلقة..

 

[اميره بكلمتي]

انا اول شهر 12 كيلو