الله يكفيني شرها.....

[صمت الليل]

صباح الورد كويتيات الله يجعل هالصباح تحقيق لكل الأمنيات والحاجات يارب ....


عندي مشكله عجزت ألقى لها حل غير وكلت أمري لله رب العالمين ......

يا بنات عندي مرت اخو زوجي عمرها بال40 مشكلتها معاي مش واضحه ....سبب حركاتها مش
لاقيه لها تفسير ساعدوني .....

يابنات إذا اكون بحفله أو بأي تجمع عائلي أحسها تتعمد تحرجني تتعمد تتعمد وإذا راجعتها وكلمتها
تقول أنا أبدا ما أقصد أي شي قلبي صافي ونيتي صافيه وانا أعتبرج اخت
لكن هذا اسلوبي وهذا لساني وهذا كلامي والقلب أبدا مافيه شي ......


والحل يعني ؟؟؟؟؟

أكون بتجمع تقعد تكذب وتتكلم أن كل الأكل اللي أجيبه بايت وصار له أيام ....
نقعد ويا الأهل تعلق بصوت عالي تفشلني في أي موضوع وكأنها تقولي اسكتي

عدنا حفله أو عرس وسط الناس بالصوت العالي تقول مالت عليج .....
عيالها توصيهم مايلعبون مع عيال عمهم اللي هم عيالي مع انا بيت واحد ويقعدون عيالي يبجون يبون الهيال واهيا رافضه جدا جدا حسبي الله ونعم الوكيل ....
طيب هذيل يهااااال حرام حرام والله قلبي يعورني أنا بتحمل حركاتها بس عيالي لاااا لاااا
والحل وياها كلمتها 10 مرات تعبت اهيا الكبيره وانا صغيره وبعدين ؟؟؟؟؟
اتجنب حتى ما أسلم عليها .؟؟؟؟ ولا أسلم
شو الوضع معاها ..؟؟؟
ليش جذيه الناس صارت
اللي ممكن تفيدني لاتبخل علي بكلامها وفي ميزان حسناتكم .....

 

[Tom ♥ Jerry]

,


سلمي عليها و خلي علاقتج وياها رسميه لا تعطينها وي و نفسي عليها
كلميييييها اب نفس شينه

 

[جهراويه مزيونه~]

مرض ورب الكعبه!
جد والله الواحد مادري شيقول هالناس فصيلتهم اسمها مغثه
اسفهيها اذا تكلمت تكلمي قاطعيها جننيها خل تطفر منج وتزهق
قطي عليها حجي خايس واضحكي قولي ماقصد ياعمري شفيج عصبتي؟
نيتي صافيه اقهريها وبطي جبدها خل تسنع مثل ماتسوي بالضبط سوي
ختحس وتخاف لمن تكلمين عشان تحطلج الف حساب وماتقدر تقط عليج حجوه!
وعيالج جهال جيبيلهم اللعاب ولاطلعيهم ولاعيال اهلكم الثانين يلعبون معاهم
مايفهمون عادي

 

[رمادية الهوى]

احسن شئ طنشيها لا تعطينها وجه شئ يقهر تسؤي كذا

 

[فوفو22]

مافي نقاط ايجابيه مشتركه معها

لذلك

خلي علاقتك رسميه

ولو احرجتك برسط الحضور

التفتي عليها ودافعي عن نفسك

فوفو

 

[~ بنت الهدى ~]

علمائها بسطحه

 

[~ بنت الهدى ~]

عااااامليها بسطحييه *

 

[Miley-Cyrus]

مريت بناس نفس فصيلتها << مو نحل لا ناس صجيين خخخخخ
حاولت اطوف واصير العاقلة بس ماكو فايدة احرجيها خل تحس و ماتتجرأ تقط عليج كلمة جد يعني هالشي الوحيد اللي يوقف هالناس عند حدهم

 

[بنفسج ..~]

خليج نفسيه معاها لا تعطينها وجهه أبد أبد
خلي علاقتج فيها سلام بسسسسسس

مبين غايره وتبي تحطمج وتفشلج وتصغرج جدام الناس
ما يحتاج تسألينها معروف موقفها احقريها بس عشان لاتتمادى
وإذاسألتج شفيه شسالفه قولي ولا شيء نيتي صافيه بس حابه اكون رسميه مع الكل

 

[»همسْ ـآلخجل✿]

اذا حرجتج ليش تسكتين؟!

ردي عليهآ بإبتسامه وآثقة وحجي يسكّتهآ ويحرجهآ عشآن ماتعودهآ

يعني مثلاً : سألتج عن بدلتج اللي آنتي مصممتهآ

وأنتقدتج بإستفزاز وقآلت مآتو آللي يسون هالموديل!

أنتي ردي بإبتسآمه وآثقه قولي : لآ مو كلهم مآتوا بقيت آنآ آخر حبه


وهكذآ

تردين بأسلوب محترم وثقة وبنفس الوقت تنحرج
وصدقيني مع الوقت مآرآح تتجرأ تحرجج بالعكس رآح تسكت عشآن مآتنحرج ~

والله يوفقج يآرب ويفرج همج.

 

[m!ss]

مع الاخت »همسْ ـآلخجل ردي عليها بكل ثقه و احترام و مردها بتحترم نفسها

 

[M!SS.LOBY]

خلي علاقتج رسميه معاها لا تكثر الميانه

 

[هيبة ملك]

فيه. ناس تخاف ماتستحي. الا. ماتردين عليها رد يفشل ويكون بأدب وكل كلمه تقولها حضري لها رد اقواء منها وقتها. راح تخاف
وخلي علاقتك معاها رسميه

 

[انت حب حياتي]

الله يكون بعونك حبيبتي كلنا في مرحلة ما قابلنا اشخاص عندهم عقدة النقص هي واللي يحاولون يعوضونها بنسبها للاخرين ... ببساطة خلي علاقتك فيها رسميه على قد ما تقدرين ولو استفزتك حاولي بطريقة ثانية تردين عليها بس باسلوب ما يخلي احد يقول عنك انك غلطتي عليها

 

[انصاريه قمره]

قطيعه مرت اخوووج كريهه بصراحه وتخسي اسلوبها جذي هذي جليله حياااا شلون تجرحج جدام الناااس وتقول انا لساني جذي هذا دليل انها مو متربيه بصراحه
وكسروا خاطري عيالج ليش ما تخلي اليهال يلعبون مع بعض شذنبهم تزرع بينهم الحقد ؟؟؟ صج خبيثه
الحل انج توقفينها عند حدها وما تخلينها تتمادى عليج وتكونين معاها رسميه لانه هالاشكال ما ينعطووون ويه وان عطيتيهم شاخوااا

 

[cutecherry11]

الله يعينج ويصبرج حبيبتي

 

[صدع القلب]

اختي انتي شكلج طيبة وهالأشكال ما ينفع معاها الطيب للأسف
شلون تصير هذ علاقتها معاج وتخلين عيالج يلعبون مع عيالها من الأساس
مو اهي المفروض تمنع عيالها يلعبون مع عيالج ... انتي اللي المفروض ما تخلين عيالج يلعبون مع عيالها
وخللي علاقتج فيها سطحية من قلب .. السلام وعليكم السلام ومواضيع عامة إن اضطريتي
أنا مروا علي ناس مثلها إخذيها مني ان سفهتيهم تسنعوا وردوا يركضون وراج
وإن حاولت تستخف دمها وتتمادى معاج إن كان جدام الناس ولا حتى بروحكم وقفيها على طول عند حدها وقوللي شهالكلام يا ام فلان ترى الملافظ سعد
ولا ابتسمي هذي البسمة المستهزأة اللي تقول "أنا بإخذج على قد عقلج" ولا تبينين انج متضايقة أو مرتبكة عشان ما تفرحينها
والله يعينج :eh_s(14):​

 

[ماكواسم2]

هذي محتره من قلب وهذا اصلا ظاهر للجميع فلا تغلطين فتستانس هي واللي معاها ولكن خلي علاقتج معاها رسميه ولا تتكشف عليج بشي تستخف عدل

 

[صمت الليل]

الله يطول في عماركم على الردود الطيبه والدعوات الكريمه الله يطيب خواطركن.....

 

[Patcholli]

ردي عليها بسخريه

مثلا اذا قالت اكلج بايت ..!! قوليلها ليش كنتي واقفه معاي بالمطبخ ؟؟
يعني اي شي تقوله عنج جعميها ورديها عليها بطريقه استهزائيه وبنفس الوقت لاتقطين الفاظ بايخه مثلها خلج ارقى بس بينيلها ان العين بالعين والبادي اظلم ولاتسكتين عنها وعيالها كيفها حره فيهم هاذا موضوع ثاني

ولاتحتكين فيها اعتذري مره ثانيه عن المناسبات واذا قالولج ليش قوليلهم فلانه ولسانها كلمتها مره مرتين ثلاث مو راضيه تحترم نفسها وانا اترفع اني احرج نفسي ويا هالناس ما اسمح حق احد يغلط علي وبالمقابل ماحب احط روحي بموقف محرج وانزل مستواي بالكلام معاها وارد عليها بنفس اسلوبها فاحشم نفسي احسن

والله احتي مادري ليش حسيت شخصيتج ضعيفه ..!! لاتسكتين عنها وقفيها عند حدها واذا ماقدرتي والكل شاهد على واقحتها خل الكل يكلمها ويوقفها عند حدها لين ماتحترم روحها وتتعامل معاج مثل الحريم الكبار مو اليهال