الله يعافيكم عندي كسر..ابي ارتاح

[Miley-Cyrus]

:eh_s(2):السلام عليكم انا عندي كسر بالساق المهم هو مو مرتفع حيل يمكن نص الساق او انزل منه شوي وماحطولي جبس دار مادار الساق لا بس من تحت اما اللي فوق لفة عادية لان يبون يعطون فرصة حق الرجل تتورم..المهم حاطين لي اللفة لي نص فخدي ...عساس ما احرك رجلي بما ان الجبس الكامل للحين ما حطوه ...موعدي بعد جم يوم بيحطون لي جبس وحيل خايفة انهم يحطونه لي الفخد لان ماقدر اقعد ادا سووه بهالطريقة مو متاكده لي وين راح يكون تكفون اللي عندها علم تبلغني وراح ادعيلها وادعوا لي بنات.وانا كسري ماهو مضاعف الحمدلله وبس

 

[Miley-Cyrus]

كل هالمشاهدات ولا احد رد..!!! بتقنعوني ان ولا وحده فيكم بتمرض ولا راح تحتاج مساعده؟

 

[ام عمر جمال]

ما عندي فكرة حبيبتي
يارب يشفيك ويحميك ويحفظك لاهلك

 

[كويت الاناقه]

ما عندي فكرة حبيبتي
يارب يشفيك ويحميك ويحفظك لاهلك

 

[القمح_المبرعم]

سلامات
أجر وعافية الله يعينك
أنا جربت الكسر من جم سنة
بس كان بالقدم
وجبسوا بس القدم إلى نص الساق
ما عندي علم عن حالتج

بس عندي لج نصيحة من ذهب
نصحتني خالتي ، مرة عودة وتعرف بهالسوالف
قالت إذا شالوا الجبس وقالوا لج صرتي زينة خلاص
سوي تمرية ( من تمر قديم أو رخيص) مع ملح خشن وااااايد وكركم وزيت زيتون
احطها مكان الكسر داااافية
والفها بنايلون مال المطبخ
وانام فيها
بس وقت النوم
الصبح اشيلها واخش التمرة إلى الليل أسخنها واحطها نفس الطريقة

وفعلا
لما شلت الجبس حسيت ريلي لينة
وماقدر ادوس عليها
اصلا احس بدوخة وجنه الدنيا تدور
لان خلو الجبس شهر كامل
المهم
استخدمت طريقتها
مدة ١٠ أيام
نفس التمرية كل يوم الليل اسخنها وحطها

والحمد لله مر علي جم سنة الحين والحمدلله مافيني الا العافية

لان في ناس بعد الجبس ما يمشي معاهم
فإنتي أول ما تشيلينه مباشرة استخدمي الخلطة هذي

وفالج طيب
وان شاء الله تردين أحسن من الاول وتلعبين كرة بعد

 

[Miley-Cyrus]

مشكورين على الدعاء وحبيبتي القمح المبرعم تسلمين وان شاءالله بسوي التمرية اللي قلتي عنها الله يسعدج و يوفقج

 

[hakema]

نصيحة لكي اختي لا يوجد حل بدون الجبس

لكن المهم ما يحطون لكي الجبس الثقيل اللى كله سيمنت ابيض

لازم يحطون لك جبس خفيف يسمى فايبر جلاس


ماله أى وزن نهائيا مثل الباندج لكنه قوي حيل

فاطلبي منهم هذا الجبس أو اشتريه علي حسابك

نصيحه لكي لا تقبلي بالجبس العادي الثقيل الأبيض