الله يعافيكم ابي نصائحكم لبشرتي .. تعبت معها !!!!!!؟

['ENLA]

بسم الله الرحمن الرحيم
شلونكم بنات , شخباركم عساكم بخييييييييييييرْ

فديتكم ابي مشورتكم وانا ماكتب هالموضوع الا وانا ادري بتجاربكم لأن ماشاءالله الزين دايم عندكم

الله يعافيكم ابقولكم قصتي مع بشرتي :yaaaaaarb:

انا بشرتي دهنية والحمدلله بالمناسبات اعرف شلون اتعامل معها وتطلع تمـااااااااااااااام :eh_s(7):

لكن مشكلتي في الدوام =/

استخدمتْ للجامعه واقي شمس من نيتروجينا مآعجبني أبد سمّرني وكلش ماحبيته
وجربت احط مرطب عقب بودرة , بس النتيجه ماصارت اللي في خاطري
انا في وجهي حبوب من عند الخدود من ورى يعني جنب الإذن > عساني وفقت بالشرح :krkrkr:
احط حمرة خدود وشكل ويهي تأثر من الشمس
طلعت حبوب

بس ماشاءالله بعض البنات يحطون حمره خدود ومايبين عليهم اثر

ابيكم تقولون لي احسن حمره خدود تنفع للجامعه عن تجاربكم

لاتقولون لي لاتحطين حمره بالشمس لأن انا احبها ومستحيل اتخيل وجهي بدونه :eh_s(11):

بحثت عن افضل وآقي شمس للبشرة الدهنية وقريت تجارب ماكان ودي اجرب شي الا بعد ما أخذ رايكم وتجاربكم
ومو شرط واقي اي كريم او شي سويتيه عطاك نتيجه حلوه :rerrerek:

يعني وش تنصحوني احط على ويهي بالجامعه ابي تعطوني اشياء احطها ..
غير الكحل والماسكرا والأروآج ..
ابي على الوجه بشكل كامل
قالولي جربي دكتور وايت من جفنشي < اللي جربته تقول لنا تجربتها
وقريت عن تنتد موسترايزر .. شلون ينحط .. وينفع للجامعه !!؟؟

مقلقني هالشي قلت بلقى حل =\ ! ماصارت

وابي احسن بودره تنفع للدوآمات برونزيه وعاديه :rerrerek:

وياليت كل وحده تقول لنا شتحط بالدوام سواء على وجهها عيونها ...الخ
علشااااااااااااااان نستفيد الله يعافيكم
الله يجزاكن خير حبوباتي ^^

 

[قلب ملكه ~]

آممممممممممم بشرتي مثل بشرتي دهنيه وراح اقول لج شنو استخدم بدوامي

اول شي جربي تستخدمين بيس للوجه من كلين اند كلير ( مرطب + مبيض + واقي شمس ) ويعطي ملمس حلووه

او غارنييه اساسيات للبشره الدهنيه

خذي اساس حلو وخفيف مثل مايبلين < آآآحبه ,, سمعت عن برجوا هلثي بس للامانه ماجربته

بودره نيفيا او ريميل ستآي مآت << آبطل شي هالثنتين خاصه انهم للبشره الدهنيه

جربي بلاشر كريمي بدل البودري يمكن ينفع معآج

وضروري تآخذين منآديل لمسح المكياج لان بشرتج الظاهر تلوث

وعآآلجي الحبوب قبل ماتزيد وتشوه شكلج

اذا حبيتي اعطيج نظآم سهل دزي لي مسج ع الخاص لاني ماارجع عالمواضيع اللي رديت عليهآ




لج كل الحب يآآقلبي

 

[Dr.Nouf]

البودرة انا نفسج -.-

بس امي تقول انه البودرة فيها مواد كيماوية موزينة .. واذا كان هندي ماركة هندية اردى اردى !

الحل نختار ماركة طبية ....

 

[سعوديه عجيبه]

انا مثلك بس مختلطه وفي الدوام يدهن وجهي بس انا اهتم بوجهي بالخلطات

1-تفاح مبشور مع عسل افركي فيه وجهك يعطي نضاره ويشد وينظف البشره
2- او ثمره البابيا مو الصابون الثمره نفسها اقطعي قطعه صغيره وبرضو فركي فيها وجهك واغسلي
وحطي اي شي كريم بيس مكياج ان شاء تطلع حلوه ونضره انا اسويها لاني تعبت من الكيماويات
جربي وبشريني