الله يفرج هم اللي تساعدني وترد!!!!!!!!!!!

[تحت .. المطر]

السلام عليكم يا أحلى بنات


مبارك عليكم الشهر مقدما وعسى الله يبلغنا رمضان كل سنة وكل عام أجمعين




يا حياااااااتي يا أبلات جزاكم الله خير..


بغيت مساعدة صغيرزنة منكم وبكون ممتنة وللامانة راح أزعل اذا بخلتو على بردودكم أو استكثرتم مساعدتي وما حصلتو على الأجر اللي بتحصلونه من ورى مساعدتكم لي



انا خريجة جامعة الكويت تربية واليوم اول يوم تستقبلنا المنطقة التعليمية



أبي أعرف:


1- شنو مطلوب مننا نسلمه للمنطقة التعليمية؟؟


2- لازم شهادة طبق الأصل؟؟ اذا اي ؟شكثر تطول ؟ هل بنفس الوقت اطلعها من العمادة والا اسبوع لأني سمعت اسبوع؟


3- والفحص الطبي ؟؟ شنو بالضبط؟ بس دم ؟؟ والا اشياء ثانية؟؟



ارجو الرد بأسرع وقت



والله يجزاها خير اللي ترد علي ​

 

[ماكنتوشة***]

ان شاء البنات يقدرون يفيدونج

 

[الزين_1]

انا مو ابله بس حسب علمي الاوراق اللي تسلمينها لجهة العمل كلها صور حتى الشهاده صوره مو طبق الاصل وهذا متعارف عليه في اي جهه لان انا يوم توظفت كله صور ..

بالنسبه للفحص الطبي اهو دم وبول(عزكم الله ) واشعه لصدر وبس

وان شاء الله البنات يفيدونج اكثر

 

[الخشف النداويه]

رد : الله يفرج هم اللي تساعدني وترد!!!!!!!!!!!

انا إللي اعرفه إنه الوزاره تاخذ الشهاده الاصليه مو صوره انا بالتطبيقي يمكن الجامعه غير ماأدري بس اتوقع الاصليه والباقي صور والفحص دم وبول عزكم الله واشعه ع الصدر ونتيجه الدم بعد اسبوع تطلع ويرفقونها مع الاوراق وبعدين يعطونج المباشره ولله يوفقج اتمني إني فدتج

 

[miss cute]

رد : الله يفرج هم اللي تساعدني وترد!!!!!!!!!!!



وعليكم السلام و رحمة الله و بركاته ..

علينا و عليج يتبارك

شوفي هذا الموضوع موجودة فيه كل الطلبات :


الاورااق المطلوبه لمراجعة المنطقة التعليمه اخذوها معااكم


و بالنسبة للفحص الطبي .. البنات يقولون تروحين المجلس الطبي .. يسوون لج فحص دم+ فحص سريري

بعدين تروحين أي مستشفى و تسوين تكرمين تحليل بول + أشعة للصدر



و ترى انا نفسج توني متخرجة من التربية جامعة الكويت .. إذا رحتي المنطقة التعليمية قولي لنا شصار وياج ..

انا ما رحت المنطقة حسبالي لازم ننطر ينزلون الأسامي بالجريدة ..