اللي استخدمت دابر املا فضلا لا امرا ادخلي

[ليز111]

السلام عليكم يالغاليات



انا قررت استخدم دابر املا من كثر المدح اللي اشوفه لان شعري حيل تعبانه وخفيف وبعد يالله يطول
يازين شعري قبل على يدين امي من كبرت اهملته

بسالكم كم مره احطه بالاسبوع وكم ساعه وابيه يطول بسرعه باذن الله وعادي استخدم خلطه زيوت ثانيه بنفس الوقت يعني مثلا ثلاث مرات بالاسبوع احط دابر املا ومرتين او مره الخلطه الثانيه

وبس الله يسعدكم ..

 

[Tom ♥ Jerry]

ايي يصير تستخدمين معاه خلطه ثانيه..

حطيييييه مره بالاسبوع و الخلطه الثانيه هم مره بالاسبوع بس لا تكثرين الشعر يتعب من كثره الزيووت ترا

 

[جامعيه طموحه]

وعليكم السلام حبيبتي

بالنسبه للساعات وكم مره هذا يرجعلج ممكن تحطينه ساعتين وممكن تحطينه وتنامين فيه وثاني يوم تغسلينه نفس ما انا اسوي
انا قاعده اكتبلج الحين وانا حاطه دابر املا امس حطيت لشعري واليوم غسلته ورديت حطيت مره ثانيه

وقاعده استخدم زيوت ثانيه وخلطات مثلآ امس واليوم دابر املا وباجر اغسل شعري وما احط شي وعقبه ارد احط زيت الجرجير والجوجوبا

وان شاءالله تحصلين النتيجه الي تبينها

 

[منيره آل ثاني]

نصيحتي لج

استخدمي دابر املا بروحه عشان لو معاه شي بيستوى نتيجه عكسية
ابروحه احسن
لانه هو أصلا بتاع كل حاجه
ينعم ويشيل القشره ويطول ويغمج الشعر كم درجه
بس غسليه بالشامبو مرتين وبعده البلسم او ماسك
شوق تبيني ارجعله

في حفظ الرحمن ورعايته

 

[ام عبد العزيز م]

للرفع

 

[رشا الهواء]

بنت خالي تمدح فيه وايد تحطه وتنام
تستخدمه مرتين بالاسبوع دابر وماتحط خلطات ثانيه ماشاءالله عليها شعرها متين وطويل تبارك الرحمن
ابستخدمه قاعده احاول

 

[Cross]

اي عُاَدّيَےّ على راحتج اذا تبين جم ساعه تحطينه مايأثر
وهالزيت معرووف مـטּ زمان زين ماعليه كلام لاتحاتين
ونصيحتي لج استخدمي زيت الخرووع عجيييب حق الشعر
ينعمه ويخلي الشعره قويه والله يحققلج اليه تتمنينه

 

[Cross]

اي عُاَدّيَےّ على راحتج اذا تبين جم ساعه تحطينه مايأثر
وهالزيت معرووف مـטּ زمان زين ماعليه كلام لاتحاتين
ونصيحتي لج استخدمي زيت الخرووع عجيييب حق الشعر
ينعمه ويخلي الشعره قويه والله يحققلج اليه تتمنينه

 

[أبلة فاتن]

انا استخدمته العام شهر 8 يكون ببدا اهتم قرع شعري قام يتساقط بشكل فضيع وانا شعري ما يعاني من مشاكل

رحت بسرعه شريت شامبو ضد التساقط من الصيدلية و رحت جبت صبار وحطيته بشعري وقف التساقط

وسويت اشتراك بصالون جرجير للشعر الحمدلله وقف لي تساقط و صرت كله شامبوهات الصيدلية استخدم

وخذت فتره بسيطه حبوب طبعا زيت كبد حوت

اللي تصبغ شعرها او صابغه او مسويه سحب لون ما راح يناسبها دابر املا راح يطيحه لها


واي زيت للشعر مدة وضعه على الشعر نص ساعه بالكثير فقطططططط وسالي أي دكتور جلدية يقولج نفس الكلام

لان غلط في ناس ينامون فيه يسكر مسام الفروة ويسقط الشعر ولمن ينحط ما ينحط على الفروة مباشرة

لا لازم تدليك وانتي تحطينه علشان تستفيد منه ..


انصحج بقوة بالصبار بالصالون يسوونه اشتراك وريحي راسج لا ريحه ولاشي ولا ينشف شعر اذا مع حمام زيت

​

 

[زهرا_*]

والله ما جربته
بس اتابع وحده اجنبية تستخدمة من 3 سنوات و تخلط معاه زيوت
و نستخدم فاتيكا و تقول استفادت منهم اذا تبين الفيديو
قولي و احط لج رابط قناتها في اليوتيوب

 

[ليز111]

تسلمون يالغاليات

ادعولي بس استمررر

ويعطيكم العافيه

 

[فجرر]

سبحان الله وبحمده ..سبحان الله العظيم

 

[منيره آل ثاني]

سوري كنت بكتب شوقتيني كتبت شوق تبيني

 

[مدّهره !]

إستخدمت الذهبي بصرراحه حلووو بس مو لوحده يعني عندي خلطة زيوت غيره

وإن شااء الله بجرب الثااني .’,

 

[حامل يديدة]

حطيه مرتين بالاسبوع من ٣الى خمس ساعات كااافي


الله يعينج عالريحه ماتروح