الله يطمنكم اللي جربت الكرتزوون تفيدني

[Reham 84]

بناات ولدي عمره 3 شهور واسبوعين
من شهر جته اكزيما وصرت احطله فازلين صارت تروح وتجي وتخف وتزيد
بس من اسبوع زااااااااااااااااادت وانتشرت بجسمه كله ياقلبي والله ماينام واذا نام قام يصيح بعد فتره بسيطه :eh_s(16):
المهم وديته الدكتورة قالت لااااااااااازم كرتزون حالته حيل تعبانه وقالت حطيه مرتين باليوم بس لما تروح بعدين وقفيه
قلت لها مافي اي شي غير الكرتزون اخاف منه قامت هزئتني :rgewrg: قالت وين قاعدين بقاله حنا اختار دوا واقوله مافي الا كرتزون هههههههه معصبه مدري ليش

وحطيته يومين الحين مرتين باليوم
واليوم رحت دكتورة ثانيه قالت نفس الكلام وغيرته بعد عطتني واحد اقوى
وقالت حطيه 3 مرات باليوم عشان يروح بسرعه تقول اللي يحط مرة وحده ماينفع بالعكي يزيد وتطول مدة العلاج
المهم
وقالت حطي حتى على راسه
مليان بقع حمرا
وعطتني مضاد تقول ملتهب
حووووسة مسكين والله خايفه على كبده يقولون مو زين ع الكبد

سؤالي يابنات
مين جربت واستخدمت الكرتزون لعيالها وكبروا و ماضرهم
لان في بنات يقولون ياثر ع النمو يخلي الطفل ضعييف وقصير !!!

مشكووورين مقدما​

 

[أميرة طفولتي]

الله يشافيه حبيبتي

اول شي انا فيني اكزيما
ومافي علاج يوخر الاكزيما الا الكرتزون للاسف

شوفي اهوا الكرتزون شنو الخطوره الي فيه ؟
لمن تستعملينه استعمال ( خارجي ) بكميات كبيره على نفس المكان ولفتره طويله
الجلد يصير ضعيف وهش يعني اذا لا قدر الله انجرح مو بسرعه يلتئم ومن هالسوالف..
بس احنا نتكلم عن علاج طويييييييل وكرتزون بنسبه عاليه جدا اما الكريمات هذي انشالله ماتاثر
الخطر لمن يكون الادويه ( الحبوب ) تبلعينها تحتوي على كرتزون وتدخل بالجسم

خل اطمنج انا اكثر وحده عالجت بالكرتزون باقوى الانواع ومن اول ما نولدت وانا فيني
وعلى ايام قبل امي كانت تلطخ فيني وما تدري شسالفة الكرتزون لوووووول
فحدي متششششبعه كرتزون والحمدلله رب العالمين ماصار فيني شي ولا اثر على شي

بس لازم تعرفين شنو الي يخلي جسمه يهيج الاكزيما وتبتعدين نهائي عنه
يمكن من الحليب مايتحمله فلازم تاخذين حليب بتركيبه للحساسيه
انشالله لي كبر شوي وووووخري عن الفارليز وسيريلاك القمح << مسبب للحساسيه درجه اولى
اي شي فيه قمح لاتعطينه
اما سيريلاك الارز عادي

انا ولدي طبعا بالوراثه صارت فيه والحين عمره 8 شهور
بدت معاه لمن كان شهرين
حطيتله كريمات فيها كرتزون واحد نسبته خفيفه والثاني اقوى شوي
وهم طلعله براسه وحطيتله بس دايما حطي مكان البقعه نفسها بس مو كل مكان
وبس وقفت ما قمت احطله الحين والاكزيما خفت الحمدلله بس لازم على طوووووووووووووووول
ترطبين جسمه ومايكون ناشف ولازم يكون المرطب خالي من العطور شي طبي
خلي غسول جسمه الي تسبحينه فيه بدون عطور نهائي ويفضل انه يكون حليب احسن من الجل
لان الجل ينشف ووووو ابتعدي عن الفازلين الحين صيف وحررر راح يهيجه بزياده


والله يشافيه ويعافيه ويلبسه ثوب الصحه والعافيه

 

[سكر فتافيت]

اميره طفولتى
ماشاء الله ماقصرت
اسال مجرب ولا تسأل طبيب ههههه

 

[Reham 84]

مشكوووورة اميرة والله ماقصرتي الله يريح بالك يارب وتنزلين الوزن الباقي بصحه وعافيه امين هههههه

بس ممكن سؤال انا مااستخدم غسول جسم خير شر بس احاول الماي يكون شوي يميل للبارد وبدون تنشيف الطخ فازلين
تنصحيني باي غسول؟؟

وشو احسن كريم جربتيه؟؟
على قولتك حررر الله يستر انا شفت بالصيدليه افينوو للاطفال

وزيت الزيتون ماناسبه صار احمرر
والله يستر لسه مابديت ااكله اكيد ماراح ابدا بالقمح وماراح اعطيه سيريلاك كل شي بسويه بالبيت ان شاء الله
الله يجزاك خييير يارب
والله يشافي كللل الاطفال يارب

مشكووورة سكر

 

[الشيخة@]

الله يشافيه

 

[حالة حنان]

حبيبتي يمكن عين الله يشافيه ويعافيه او يمكن احد من الاهل فاز فيه
ادهنيه ابزيت زيتون مقري عليه ولفيه ابجريده بس مو اي جريده جريده
فيها حجي ناس او سوالف الناس لفيه دوري وتصفحي الجريده اي صفحه فيها حجي واجد
لفيه وهو نايم وخليه نايم فيه لصبح وسبحيه مدة ثلاث ايام من اول يوم ان شاء الله تحسين انه مختفي
جربناه مع ولد اختي والحمد الله وان شاء الله تستفيدون الله يشافيه ويعافيه على فكره قصري على المكيف
لان زيت الزيتون راح يبرده وبعدين يصخن ديري بالج عليه

 

[Reham 84]

حبيبتي يمكن عين الله يشافيه ويعافيه او يمكن احد من الاهل فاز فيه
ادهنيه ابزيت زيتون مقري عليه ولفيه ابجريده بس مو اي جريده جريده
فيها حجي ناس او سوالف الناس لفيه دوري وتصفحي الجريده اي صفحه فيها حجي واجد
لفيه وهو نايم وخليه نايم فيه لصبح وسبحيه مدة ثلاث ايام من اول يوم ان شاء الله تحسين انه مختفي
جربناه مع ولد اختي والحمد الله وان شاء الله تستفيدون الله يشافيه ويعافيه على فكره قصري على المكيف
لان زيت الزيتون راح يبرده وبعدين يصخن ديري بالج عليه

مشكورة ياقلبي

ينفع جريده كلام بالانجليزي؟ ههههههههه ماعندي جرايد عربي
وزيت الزيتون انا قريت فيه يارب ينفع فيه ان شاء الله

 

[Reham 84]

الله يشافيه

امييييين يارب مشكورة ع الدعوة الحلوة