الليله الصفره والخضره والكستنائيه وليله سبونج بوب... دشي لا تطلين

[شواخي]

مرحبا بنات

شخباركم ؟

بعيد عن قرقه المشاكل



صج اني اليوم حاطه موضوع ضايق خلقي بس شنسوي نطنش شوي عشان نستانس

الموهم عندي سؤآل

الحين لما تسوون ليله حمره وخضره وبنفسجيه

وليله سبونج بوب >>فكره مو ههههههههه عاد بيستانسون اليهال

شنو تشترون ؟


لان انا لما سويت اشتريت كفر يديد و كم شمعه وفواحه وشغلت الابجورات وبس

ولا ركز ولا شي!!! مع انها نفس الالوان ولبست نفس اللون ولا كآنه


مادري لان الغرفه لونها عنابي :eh_s(10):

ولايبين فيها شي ولا شسالفه !!

ومره لبست له تنكري وضحك علي !!

شفت نفسي اني


اخسر فلوسي على

خالي بلاش !


اشتري كيك واحط عصير ولا ياكل !!

اجيل البيت من مصروفي واشتري اشيا مثل عصاير ومكسرات وسويت وجذيه بس مو مال هالسوالف يعني

لما احط له عصير يقول انا ماحب العصير ،، احط له مكسرات ماياكل ،، اسوي كيك اكله بروحي

يعني شفت ان مو مال هالسوالف ،،لكن احنا حريم مانوقف !! ولي يومكم وانا هذا حالي من الجمعيه لين محل قمصان النوم


الحين المشكله ان مايلاحظ ،،

غيرت كفر غيرت قميص .. صبغت شعري من اسود الين بني فااااتح يالله انتبه ،، ابدا مو دقيق ملاحظه

يعني الميزانيه الي اسويها حق الليالي ماكو فايده منها

قلت اخلي فلوسي اغير الصاله منها مفرش طاوله ومخدات لان لاحظ من كم يوم لما غيرتهم بعد هوم سنتر وتنزيلاته ههههه

..بس موحاله كل يوم بغير المفرش والمخاد ،بالصاله، المخزن ما يتسكر من كثر هالخراويش والمراويش هههههه

فقلت خلاص بشتري اشيا كلاسيك مثل برواز للصاله ولا ابجورات للغرفه و اكسسوارات تبين وتقعد على طول :bbbiu:

ولا شرايكم ؟


عموما ابي ارااائكم مع الاغراض !! تنترس المخازن واحنا بس نشتري من هالاسواق !!

شبابنا صار مايعجبه هالسوالف حسيت انها قديمه :eh_s(10):!! ولا شسالفه بنات :rgewrg:

 

[وآحشنــي زمآنـك]

زوجج يبيله تفلعينه بالنبااطه عشان يلااحظ .. لووووووول





دامه ما يلاحظ لاا تكلفين على عمرج أهم شيء غرفتج تكون مرتبه ومعطره ..




وكل فتره اشتريلج كفر جديد وشموع والذي منه بس لا تكلفين وتضغطين على نفسج ..

 

[توتــه]

والله صاجه خصوصا بسالفة الكيك والعصير هههههههههه

انا اعتزلت الليالي فرااغه صراااحه

 

[ماني من الناس]

سبونج بووووووووب في كل مكان

اكتسح الفراش والمخدات وأرواب الحمام خخخخخخخخخخخخخخخخخخ

 

[ميار مطير]

حبيبتي لا تلعبين بفلوسك على هالخرابيط والله الرجال لو زوجته عنز ولا تسوي شي ولا تسوي حركات ويحبها يشوفها احسن وحده بعيونه انتي اهم شي غرفتك نظيفه ومعطره وبس لا تكلفين على نفسك

 

[A.E]

الله يسخر زوجك لك

 

[G!RLooNa]

هههههه انا عجبتني ليله سبونج بوب :dddds:

 

[ام عفاف الكويت]

انا الكيك مايحبه ابد ابد
ولا العصاير
اسوي واكل ههههههههه

 

[ماني من الناس]

باك للموضوع الرئيسي

اهو يعتمد على خلطه مخ الزوج

في ازواج دقيقين ان شاء الله لو طلعت لج شعره بجسمج خزها استنكار واستفجاعا <<مصطلح يديد من عندي خخخخ

وووووووو الخ الخ الخ

وفيه ازواج مفهيين يعني درجات الالوان ما يلاحظونها سواء كانت على شعرك او داخل عيونك كعدسات او درجه لون المخده او الشموع ماكو يعني مفيش امل انه يحس ان اللون الاحمر احلى من الاخضر او الازرق


لأن يشوف الالوان كلها بلون واحد


وايد قرقرت مو نطري البارت الثاني من سوالفي خخخخخخخخ

 

[كلي إلك..)]

تدرين اعجبتني ليله اسبونج بوب خخخخخخخ لا عاد تبين الصراحه انا ما اسوي جذي يعني شكو كل شي لون واحد وبعدين خخخخخخ

 

[سوسن1980]

كنت اسوي واحط واخسر فلوس بالسنين الاولى من زواجنا يوم شفته ماقام يهتم طنشت وارتحت بصراحه

 

[ماني من الناس]

نرجع لمحور الحديث خخخخخخخخخ

فالظاهر حبوبه شواخي

انا مو متأكده


الا اضمن ان زوجك من النوع الثاني

تبع تعددت الالوان واللون واحد

والحل انج تريحين نفسج وتخشين فلوسج اريح واوفر والحياه حلوه وورده

 

[كلي إلك..)]

ماني ما شاء الله ردودج بارتات

 

[ماني من الناس]

ماني ما شاء الله ردودج بارتات

حركات جديده خخخ بنص الليل بتلاقين راده مره رابعه

اذا يعجبني موضوع اخذ راحتي فيه وااكيف :eh_s(7):

 

[فلنتينو]

وااااااااو ليلة سبونج بوب
احب هالشخصيه

 

[ديما الكويت]

بس انا اقوول وهذا رايي ماكو ريال ما يبقق اعيونه؟؟؟
اشلون؟؟؟؟؟؟؟؟؟؟
اهو يشوف ويلاحظ بس يحقر يسوي روحه مو شايف اللي تسويه زوجته .. بس لو تسألينه يقولج مادري اساليه فلانة شلابسة ؟ شلون اعيونها ؟ وله لون شعرها بيقولج على طول كذا وكذا . جربوا بنات سألواوابصم لكم بالعشرة ان الريايل يلاحظون.

 

[ام الدرر]

حبوبة انا 16 سنه زواج
ماعمري سويت ليلة حمرا ولا خضرا او بنفسجية
بين فترة والثانية اغير بستايلي
اغير اثاث الغرفة بالشكل والاماكن مو باثاث جديد طبعا
كفر جديد ومفارش وغيره
واستمر عليه فترة مو ليله واشيله
قمصان نوم جديدة
حركات غريبة
اجهز لقعدة وسوالف بغرفة النوم
ككاو وقهوة
ايس كريم وفواكه
بس اني اطقم مع الغرفة بنفس الالوان او ازين الغرفة ببالونات ووورود وشموع
مافكرت لاني اعرف زوجي ما تفرق معاه نفس زوجج

 

[(دنيتي)]

يالله حلووووووووووووو التغير بس عجيييييييييبه سالفه سبونج بوب

شلون خطرت على مخج


بس انا عجبتني ماني من الناس منمونه لووووووووووووووووول محور وقرقه وخابه عمرها فديتج كله وكلمه

استفجااااااااااااعاااااااااااااا حطمتني يبوووووووووووووووووووووووووووي

اختج دنيتي وعلى فكره طموشه

 

[مـزآج ــــية]

عاد اكثر شي يقهر الريال اللي ما يلاحظ ينرفززززني

انا اقول كل مرة تسوين فيها شي قوليليه ما لاحظت شي متغير
من باب النزغة اللي بالوويه لوول

 

[كويتية بروما]

احسن لج مريحج اش لج باللي يدقق ويلوع جبدج
الله يسخره لج