اللوم لايودي ولا يجيب لكن اسمعيني حبيبتي انتي الحين بتمرين بمرحلتين المرحله الحاليه اللي هي قبل زواجه .والثانيه بعدالزواج خلنا نبدا بالاولى:
1.دائما توكلي على الله وفوضي امرك له ,فمن توكل على الله ماخاب , وحاولي تجعلي تصرفاتك مع زوجك والناس اللي حولك على الوجه الذي يرضيه.
2.ابتسمي بوجهه وحسسيه انك تحبينه وتهمك سعادته رغم الجرح اللي سببه لك بانه جاب لك شريكه تشاركك بهالشخص اللي انتي تحبينه
3.لا تتنازلين عن حق من حقوقك علشان يقدر هالشي ويحبك اكثر, ترى تفكير الرجال يختلف.
4.لا تتكلمينله عن كل اللي بقلبك لانه بعدين لو حصل من الثانيه تقصير. وحاولتي تناقشينه بيقول انتي من قبل لا اتزوج حاقده عليها .
5.حاولي دايم تكونين مرتبه وبيتك تمام ومريحته لانه بيشتغل الحين عنصر المقارنه براس زوجك.
6.قوليله "انا لو بحاول اصير معاها زينه ماأقدر لانه شاركتني بأعز انسان عندي فأحسن انك تبعدها عني ولا نحتك ببعض" وهذا لامرين الاول ان الرجال مثل الطفل ويمشي معه هالكلام , والثاني احسنلك نفسيا والهالشي تقدرين انتي تشوفينه بالمجتمع دايم الزوجات اذا مجتمعات تكثر المشاكل وخصوصا النفسيه واذا بعيدات ارحم تلاحضين هالشي؟
هذا اجتهادي والله اعلم .اذا عجبك كلامي بكمل اوكي.
