اللي اخذت ابر سيوله بحملها..متى وقفتها ؟

[# غنوجة بيبي #]

السلام عليكم

بنات ابي مساعدتكم لان نفسيتي تعبانه و افكر بصحتي و بصحة البيبي

انا اخذ ابر السيوله اللي اسمها هايبور لان كان عندي اجهاض بسبب تجلطات الدم

و الدكتور عقدني مرات يقول بنطر عليج اسبوع او اسبوعين .. قلتله اخاف يضر الجنين
قال خلاص قبل الولاده بيوم لان مفعولها 24 ساعه
حسيته متردد خرعني و صرت خايفه

بنات طمنوني تكفون اللي خذوها متى قطعوها..؟!!

 

[# غنوجة بيبي #]

معقوله ولا رد..!!!

 

[ربيع_الروح]

حبيبتي نصيحه إذا انتي مو مرتاحه لدكتورج غيريه


لأن أهم شي بالحمل ان نفسيتج تكون مرتاحه




بس بالنسبة للأبر ما عندي فكرة أتمنى البنات يفيدونج

 

[# غنوجة بيبي #]

اليوم سألت دكتور بالعدان بموعدي المجلس الطبي قال اقطعيها قبل الولاده بيوم

 

[برديـــس]

حبيبتي انا اخذ ابر سيولة وبيبي اسبرين
كل 12 ساعه اطق ابره 4ملم
بحزة ولادتي انبط الماي الساعه 8 نطرو علي لي تكمل 12 ساعه عقبها قزوني ابره ظهر
يعني انا كنت قازة الابره الساعه 11 بالليل ويوم انبط الماي الساعه 8 نطرو لي 11 الصبح
وعقبها الحمدلله ولدت عال4

بس انا بالصباح يعني كان كذا استشاري علي

 

[# غنوجة بيبي #]

برديس اليوم قالي الدكتور لو تمر عالابره 12 ساعه تولدين عادي

نفس كلامج الحمدلله تطمنت

و انتي ولدتي طبيعي ولا قيصريه؟؟

 

[نـور الكويت]

اهلين غنوجه

ربي يتمم عليج ويسهل عليج

انا اخذ ابر كلاكسين ..

مادري اذا نفس نوووع الابر الي تستخدمينهم ..

بس توقفينهم قبل الولاده ٢٤ ساعه اذا طبيعي وان شاءالله طبيعي يارب
اما القيصري تاخذهم حتى عقب الولاده بعشر ايام بعد لان انا جبت قيصري وكملوها لي عقب الولاده
علشان قيصري حتى الي ماتاخذهم بالحمل بس تولد قيصري يعطونها تمنع التجلطات ..

وربي يسر امورج ويسهل عليج حبيبتي .. لا تحاتين ..

 

[# غنوجة بيبي #]

مشكوره نور الله يتمم على خير يا رب

و الحمدلله في وايد ياخذونها

كنت خايفه ان التجلط خطير

بس الحمدلله طلع سهالات و وايد ولدو و فيهم تجلط

مشكورين ريحتوني كانت نفسيتي تعبانه

 

[ملامح بريئة]

والله مادري شنو سبب هالابر وانا استخدمتها لان جنين متوفي يعني حمل توام وطقستها من الثالث ليحد الشهر الثامن راجعت دكتورة بالمواساة اسمها فرجينيا واهي ممتازة وقالت كافي لا تكملين وماصار الا العافية كملت شهري وولدت طبيعي ورفيجتي تاكلهم عشان اجهاضات وبس مادري احس انها تضر الجنين يعني اذا توك بيداية الحمل شوفي استشاريين احسن في دكاترة بس يحبون يعطون ادوية قوية مالها داعي واستخيري ربك

 

[# غنوجة بيبي #]

ملامح انا مستشيره استشاريين كبار..اذا ما اخذتها اجهض

اهي علاجي

 

[# غنوجة بيبي #]

ملامح انا مستشيره استشاريين كبار..اذا ما اخذتها اجهض

اهي علاجي

 

[# غنوجة بيبي #]

بنات الدكتور يقول بيقطعها بعد اسبوع او اسبوعين

منو قطعت ابر السيوله قبل الولاده تطمني

 

[ام فارس الدشتي]

حبيبتي الله يرزقج بضناج

ممكن تقوليلي اسباب اجهاضاتج
هل توقف النبض او غيره ؟

و شلوون عرفتي انه تجلط بالدم ؟

و عند منو راجعتي ؟

و بعد اجهاضج الاخير متى حملتي ؟

جم شهر قعدتي عجان ما تحملين و حملتي الحين ؟

الله يرزقج ب ضناجج علميني
اناا اجهضت اكثر من مره و كلهم توقف النبض
و الحين واقف النبض بس للحين ما طاح
انطره يطيح
و اخذت موعد عند ماجد الشمري

 

[انتيكا]

انا كنت اخذ بيبي اسبرين قطعته اول يوم بالتاسع والحين هم اخذه مادري عن الابر الله يسهل عليج يارب

 

[# غنوجة بيبي #]

ام فارس لا ما يموت بس طلوق و ينزل دم

و ما اجهضت الا مرة و سويت تحاليل طلع فيني تجلط بالدم بس شويه

و حملت عقبه بسنه