الله يفرج على كل من ساااعدني

[يااارب رحمك]

صباااااااح الخير...............
مساااااء الخير...............
أحتمال أزور الكويت قريب فحابه أستفسر عن أحس الأمكان بالكويت
أسواق منتزهات أماكن ترفيهيه أو معالم حلوه مثل الأبراج وهل فعلا
جميع الاسواق فيها موسيقى ابغى اماكن محافظه شوي واماكن تصلح
تصلح للعوايل لاتخيبون ضني فيكم سااااااعدوني

 

[د-سوسه]

حياااااااااااااااج الله حبيبتي ...يشرفني اني اكون اول من يرد عليج
بالنسبه للمجمعات روحي الافنيوز توه يديد وفيه كل المحلات تقريبا والفنار والبستان وسوق شرق والكوت قعدته حلوه ....
الموسيقي مو بالمجمع اهي يمكن تكون بالمحل كل محل يحط الي يعجبه ..
في وااااايد مطاعم فيها كباين اذا تبين خصوصيه..
وفي شاليه تاجرينه بحوض سباحه خاص الي اهي شاليهات صحاري ..
الابراج بوفيههم بالنهار الريوق للسيدات فقط وبالليل بوفيه هادي .ز
هذي لمحه سريعه واي استفسار من عيوني

 

[Samurai]

السلام اختي

تقدرين تطلبين من المحل يسكر الموسيقى .. في بعضهم ماشاءالله ما عندهم مانع

 

[أبلة كويتية]

هلا فيج والله وحياج بديرتنا

عندج المركز العلمي إللي على البحر وااايد حلو خاصة للأطفال
فيه الأكواريوم وعالم الإستكشاف وسينما الآي ماكس تقدرين ما تدخلين لها إذا ما تحبين الموسيقى


عندج حديقة الشعب الترفيهية فيها ألعاب كهربائية للكبار والأطفال
بس للأمانة يحطون موسيقى


مدينة الكويت الترفيهية
وهي مدينة ألعاب حلووووة
بس للأمانة في بعض الألعاب يشغلون موسيقى

عندج حديقة مرح لاند بالصباحية
فيها العاب كهربائية حلوة بس للأمانة فيها موسيقى


الجزيرة الخضراء حلوة فيها جواري للـتأجير وقوارب

عندج منتجع السليل بالجهراء تأجرين فيلا من غرفتين وصالة الليلة ب60 دينار تقريبا وبنفس المنتجع مدينة ألعاب ومجمع للتسوق ومطاعم وحمام سباحة للأطفال

المطاعم إللي فيها كباين

مطعم القيصر
مطعم دعوات
مطعم مغل محل
مطعم فريج صويلح للمأكولات الكويتية حلو وااايد لا يطوفج
مطعم زمان أول للمأكولات الكويتية
مطعم الملك الخليج الصيني

المجمعات أغلبها فيها موسيقى للأسف بس ممكن يقصرونه وهي

سوق شرق
مجمع الأفينيوز
مجمع الكوت ولا يطوفج القعدة على البحيرة
مجمع الفنار
مجمع المارينا مول
مجمع المهلب

عندج بعد القرية التراثية بجزيرة فيلكا تروحين لها بالعبارة السريعة من المارينا في مجمع المارينا مول تقدرين تنامين تاخذين لج غرفة مع الفطور أو شاليه أو ترجعين بنفس اليوم

عندج منتجع سيشل تأجرين ليلة وتنامين فيه مسبح وعلى البحر حلو مع الفطور

وطبعا لا يطوفج سوق المباركية مكان شعبي بس فيه كل ما تحتاجينه

وإذا تبين إستفسار عن أي شي إحنا حاضرين​

 

[يااارب رحمك]

الله يعطيكم ألف عافيه يالغاليات ماقصرتو ولا خيبتو ضني فيكم هذا اعشم فيكم بس أبغى آخر سؤال فيه شركات تأجر مثلا سياره مع سائق خاص ضروري الله يعافيكم

 

[اميرة الغيد]

في مكاتب كثيره يأجرون سيارات عاديه وسيارات المانيه (مرسيدس وبي ام )
في شركات تأجر سواق نوبيين قريت عنهم قبل هالسواق مع السيارات بس سياراتهم من النوع الغالي اللي على مستوى مو سيارات عاديه بس للاسف ما اعرف رقمهم بس اكيد تلقين وممكن تتعاملين مع تاكسي بس تدقين عليه تلفون يجي ، لاتخافين كل شي بالكويت .شركة المعتصم لتأجير السيارات(سيارات عاديه) 4729050 أو 4740826 بالفروانيه
شركة المعتمد لتأجير السيارات 5619144 أو 5619155 في ميدان حولي
شركة ستار كار لتأجير السيارات (همر ومرسيدس وبي ام وبورش) 5754444 أو 5754445
هذي الشركه سيارة مع سائق فوكس للتأجير 3733311 - جوال 7788737