الله يسهل ولاده كل من ترد علي قولوا امين

[MzOoOn 22]

السلام عليكم​

بنات سبق واجهضت من مده .​

اسال الله تعالي انه يعوضني انا وباجي البنات الي يتمنون الحمال ​

اخر دوره لي 19/8
ولي اليوم ماجتني وصارلي اسبوع احس باعراضها صدري متفوخ وثقيل احس صخر بصدري وواخر ظهري اذا اجهدت نفسي بشغل البيت احس بعوار ..​

بس انا معاي ارتفاع بهرمون الحليب والدوره الي قبل دوره 19 /8 تآخرت علي حيل وعقبها كليت حبوب واستعدلت نزلت بموعدها !​

بس خفيفه وتخلص ب3 ايام .!

اي وبعد وانتو بكرامه ينزل علي شي مثل الماي ماله ريحه كلش خفيف مره مرتين باليوم
بحمالي الي اجهضت فيه كانت افرازات بيضا لزجه وقالولي دليل حمل هالمره الماي شنو ؟!​

سؤالي اللحين :​

تعتقدون هرمون الحليب ارتفع وعشان جذي آخر الدوره علي .!​

تعتقدون صار حمل .!​

بنات انا خايفه اسوي تحليل واتفشل جدام زوجي:eh_s(2):​

دعواتكم لي بالحمل السليم الثابت يارب:eh_s(17):​

 

[عضـــــوه]

حبيبتي الله يعوضج خير يارب

طمني روحج قولي لزوجج غينا التهابات وروحي للمستوصف او اي مستشفى ودشي بروحج وسوي التحاليل والامور الي تطلبها منج الدكتوره

بس توها ما تاخرت وااااااااجد عشان تحاتين لا توسوسين حبيبتي واحسني الظن بالله وربج اكرم الاكرميييييييين

اسال الله العظيم ان يرزقج بالي تتمنين ويتمم عليج ويقومج سالمه

 

[MzOoOn 22]

مشكوره حبيبتي ...


الباجي وينكم .!

اب اب الله يرفع مقداركم

 

[الضــبي]

الله يطمن قلبج ويرزقج الذريه الصالحه

اقول تروحين تراجعين احسن
حتى لو مع وحده اهلج

ولاتحاتين ترا النفسيه تلعب دور

 

[do0o0o0de]

خذي حبيبتي جهاز اختبار الحمل بالبيت ولا تتعبي نفسك وتروحي المستشفى
وان شاءالله نبارك لك وتكونين حامل

 

[MzOoOn 22]

آمين الله يسمع منج يارب ..


مشكورين حبيباتي عسى الله يوفقكم ياللي رديتوا ع موضوعي

 

[OM-Saad]

انشالله حامل باذن الله

 

[عضـــــوه]

اي والله صجججج اخذي تحليل منزلي بالصيدليه لا تبلغينه


والنفسيه حيل تلعب دوووووووور

واذا تبين دكتوره شاطره بهالسوالف عن تجربه لي ولاختي وبنات من جماعتنا

روحي للدكتوره مهجه البدر رووووووووعه ويالله تبشرينا يا ربببببب وماتحتاجين تروحين لها

وهذا رقم عيادتها

د.مهجه البدر 22413282

ادعيلي بظهر الغيب وربي يوفقج ويفرج همج

 

[MzOoOn 22]

جزاج الله خير حبيتبي عسى الله ينولج مرادج قولي امين ... ويريح بالج ويطمنه


ام سعد امين الله يسمع منج يارب

 

[يسامحك ربي]

انا اقولج طريقه
طرشي السايق للصيدليه خلي يجيبلج تحليل حمل المنزلي
وبدون محد يدري شوفي النتيجه وان شاء الله حامل ولا بتوأم
بنات قولوا آمين..

 

[كويتيه مذهله 87]

نزلي هرمون الحليب حبيبتي أول

 

[الأميرة جوري]

اخذي جهاز بدون مايدري وتاكدي ..والله يرزقج يارب

 

[(ام سارا)]

الله يفرحج بالحمل السليم المعافي عاجلا غير اجل
شوفي انا بقولج انا اعرف اذا انا حامل لو لا من شغله
تكرممين البول اذا قمتي الصبح ورحتي الحمام عزج الله اذا شفتي فيه ريحه خفيفه اممم مثل ريحه الادويه او شيء جذي يعني مو طبيعي >>>>مادري كل الحوامل جذي ولابس انا
انتي جربي وشوفي
وبشرينا عنج