اللي استخدمت مشد او حزام بعد الولاده تفيدني؟؟

[Xx*TO0OT*xX]

السلام عليكم ورحمة الله وبركاته


خواتي بس حبيت احد يفيدني

انا بولادتي الاولى استخدمت المشد الاندونيسي ولا باس بصراحه بس مشكلته يبيله احد يربطه ويضبطه لج


هالمره بكون ابشقتي وماقدر بروحي اسويه

ابي حزام او مشد سهل اني اربطه وقوووووي


اللي طالبه واحد او شاريه من مكان معين ياليت تفيدنييييييييي :yaaaaaarb:


كله ولا هالكرررررشششش :eh_s(16):





وبانتظار ردودكم

 

[Xx*TO0OT*xX]

شدعوه بنات ؟؟ كل هذا ومحد رد علي



؟؟

 

[toofaa79]

انا بعد ابي كورسية لبعد الولادة وابي احد يكون مجربة

اب

 

[ناتشوو]

انا اخذت كورسيه يكون طويل من الجميع
طويل بحيث يبدا من تحت الصدر لي اخر البطن
وممكن يتضيق ويتوسع

 

[Xx*TO0OT*xX]

عاد تدرون توني من شوي طلبت حزامين من المجله

المركز الكويتي


ياب لي حزامين حلوييين حيل

الاول مابعد الولاده ونظامه لفتين يتسكر يعني تلفينه حول بطنج اول مره وفي لفه ثانيه تشده اكثر

بس الظهر اعرض من البطن عشان يعدل القعده ويرجع ظهرج

الثاني اللي هوا السونا اللي لونه رمادي عريض وروووعه

بس مادري ليش اخذت مال بعد الولاده عشان يمكن حجمي صغير ويناسبني؟


عموما يعطيكم العافيه اللي ردو

 

[اشواق المطيري]

كورسيه انور وبس

 

[ام علاوي وعزوز]

روحي اي صيدلية عندها مشدات بعد الولادة

 

[أم حمودي**MALL**]

انا استخدم الشماغ

 

[يحبني و معذبني]

بالنسبه لي ما استخدمت حزام ولا شي

اصلا سبحان الله الرحم يرجع لوضعه الطبيعي في 40 يوم مايحتاج حزام !

 

[شووقة]

انا استخدم اللي ينباع بالصيدلية
بس هالمرة طلبت من الوسيط

 

[زين ودلال]

في الكورسيه اللي يكون كامل شورت
انا عن نفسي مالبست شي وكرشتي ردت انا ولدت طبيعي واول ولاده لي
شريت بس يمكن لبسته جم ساعه بس كلش ماتحملت الكورسيييييييييييييه كلش خليته يولي

 

[*الأثــــــــير*]

والله الشماغ والكشكول وماتشوفييين هالكرش كلش عن تجربه

 

[أنفاسي دخون]

ما على الشماغ والكشكول يرد بطنش عدل

 

[برايفت]

بنات شنو الكشكول ؟
و شلون طريقة الشماغ بالتفصيل ؟
سمعت كثير يمدحونها بس ماني عارفه الطريقه بالضبط ؟؟

 

[حبـ admant ـك]

انا استخدمت حزام من الصيدليه
والحمدلله ارتحت عليه

 

[حلوه & دلوعه]

انا استخدمت المشد الاندنوسي المطور
رد لي بطني وعدل لي ظهري خلاني اقعد وانا رازه ماانحني

وفيه من مقاسات

حتي بالاول يكون صغير المشد وكل ماتصغر الكرش راح تحسين انه توسع وتصغرين المقاس

ومريح حيل والله جربت مشدات كثيره بولادتي الاولي وجابت لي نزول بالارحام
بس هذ ارتحت عليه حتي الحين بعد سنه من ولادتي البسه

شريته من رفيجة خالتي تجيبه من الرياض

اذا تبين منه قولي لي

وفيه مقاسات بس بسرعه تقول يخلصن ميديم ولارج واكس لارج

 

[أبله كويتيه]

شنو الكشكول بنات ؟؟

علمونا الطريقه

 

[*فدك*]

ماعندي خبره

للرفع

 

[غيوم]

حلوه ودلوعه ولاعليج امر ممكن اشوف صور المشد مالج ع الخاص لانج شوقتيني باخذلي واحد بس اهو نفس طريقة القديم الطويل ابو عشره متر ولاشلون شكله ياليتج توضحين اكثر وشكرا