اللى كان عندها قطوه ميته ويابت غيرها ادش ضروري...

[kuwaitya_zoGaa]

شلونكم بنوتات ؟؟ :68_asmilies-com:

بنات رفيجتى مصدومه وبتموت من البجي فجأه قطوتها ماتت
بدون مقدمات وطلع فيها مرض خطير
والمشكله ان صديقتى حيل حيل حيل متعوده عليها وتموت عليها وانصدمت بموتتها
وكانت وايد متعلقه فيها

المشكله
انها تقول ما قدر اييب غيرها لانها تعودت على الاوليه

فالسؤال :
الي مروا بهالموقف ويابو قطوة يديده حسو بتغيير ؟؟
شنو شعورهم ؟
يعنى علمونا شويه عم مشاعركم

لانها مو مستحمله شعور قطوه يديده وقلبها متقطع حيل ونقول مثلها والله مالاقى :0bee2e8d89:

 

[girl lesh]

خل اتيب قطوه شيطانه تلعب وايد واتحب الحركه ويكون شكلها حلو

والله يكون بالعون

 

[lojeeen]

حاسه بشعورها انا قبل لما كنت اشتري قطاوه من سوق الحمام بسرعه يموتون و كنت اجن من البجي عليهم و كلا الوم نفسي
فما لقيت طريقه افضل من اني اربي قطوه كبيره خمس او ست شهور و ابتديت ازوجهم عندي بالبيت و اشوف عيالهم و اهم نظاف و بحصه ممتازه و انا موفره لهم كل شي يريحهم افضل من سوق الحمام

 

[دمي مـטּ ذهب]

مسكيييييييييينه
يلا خل تييب غيرها على الأقل تنسيها الزعل
وتونسها شوي وقت الملل
وتنظم وقتهااا بعد
ووصلي سلام بنات هالقسم عليها

 

[shurooq]

واي الله يعيينها


تدرين صج لي تعلقتي بشي صعب تستبدلينه بشي ثاني


حتى لو شريتي نفس الفصيله ماراح تتعلقين فيه كثر القطو او الطير اللي مات


انا وحده من الناس كان عندي طير كروان مادري شقولج بس كنت اموت علييييييييه يلحقني كل مكان ودوم معاي ويمي


محد يجييسه بالبيت الا انا


اناديه من بعييد اييني طيران


واي اح
يقرب صوبي يعضه


كله واقف على جتفي وريولي


بس مات


بجيت عليه بجي جنه احد من اهلي بعيد عنهم الشر متوفي لدرجه انه عمامي وخوالي يو بيتنا يواسوني ومييي بجت معاي


وابووي اييني ويقولي هذا يومه ومادري شنو


الوضع كان موطبيعييي اصلا ولي يومج هذا قلبي يعورني لي تذكرته لانه جد ما يتعوض

ومن يومتها ولو شنو اييبون لي اهلي


ما يتعووووووووووووض هالطير وماكو منه اثنين


الله يعينها ويصبرها وبتتعب فترة وبتتضايق بس مره الحزن بيخف


ونصيحه اذا بتييبين لها شي بديل


لاتييبيين قطوة


يبي لها طير فرخ


او سنجاب صغنونو


اهي اتربيييه



بس مو قطوة


القطوة بعديييييييييييييييييييييييييييييييييين


هذا راييي انا

 

[غزآل.آلكويت]

آنآ حآسسسه فيهآ حيل

قبل كنت مربيه ثلآث قطاوهـ

وحدهـ نونو .. وآلثآنيه توتو ..
ذكر وآنثى .. ربيتهم من كآنو صغآر

نونو :- شرآزيه .. بيضه وعيونهآ زرق وشعرهآ كثيف جآيتني هديه ..
توتو :- كآنت حيل صغيره .. وكآنت عند بآب بيتنآ مآ تقدر تمشي رجولهآ مكسوره .. وآخذتهآ وديتهآ آلطبيب وعآلجتهآ وربيتهآ
وكآن لونهآ آششقر .. وآهي كبر نونو ..
..
وآنتقلنآ لـ بيتنآ آلجديد وآهم معآي ليييييين كبروآ ..

ونونو < لمآ كبرت آكتشفت آنهآ صقهه مآ تسسمع .. وكآنت حيل ضعيفه .. وكنت آعآلجهآ بدكتور بيطري بـ آلرآي كنت آرسل سآيقنآ
وسآيقنآ سنين عندنآ ويفهم .. فـ مآكو لهآ علآج وبقت هيك ..

ولمآ كبروآ كآنو يبون يطلعون برىآ يوقفون ع ششآرع .. وكنت مآ آخليهم كله مسكره آلبآب .. بس توتو آلذكر تجرآ ورآح شوي برآ ويجي
آمآ نونو كآنت صقهه وتخآف تطلع ..

مرهـ من آلمرآت طلعت .. ومآ ردت وتوتو رد .. ورحنآ ندورهآ ولقآهآ آلسآيق ع رصيد في سيآره دآعمتهآ ..

وشآلهآ بـ آلجريدهـ يورينيآهآ وآنآ لمآ شفتهآ قمت آبجي بجي مو طبيعي .. وآلله يآ بنآت آن توتو .. قرب منهآ يشم شمهآ .. رجع ورآ وقعد يطآلعهآ

ولمآ رآح يدفنهآ آلسآيق بـ آلبرآحه صوب بر كبير ورآنآ .. رآحت ويآه توتو .. دفنوهآ وجو ..

وتوتو من عقبهآ كآن قطو حيل مزعج كله ينآقز ويلعب من توفت توتو .. هآدي كله نآيم علبآلي مريض وديته آلطبيب قآل مآفيه شي بس
نفسيته تعبآنه لآن فقد صديقته آلي آهي نونو .. مع آلآيآم يتعوود ..

بس وآلله يآ بنآت آني غصب آلآعبهآ وفجآآآهـ طآحت من فتحت آلدرج لي آلآرض قآم توتو دآيخ ..

ثآني يوم توفى توتو ..
يعني آول آسبوع نونو ثآني سبوع توتو ..


وقعدت شهر بدون قطآوه ولآ شي .. سآيقنآ حن علي .. قآل فلآنه آنآ جيب حق آنتي قطووه وآجد هلوو قلت وآلله صج وينهآ قآل آنآ شوف بس آول شي آنآ ودي تبيب شوف هي مريز ولآ لآء .. مآ يقدر جيب على طول بيت قلت آوكي .. وآلله ودآهآ آلطبيب ودفع آهو آلفلوس وجآبهآ لي نظيييييييفه وقبل لآ يجيبهآ مستآذن من آمي وجآب لي قطوه صغييييييييييييييييييييره حيل حيل ولونهآ آششقر تشبه قطوتي آلي طآحت من آلدرج .. وكنت آشربهآ حليب بمميه صغيرونه
ربيتهآ لمآ كبرت وسميتهآ توتو .. ولمآ صآآآآرت كبيره حيل حيل .. درجة جآرآتنآ يسمونهآ آلآسسد ..
لآن شكلهآ كآنهآ آسسد صج .. كبيره حيل صآر صمآخه كبير .. يعني عتوي ..

عآد مرت آلآيآم .. طلعت من آلبيت وآهي دآيمًآ تطلع وترد بس هـ آلمرهـ طلعت مآ ردت ..
وسميتهآ توتو خرج ولم يعد ..

من عقبهآ مآ جبت قطوه ولآ ربيت قطآوه ..

لآن آمي تقول خلآص .. تحملنآ ذنب آلقطاوهـ آلي مآتو .. آلثآلث آلي طلع مآ ندري حي ولآ ميت ..

وقآلت خلآص لآ قط بعد آليوم

وآنآ حيل بخآطري فيهم



---

وقولي لـ رفيجتج .. خليهآ تجيب قطوهـ ثآنيه .. و رآح تتعوود عليهآ وتحبهآ .. وتحآفظ عليهآ ..
آلله يعينهآ ويصبر قلبهآ

 

[ابي قطوة ميوووو]

يحرام الله يرحمهم هئ هئ هئ

 

[kuwaitya_zoGaa]

واى حبيباتى

ماقصرتوا

اليوم متصله فينى بعد قلبى نفسيتها تعبانه حدها وميته من البجي

تقول كل ما اروح مكان بالبيت اتذكرها واتذكر شطانتها

 

[ابي قطوة ميوووو]

امبي بس بس
انا همن بجيت يوم كاسكونا راح بيت رفيج ابوي لا ن مناك عندهم كاسكوات وااايد عشان يستانس معاهم اهلي يقولون احسن ل يلعب ويرتاح نفسية بس اناااااا مشتااااااااااق مشتااااااق لشاهين اهو اسما شاهين هئ هئ هئ

 

[ღ Prettyღ♥ღWoman ღ]

اذا توهاا ميته لا تيب قطوه الحين بعد فتره احسن لانه ما راح تهتم فيهاا حرااام

كان عندنا قطوو اسمه بيكاتشوو ربينااه من اهو صغير ليمااا كبر و لما كبر مرض مسكيين

وسافرناا واهو كان مريض وخلينااه بالبيت كان عندنا حديقه واهو دايماا فيهاا يعني عادي يروح ويرد لنا

تقريبا سافرنا سنة 2003 وقعدنا اسبوعين ولما رديناا ما لقينااه

مع اننا كنا انساافر ونرد واهو يظل موجوود

بس هالمره لانه كان مريض شكله ماات

ولليووم كلناا نقوول ما كوو قطوو بعد بيكاتشوو

وفعلاا ما اهتمينا بقطوو من بعده مع انه كان فيه قطااوه ايووون ونحط لهم اكل بس ما نلمسهم

والسنه هذي 2009 يبت لي قطووه واول ماا يبتهاا البيت تذكرته

له معزه غيييييييييييييييييييييييييير سبحان الله مع انه حيواان بس وربي كل الي ابيتناا يحبه



الله يرحمه

 

[princesse X]

القطاوة تضيع ،تموت من كبر السن،تندعم لو كانت تطلع بره،الخ والحيوانات مثل الناس كل واحد له شخصيته وطبعه وقطوة جديدة ممكن تشغلها وتخليها تحبها لكن دايما راح تذكر وتقارن بين القطاوة بس مو معناه انها تقاطعهم ،خل تتوكل على الله وتشوف لها وحدة ثانية