الله يعطيكم العافية أبي تجاربكم حق أبرة الرئة للجنين صج بعدها ما يعقد بالشيشية؟

[نسيم الأمل]

السلام عليكم

الله يعطيكم الصحة والعافية

بسأل عن أبرة الرئة للبيبي هل لها آثار سلبية ؟ وشنو أسمها ؟
يقولون إذا الأم أخذتها وولادتها صارت مبكرة مايحتاج الطفل للشيشة ( الحاضنة ) بعدها ، صج ؟

الله يعين جميع الحوامل ويسهل ولاداتنا بكل خير وبأطفال بتمام الخلقة والصحة والعافية إن شاء الله

 

[mrs.perfect]

اهو شوفي حتى لو البيبي مكتمل نموه ووزنه اقل من كيلووين لازم يكون بالشيشة
ابرة الرئة اهي اجراء احتياطي بس ماتدرين شنو ممكن يصير
الله حدد فترة الحمل ٩ اشهر لحكمة منه واقل من جذي بيد الله
انا ولدت وانا توني داشه التاسع واحتلجت بنتي للشيشه
في حين وحدة من اهلي ولدت بالسابع ماحتاجت للشيشة
كل شي بيد الله

 

[Katkoota85]

الله يسهل عليكم

 

[الفرح والدلال لي]

هلا اختي
انا أخذت ٤ ابر لرئة البيبي لأني ولدت بالأسبوع ٣٣
والحين البيبي بالحضانة لان وزنة كيلو ونص والرئة غير مكتملة
باسمك اللهم الشافي وباسمك اللهم المعافي انك تشفي بنيتي
اللهم ااامين

 

[نسيم الأمل]

الله يعطيكم الصحة والعافية

الله يشفيها لبنتج ويحفظها لج من كل شر إن شاء الله

أنا بنهاية الإسبوع 32 وزن البيبي بحسب كلام الدكتورة 2 كيلو . لكن من نهاية السابع والحين قربت نص الثامن وآنا عندي أعراض ولادة مبكرة . الدكتورة قالت إذا إستمر الألم راح تعطيني أبرة الرئة ، والحين أعتقد لازم آخذها لآن تعبانة حدي من أمس لليوم ألم وضغط مستمر .

 

[Aloe Vera]

الله يسهل عليج

الوضع يختلف حسب الحالة

 

[كويتيه مذهله 87]

حبيبتي الابره مافيها شي توكلي علي الله

والله يسهل عليج

 

[:: Diva ::]

اخذتها و الحمدالله فادت ويا ولدي
الحين اخذت وحده بس و ما كملت !!
اعتمدت على اني خلصت السابع !!

 

[ام فوااز]

اخذيها حبيبتي مامنها ضرر
بس هم اذا احتاج للشيشه يحطونه بالشيشه حتى لو خذيتي الابرة

 

[نسيم الأمل]

الله يعطيكم الصحة والعافية

براجع الدكتورة إن شاء الله وأقولها إذا لازم آخذها متى بالضبط أعتقد مبجر يكون أفضل . والله كريم .

 

[*فرحة عمري*]

اخذيها وانتي مغمضه انا ولدت بالاسبوع ٣٤ كان وزن البيبي ١٨٠٠ و الحمدلله قهد اسبوع بالشيشه
ماحطوه كلش علي جهاز تنفس اطلاقا
نصيحه اذا عندج بوادر ولاده مبكره روحي اخذيها

 

[rora_q8]

ماتضر الابره اختي خذتها عادي

 

[نور التفاؤل]

اب اب اب