الليزك

[احلى ورده]

السلام عليكم
تعبت من العدسات وبسوي ليزك بس خايفه
اللي مسويه ليزك او تعرف احد سواها بليز ردوو علي لاني خايفه

وعند اي دكتور تنصحوني؟؟

لانه الحين صارلي تقريبا 3 شهور عيني ماتتحمل العدسه

بليز فيدوني حبايبي

 

[حبيبته آنا]

خواتي وحريم اخواني كلهم مسوين عند الدكتور عبدالله المنصور وااااااااايد شاطر بس اذا بتروحين لاتروحينله بروحج

 

[سوسو الأموره]

والله إنج صاجه ( ياحبيبته أنا ) على إنه شاطر بس عينه حيل حيل حيل زايغه أنا دشيت له مره بروحي بغيت أموت من الخرعه كان يكلمني برود يقشعر جسمج منه

أنا كنت نفسج طول عمري بنظاره بعدين لبست عدسات بس صارت تسبب لي صداع بس الحمدلله سويت عنده الليزك لعين وحده بس لأنه نظري بالعين الثانيه الحمدلله 6 على 6 وسويتها بـ 400 دينار مع الكشف ماطولت بس 10 دقايق وراح يبدي يتحسن نظرج تدريجياً مو على طول أنا الحمدلله صارلي أللحين سنه وشهرين من سويت العمليه

الله يوفقج وتوكلي على الله ولا تخافين

 

[احلى ورده]

مشكورين حبايبي على ردودكم
بس ممكن تعطوني رقمه او عنوان عيادته

وييع كلش موشي دكتور وعينه زايغه لووول

 

[شندوخه]

د سلطان المطيري

 

[Um Ritaj]

قوة عزيزتي

شوفي حبيبتي انصحج لله لا تسوينها بالكويت

اذا تقدرين سويها بدبي في مستشفى اسمها ( المستشفى الدولي الحديث) عند دكتور روسي

والله يالغالية انا كنت البس النظارة من يوم ما كنت صغننه وبعدين سواها شايب من جماعتنا والله صاير نظره احسن من نظر الشباب جان اشد الرحال واسافر لدبي وسويتها والله ما كلفتني غير 800 دينار مع الادوية والنظارة والعملية مدتها عشر دقايق وما تحسين بشيء

وانا الحين صارلي ثلاث سنوات من سويتها والحمد لله ما رجعت للنظارة لان في وحده بكليتنا سوتها عند د مبارك العجمي وردت بعد سنة البست نظارة

وان شاء الله اكون افدتج

 

[السلسبيل 2005]

والله انا سويتها في دار الشفاء الجديد كان عندهم برفيسور جاي زياره وسويتها عندهم من تخلصين العمليه تشوفين بوضوح بس لازم فحص قبلها يحدد اذا تصلح لج العمليه ولا لأ ولا تحاتين ماراح تحسين باي شي سهالات

 

[زوجه مخلصه]

بنات انا ودي اسويها بس خايفه لان بنات واجد قالولي ان بعد سنتين بالكثير راح تحسين بنظرج رد يضعف نفس اول

اللي صارلها اكثر من سنتين ياليت تفيدنا؟

 

[سندريلا_الكويت]

اممم انا نفسج بس انا ليلحين البس نظارة ولا مره لبست عدسات و مره قررت اني اسوي ليزك و ابوي كان يقولي لا تلعبين ابعينج كل شي ولا النظر المهم رحت الطبيب و سويت كل الفحوصات .... بس اخر شي ماسويتها في ناس سووها و اضبطت معاهم الحمدلله و ناس ردوا يلبسون النظاره و ناس انعموا الله يكافينا الشر!! و المشكله ان كل دكتور تلقين الي يمدحه و يذمه !!

 

[احلى ورده]

انزين ماسمعتو عن دكتور بدار الشفا اسمه اعتقد محمود وجيه الدين ؟
وايد يمدحونه اذا سامعين عنه ياليت تفيدوني؟

لاني حيل حيل خوافه

 

[بنت الحزن]

انا ابي بعد
انا صارلي 15 سنه بين النظارات:eh_s(14): و العدسات
ومليتتتتتتتتتتتتتت و ذاق خلقي:eh_s(13): و الله امدحولي عبدالمطلب بهبهاني و الله كل رفيجاتي مدحوه و انا قلت ابي اسوي عنده سبحانه يطلعلي شي يعطلني بس ناويه بعد العيد انشاءالله

 

[Japanese]

الله يعافينا يارب

بنات ودي اسألكم هالعمليه يسوونها لأي عمر ؟؟ ولا شلون

تعبببببببت نفسيا من العدسات حتى لو بروح الدكان لازم البسهم اللهم لا أعتراض

 

[كويتيات]

انا امي مسويتها بالكويت من واحد وعشرين سنه 21 كان نظرها ضعييف ووليل الحين نظرها قوي حده ماشا الله بس لحظه اول ما تخلص من صلاتها راح ارد عليكم شكل الدكتور منقرض من زمان بس اللي اعرفه انها واايد تمدحه وهالدكتور شااطر دقيقه خل اسألها بــرب

 

[كويتيات]

تقول اسمه سامي الربيعه ردت تصلي السنه بس تخلص اخذ باجي التفاصيل وان شا الله ليل الحين عايش خخخ

 

[كويتيات]

سويت بحث بقوقل عنه جان القى هالمقال بس حده شكوو ماله شغل بالموضوع
أعلن بنك برقان عن فوز الدكتور سامي الربيعة بالجائزة الاولى عن سحب فبراير لحساب مفاجآت برقان الرائج الذي سيعود الى منزله حاملا في جعبته 75 ألف دينار.
وقال الدكتور سامي الربيعة، طبيب العيون الممارس، عن مدى سعادته وفرحته، 'لقد فتحت حساب مفاجآت برقان، بحثا عن النوعية والسرعة في الخدمة حيث ان الطريقة الافضل لحفظ اموالك هي ان تستفيد وتحصل على الفرصة في ان تربح جوائز كبيرة في المقابل، واضاف: تغمر عائلتي السعادة وسأظل استخدم هذا الحساب، من يعرف، قد يكون الحظ حليفي مرة اخرى.
ولإلقاء الضوء على نجاح حساب مفاجآت برقان، قال مايك طفيل - مساعد المدير العام في قسم التجزئة المصرفية، 'لقد تلقينا استجابة غامرة لحساب مفاجآت برقان، وان صداه يكبر مع كل سحب، الامر الذي يؤكد الثقة التي يولينا بها عملاؤنا الاوفياء لالتزامنا في تقديم منتجات وخدمات تعود عليهم بالكثير من الفوائد.

 

[كويتيات]

بــاك تقول ان بذالك الوقت قبل 21 سنه كان عنده عياده خاصه وكان عمره تقريبا 40 سنه و سوالها العمليه بالمواساة ب 300 دينار طبعا هذاك قبل واحد وعشرين سنه الحين يمكن 800 دينار بس حده شااطر و تمدح فيه ووايد سوها عنده و اهوا اشهر من نار على علم بالكويت

وحيااج الله

 

[Alia]

بدون كلام دكتور سامي الربيعة

عارف شغله وايده فيها بركة والحمدالله كل اهلنا سووها عنده والعملية بسيطة بس عقب لازم تهتمين بيعينج اكثر

سعر العملية عنده 450 دينار

 

[Ga6waah83]

انا والله مثلكم ودي اسويها وخايفه
تعبت يا نظاره يا عدسات احس تحت عيني بادي يتجعد من النظاره
والله لو من غرفتي لي الحمام تكرمون من غير نظاره اطيح على ويهي ما اشووووف يا ربي
الله يستر على باجي النظر اللي عندي عسى ما يصير بيعيني شي ...
الحين شنو الاحسن سامي والا المنصور ؟؟؟؟والمنصور جم ياخذ عليها ..؟؟

 

[بنات حواء2]

و الله ما ادري انشاله البنات يفيدونج اكثر بس إلي اعرفه انه دكاترتنه في الكويت مو شي

 

[icedsugarr]

قوة بنات.انا سويت عملية عند د.محسن ابل..اب 500 دينار مع الفحص.ما طولت عشر دقايق..صج ارتحت من النظارة بس صار عندي جفاف يعني ما استغني عن القطرة المرطبة..وحطوا في بالكم قبل الليزك انه ماكو عملية بدون مضاعفات..مثل الجفافـ ..قصر نظر بعد العملة بمدة يعتمدعلى ضعف النظر و شدته..ضباب او غشاوة باليل..طول النظر مرات..وفي وايد اسئلة تسالين عنها للتاكد من شطارةالدكتور ..wa salamtkm