الله يوفقها الي تساعدني أبي وحده تعلمني الطبخ الكويتي علي أصوله

[يارب الفرج القريب]

السلام عليكم

بنات و ستات البيوت

انا بقولكم قصتي انا متزوجة صارلي سنة

ابي اتعلم شلون اسوي العيش النثري بالزعفران

و خاطري اتعلم المجابيس

و البرياني

و الدقوس الكويتي

لان انا شغلي كله عك في عك

ابي وحدة تعلمني من الاف الي الياء ويكون بالها معاي طويل وياريت بالصور و شرح مفصل

وشنو احلى البهارات الي اقدر استخدمها و الي تعطي مذاق حلو الاكل

و المروق لان انا ميييييح بهالسوالف

ياريت ماتحطولي روابط لان و الله اتدوده

ابي وحدة شاطرة ماتقصر معاي وتعلمني وحدة وحدة

وشلون طريقة العيش المشخول + المجبوس

عسى رب يوفق كل من تعلمني

ابي اسرار الطباخ الكويتي​

 

[جارة القمر]

هلا حبيبتي

الله يوفقج وأن شاء الله راح أنساعدج بكل اللي نقدر عليه وأتصيرين أحسن طباخه تري كلنا لم بدينا كان الطباخ صعب بعدين تعلمنا

أنا راح اساعدج بروابط شغلات أنا مجربته ومن الروابط في شغلات راح تستفيدن منه أنا شخصيا استفدت وايد من المنتدى وأنا ما أعرف أشرح عدل


طريقة طبخ العيش

http://www.q8yat.net/showthread.php?t=412132&highlight=%C7%E1%DA%ED%D4


بالنسبه للدياي واللحم


أنا أغسلهم عدل وأفركهم شوي بملح خشن علشان الزفره أغسلهم وافوحهم بس بماي

البهارات التى نضعها مع الدجاجه فى الماء
ورق الغار + دارسين (قرفه) + فلفل اسود + مسمار (قرنفل) + هيل

http://q8yat.net/showthread.php?t=11314

وأشخلهم وبعدين أحمسهم مع البصل والبهارات (من 4 الي 5 حبات الهيل وأعواد الدارسين والمسمار والفلفل ألأسود وورق الغار )
وأن شاء الله البنات ماراح يقصرون معاج



بالنسبة للعيش استخدمي عيش كنتري أكس أل أو أنديانا جيت وكل ما خليته يطول لم تنقعينه يطلع روووعه معاج وحبته عقب ما تطبخينه رووووعه



أنا بالنسبه لي الأخت ريمه الكويت ودموع الكويت وايد أحب مواضيعهم واطبقه وفعلا تبارك الرحمن طباخ رووووعه والأكل ما تشبعين منه وماشاء الله بنات المنتدى ما يقصرون

البرياني


http://www.q8yat.net/showthread.php?t=6539


وهذا موضوع للغالييية ريمه الكويت وايد راح يفيدج

http://q8yat.net/showthread.php?t=339787

هذا ملف لعمل طرق المجبوس

http://www.q8yat.net/showthread.php?t=17898

رابط مجبوس الدياي الروعه لدموع الكويت وفيه طريقة الدقوس ومرق البامية

http://www.q8yat.net/showthread.php?t=23067


مجبوس اللحم لدموع الكويت


http://www.q8yat.net/showthread.php?t=22880

مجبوس اللحم للأخت دندره
http://www.q8yat.net/showthread.php?t=6454

هذي طريقة المجبوس بعد رووووووعه للأخت الغالية نونو
وهذي صور تطبيقي

تاخذينها تغسلينها زييييييييييييييين مازين من داخل وبره بتشوفين شغلات مثل الجبود الصغيره ودم يامد داخل بطن الديايه تغرفينهم وتقطييينهم
تالي تاخذين الديايه وتفركينها بالطحين من داخل وبره وتخلينها ربع نص ساعه تقريبا علشان تطير الزفره والطحين يمص الدم اللي بالديايه

بهالفتره انتي عندج ابره وخيط مزهبتهم علي كتر
وعندج بصل مقطع صغار صغار ومعاهم كشمش منقع تحطين عليهم شوي كركم دارسين مسمار لومي اسود وملح
طبعا كل اللي قلته لج تحطينه مطحوون
عقب النص ساعه اتييبييين الديايه وتغسلينها زيييييين عن الطحين وتحشين بطنهااا تترسينه من الحشوه هذى وتخيطين الديايه واتييبين جدر تحطين فيه ماي خالي وتقطين الديايه بالجدر تخلين الماي يغلي غلوتين بس مو وايد علشان يطلع الغفووو والزفره من الديايه
تالي ترفعين الديايه من هالماي وتحطين جدر العيش اللي بتطبخين فيه وتقطين فيه علبين دارسين وجم حبة مسمار وورق قار وشوي كركم وملح وتترسينه ماي
وتحطين الديايه فيييه وترزين الجدر عالجوله
وخلي الديايه تطبخ تطبخ وبتشميييييييين ريحة الماي تهبل وتبط الراس من زينهاااا
عندج العيش منقع وجااهز علي كتر

وتاخذين شوي بلاليط ( شعريه ) تحمسينه بالمقله لين يصير لونه بني فاتح موووووتنسينه وتخلينه يحترق ديري بالج

الديايه عقب ماتطبخ وتستوي ترفعينها من الماي وتحطينها بمشخال صغير علي كتر علشان ينزل منها الماي اذا بتقلينها بعدين مايطشر عليج الدهن واذا بتشوينها بقول لج شتسوين بعدين

المهممممممممم انيييي حق العيششش

بنفس ماي الدياي تكتين العيششش وتخلينه يقلب ويستوي وتشوفين العيش نظااا تمام وقبل مااتشخلينه كتي فيه البلاليط وحوسيه عالخفيف علشان يختلط العيش بالبلاليط

اتييين تكتين العيش بالمشخال وتاخذين الجدر تسوين فيه الفرقاعه وهي عباره عن حمسة بصل جوانح بالزيت والا الزبده انتي ومشتهاتج انا اسويها بسمن المراعي

عقب ماتحمسين البصله تخلين شوي منها بقاعة الجدر وتكتين عليها العيش اللي بالمشخال وباجي الحمسه كتيها فووق العيشششش وعندج مله صغيره منقعه فيها زعفران بماي الورد وترشينه علي العيش من فووق وحطي الحديده تحت الجدر وقصري عالجوله علشان يتسكر العيش براحته وغطي الجدر بقصدير وتالي حطي غطا الجدر

خلصتي من العيششش
تعالي حق الديايه اذا بتقلينهااا عقب مايروح منها الماي ترشينها بشوي دارسين مطحون وتقلينهااا بالمقله واذا تبينها بالفرن حطيها بالبايركس وقصي شوي بطاط حلقات وطماط حلقات سوي نص مكعب ماجي ذوبيه بكوب ماي وكتيه علي البطاط والطماط والديايه حطيها فوقهم وشوي من ماي الزعفران والهيل دهني الديايه من فوق وحطيها بالفرن تشوفينها لما تستوي تصير حمرررررره تهبل


ولاتنسين الدقووس

وعليج بالف عافيه ووقت النجاب تسلتين الخيط وتطلعين الحشوو من بطن الديايه بالقفشه وتحطينه حوالين الديايه وترزين الديايه بالنص وتعالي شووفي طبخج اشلون يصير يهبل

هذى طريقة الحشووو في بطن الديايه وتقدرين تسوينها بعد باللحم تاخذين لحمة فخذ والا ايد خروف وتشقينه بالنص وتحشينه
وعليج بالف بالف بالف هنا وعافيه



بهالموضوع طريقة تزين العيش وايد حلوه


http://q8yat.net/showthread.php?t=400281


بهالموضوع طريقة تزين العيش وايد حلوه


http://q8yat.net/showthread.php?t=400281


المرق



مرق اللحم لدندره عجيب وناطع


http://www.q8yat.net/showthread.php?t=6644

http://q8yat.net/showthread.php?t=378972&highlight=%C7%E1%E3%D1%DE

http://q8yat.net/showthread.php?t=367823&highlight=%C7%E1%E3%D1%DE


المرقوق

http://q8yat.net/showthread.php?t=270532

عندج مرقوقة الصاج أنا مجربته عجيبه




http://q8yat.net/showthread.php?t=92763

طبعا البهارات روحي اشتري من محل سمراء عدن أنا أمي أتيبيل بهارات من السعودية وإذا راحت البحرين كلهم روووعه بس بهارات سمراء عدن عجيبه حتي ذاك اليوم اخوي راح أيب حق أمي والله يحصل مطعم فريج صويلح يأخذون جدور مكتوب عليه مطعم فريج صويلح وكل جدر فيه نوع بهارات شي للدياي وشي لللحم وشي لسمج وطبعا إذا تبين نكهة عجيبه في أكلج

استخدمي الزنجبيل الطازج اشتريه من مركز سلطان صوب الخضار وابشريه بالأكل صج عجيب

وأنا اسوي هالخلطة واحطه بالحمسات والأكل نفس هالطريقة بهالموضوع


http://q8yat.net/showthread.php?t=397182


مطحنه سمراء عدن بجانب المستثمر الدولي هذا رقمهم 2417874


وهذا موضوع يتكلم عن سمراء عدن

http://q8yat.net/showthread.php?t=12847​

 

[جارة القمر]

المجبوس

الملعقه اللي راح استعملها حق البهارات متوسطه وهذي صورتها

فى نوع من البهار احنا نسويه عشان المجابيس وهو فلفل احمر صغير جاف + جلجلان + كمون - نخلطهم مع بعض على النار بدون زيت حتى يشقر ثم يطحن وهذي الصوره

الثوم + الزنجبيل + فلفل اخضر حار يفرم ويخلط مع بعض

لقياس الرز هو علبة الاناناس ونسميها جيله

دجاجه مقطعه نصفين

البهارات التى نضعها مع الدجاجه فى الماء
ورق الغار + دارسين (قرفه) + فلفل اسود + مسمار (قرنفل) + هيل

الدجاجه نفوحها فى الماء ونضيف 2 ليمون اسود ويغلى لمدة 45 دقيقه

نخرج الدجاج من الماء بعد ان استوت

نضيف الى الخلطه نص ملعقة كركم + طماطم مقطعه الى اربع قطع + 5 حبات زبيب

​

 

[جارة القمر]

نحضر الرز كوب ونص ونغسله جيدا يضاف الى الخليط ونخلي النار عاليه الى ان ينشف الماء ثم نخفض من النار لمدة 7 دقايق والرز بيكون جاهز

نقلي الدجاج فى الزيت لتحمر قليلا

الان نحضر حشوة الرز
عدس ويغلى فى الماء ونضيف اليه الملح

بطاطس وبيض نفوحهم فى الماء ونقشرهم ونقطع البطاطس بهذا الشكل

نقطع بصل للحشوه ونحمره عدل ويجب ان يكون بهذا الشكل

نضيف البهارات على البصل :
نص ملعقة بزار + نص ملعقه فلفل اسود + ا ملعقه ملح + ملعقه من بهارتنا + 1 ونص ملعقه ليمون اسود مطحون ويخلط جيدا

ثم نضيف العدس

البطاطس والبيض

ثم الدجاجه بس حاسبو عشان ماتتفكك الدجاجه

منقوووووووووووووووول



ملاحظة::



أنا اتوقع قصده بالعدس النخي للأن أغلب البيوت بالكويت يستخدمونه بالحشو


وأغلب البيوت بالكويت يقيسون العيش بعلبة الأناناس


ومثل هالطريقة ذقته مره من بيت جيرانا كانت عجيبه​

 

[جارة القمر]

مجبوس المكسرات

نفس الطريقه السابقه فى السلق والبهارات
بعد ان نخرج الدجاجه من المرق نحضر له السوس
ملعقتين زبد + نص ملعقه قرفه + ربع ملعقه هيل

نسكبه على الدجاجه ويدخل الفرن الى ان يحمر

نضيف نص كوب ماء ورد مع قليل من الزعفران للرز

هذا علشان أتحطينه علي ويه العيش للمجبوس


نسكب على الرز بعد ان يستوي ماء الورد والزعفران

نقلي بصل وصنوبر وكازو للزينه
وممكن نحمر بصل مقلي مع الزبيب

منقووووووووووووووول​

 

[<< أزيان >>]

ماشاء الله ماقصرت جارونه كفت ووفت

 

[يارب الفرج القريب]

حبيبتي ماقصرتي و عسى عمرج طويل يا الغالية
و ان شاء اله اتفيد من خبرتج يا قلبي