اللى مجربه مساج فيلا روزى للتخسيس تفيدنى ..

[بطة رشيقة]

قوه بنات شلونكم .... العنوان واضح انا اليوم شفت اعلانهم بالجريده وانا من فتره ودى اسوى مساج اللى مجربتهم وشايفه منهم نتيجه تقوووولى بليييييييييز عشان اتوكل على الله
وكلمتها بالتلفووون وايد مدحت مكانهم وقالت ان البرنامج كله يكلف 150 دينار بلز فيدوونى الله يجزاكم خير

:eh_s(8):

 

[ام انس]

مساء الخير اختى
بصراحه مساجهم عجيب وبصراحه لا يطوفج لان فعلا حلو ونتائج حلوه ويبيله وقت وانا صراحه مشتركه ومجربتهم وحتى اجهزتهم مفيده وحلوه وانا عندهم مشتركه وناويه اجدد الاشتراك

 

[زينة2008]

وانا بعد معاج اذا البنات افيدونا

 

[SweeTa_4ever]

انا جربتهم مرتين بس بينهم سنتين صج حلووو والنتائج روعه بس نفس الشي لوو تهدينه بس شهر راح تمتنين دبل لانه المساج يشد الجسم بس اتهدييينه يترهدلللل وجسمي الحين يلوع الجبد بسبتهم لاني هدييتهم مو معقوله بتم اشترك طوول عمري

 

[بطة رشيقة]

مممممم والله حيرتوونى يا بنات عدل كلامكم يعنى اخاف نشترك ونهدهم نرجع بس اذا مسويه رجيم وملتزمه فيه وسويت المساج وانسمت جسمى يرجع حتى لو كنت مسويه رجيم ؟؟؟؟ والله ما ادرى مع انى كنت متحمسه بس مممممم خل اشوووف واتوكل على الله

 

[زينة2008]

بعد اذنج ....بطوطه...........بنات وينكم نبي نسمع تجاربكم ...........

 

[بطة رشيقة]

حياج زينه تفضلى اى والله بنات عفيه نبى نسمع التجارب لان ابى اعرف وودى اروح بس ابى اكون متاكده من التجارب ....

 

[هاردلك يا قلب !]

ولله انا ذاك اليوم كنت رايحه للمعرض المرينا

وشفت لهم ركن عطوني اعلانهم وقريته ودخل مخي

وجلست اسال عنهم ناس مدحنه وناس ذمته

ناس تقول مواعيد خايسه ومايعطونك بال

وناس لا تمدح فيهم وتقول نفسيتهم حلوه وبالعكس لالتزمتي معاهم يمشون معاك


انا الصراحه بستخير وادعي ربي وبشترك < والباقي على الله


بس نصيحه بنات مو يعني سوينا مساج خلاص ندب بالخمس

لا نعتدل بالاكل اكلي بس لا تكثرين وتشبعين < نصيحه

ويالله ربي يوفقنا كلنا

 

[hadyah]

السلام عليكم

انا سويت مساج تنحيف من قبل سنة والحين اروح مرة واحدة بالاسبوع اومرتين اذا لاحظت ان زدت شوية

بس خواتي لازم تعدلون نظام اكلكم

وصدقوني اللي يزيد الوزن اهو العشاء الدسم يعني لو تنامين على فواكة او روب خالي الدسم وايد احسن

 

[whm]

وين صاير فيلا روزى؟

 

[lara_action]

انا سامعه ان وااايد زين
رفيجتي تقول بنت خالتها امجربته واتقوول واااايد افرقت عليهم ماشالله

 

[بدردر2007]

انا الحين مشتركه عندهم ب 50 دينار بس مساج وهم ممتازين وهذا ثاني اشتراك
وانا حيل استفدت
:​

 

[نملة حوره]

بنات انا كنت مشتركه بصراحه اول شي فاد وياي وبين علي ومقاساتي تغيرت بس مساجهم يعور وفي شغله بعد لما خلصت جلساتي بعدها بفتره قصيره ردت مقاساتي اللي قبل وللعلم انا مشتركه بنادي صحي ورجيمي سلطات وفواكه وشوربات . اتمنى اني فدتكم وبالتوفيج

 

[قمر من شافها طمر]

ماعندهم مساج ايكبر المؤخره بلييييييييز بنات سألولي عنه

 

[حصة]

والله انا من سنة كنت عندهم ونزلت بالمساج 8 جلسات 4 كيلوو وصراحة واو وقسموا جسمي اكثر والله ايهبلووووووووووووووووووووووون اسأل مجرب ولا تسأل طبيب صج اني رديت متنت 3 كيلوو بس انا السبب لاني ما حافظت كلش وكنت اكل اكل وانام فشي طبيعي بتمتنين بس صج عجيببب

 

[جلكسيه]

زين بنات يعور ؟؟؟
اقنعتوني بس اخاف يعور ...
وبعد سؤال ثاني ؟؟
عندهم خدمة منازل ؟؟
وسؤال 3 ...
شنو تبلبسون وقت المساج {{كلش ماعرف بهالسوالف بس بصراحه ماعندي استعداد اتفصخ بمكان مادري في تصوير والا لا بعد مو كل الناس عندهم ذمه وضمير وقبل كل هذا اصلا مايجوز...
بنات بلييييييييييييييز شرحو بالتفصيل شلون طريقته
واذا عدلت اكلي بعده ما اعتقد بمتن ..
وابي رقمهم بليييييييييييييز


لحظه نسيت ...
بعد سمعتو عن جود سنتر اذا زين او لا ؟؟

 

[Baby^Bop]

للرفع

 

[لعيـــ ترخص أرقاب ـــوني]

<<<<<استانست :>

بنااااااااااااااااااااات وييييييييييين صاير فيـــــــلا روزي تكفووووووووووووون ..

بعد لي عده عندهم وجم رقمهم ؟؟؟؟؟؟؟

 

[حصة]

شوفوا بنات اول شي لبس ملابس داخلية واللي تسويلج مسملمة والليت وايد هادي مثل لما تسووين مساج باي مكان والله جان زين عندهم خدمة منازل ماسألت والله ورقمهم 5350108 وانا منت اسوي عند وحدة اسمها "باي" صينية بس من ناحية يعوور يذبح لووووووووووووووول بس نتيجة واااو والله ليومكم حتى رفيجتي تقوولي لما كنتي عندهم جسمج اللي يشووفج ما يقوول بس نازلة 4 كيلوو وايد تقسم بس ها ترى انا كنت اسووي مع ريجيم

 

[لعيـــ ترخص أرقاب ـــوني]

قال وش حدك على مران قال الأمر ماعليـــه ان شالله بجربه بعد العيد مع الرجيم ..

انزين حصه جم صار لج مسويته ؟؟ جسمج ماتغير بعد ماتركتيه ؟؟

وجم سويتي جلسه لاهنتي طولتها وهي قصيره