الله يستر عليها الي تقولي وتنصحني

[toofy89]

السلام عليكم بنات أنا كنت حامل بشهر الثاني ورحت اسوي سونار قالولي البيبي اسم الله عليكم متوفي صارله أسبوعين وعمره تسع اسابيع بس وقالولي تبين تسويلج تنضيفات ولا تنطرين ينزل بروحه بعد اسبوع واجعلنا اذا مأنزل
قولولي تكفون شسوي أنا توني عروس ونتعرف شي شلون ينزل وشسوي

تكفون لا تخلوني

 

[@سيدة نفسي@]

الله يعوضج ياحبيبتي ,, وين أمج وخواتج ؟؟

بهالسوالف لاتستشيرين أي أحد لازم دكتورة ثقة ولا مرة تعالج

وتخاف الله ,, صدقيني موكل شي يمدحونه الحريم يناسبج ,,

وأهم شي لاتنسين دعاء :

اللهم أأجرني في مصيبتي واخلفني خيرا منها ,,

 

[كلاسيكال]

حبيبتي عسى ربي يعوضج ان شاء الله روحي لدكتورة ثانية تسويلج سونآر وتتآكد ويفضل استشارية ، وتوكلي على ربج ، وسوي اللي تقولج الدكتووورة

 

[toofy89]

هلا حبيباتي رحت مستشفى خاص ورحت الصباح قالولي نفس الكلام بس أنا خليفه من التنظيفات أمي شربتني حلبه بس ماكو فايده والحين احس بالم مثل الم الدوره ومثل تقلصات تروح وترد أنا خائفه وأبي وحده سامعه عن هشي او مجربته تفيدني ماقصرتو يا الحبيبات بيض الله وجيهكم

 

[حنان1983]

حبيبي الله يعوضك ويخلف عليك بالولد الصالح ان شاء اللة بالنسبة للتنظيفات انا اعرف انهم يسون سونار يشفون تحتاجين ولا لآ واذا محتاجه بالصباح ما يسون حتى يجيلك نفس النزيف شوي عشان الرحم يكون مفتوح هذا اللى سمعت فيه حبيبتي ومعلش الله يعينك ويفرح قلبك بخبر حملك ان شاء الله

 

[shak!shoka]

يا بعد قلبي الله يعوضج انشاءالله

تبين نصيحتي سوي تنظيفات احسن علشان يرد الرحم نظيييف و انشالله تحملين بدون مشاكل

سوالف الحريم تخرع و يمكن لاااا سمح الله يتأثر رحمج و يصير معاج التهاب او تكيسات

ما اعرف بس والله انصحج من قلبي

 

[الحرير]

الله يعوضج خير
استشارة الدكاترة افضل لج

 

[mama-dodo]

الله يعوض خير حبيبتي
بس اكيد لازم تستشيرين دكتوره بس التنظيفات ضروريه
عشان ينظف الرحم وتقدرين تحملين مره ثانيه بدون مشاكل وتكيسات

 

[قمرالبيت]

انتي استشيري دكتور
موشرط تنضيفات في كل الحالات
انا اختي اليوم سقطت وراحت دكتور حيان بالمواساه قالها مايحتاج تنظيفات عطها حبوب قالها اهو راح ينزل لان اساسن متقطع نص طايح ونص موجود يكافينا الشر ووياكم
والحمدلله خيره فيما اختاره الله
وانتي شوفي الدكتور ابخص اذا البيبي صغير او كبير

 

[toofy89]

H
أنا استشرت الدكتوره قالتلي في عشبه ناسيه اسمها بالحوائ اشربيها ينزل البيبي بروحه وانا ابي نصيحتكم وتجاربكم صارلي أسبوعين والياهل مو راضي ينزل

 

[beauty rose]

حبيبتي انا صار فيني نفس الل صار فيج بالضبط
حملت و توفى ببطني 9 اسابيع
و اخترت التنظيفات خليهم اهمه ينظفونج تخلصين بيوم واحد
احسن من تنزل عليج و ماتدرين متى تنظفين و لو بقى رواسب او شي
و ما تخرع كلش ببنجونج بن كامل بتدخلين و تطلعين ماتدرين شالسالفه
ومماكو عواااار كلش لا تحاتين
ربي يعوضج ان شاء الله

 

[تبطي عظم!]

الله يعوضج خير سوي. تنظيفات احسن

 

[toofy89]

بنات بس التنظيفات تدمر جدار الرحم مو زينه لوهب زينه جان ماخيرني الطبيب وقالي انطري

 

[beauty rose]

ماله شغل بجدار الرحم
وايد بنات يسوون تنظيفات بدون لا يكونون حوامل

 

[toofy89]

والله مادري ادعولي

 

[مألوفة]

الله يعوضج يا رب


حبيبتي لا تخافين من التنظيفات احسن لج تسوينها باقرب وقت ما راح تحسين اصلا روحي عند دكتورتج وخليها تسويلج تنظيف

انا مسويتها مرتين وكنت نفس حالتج هم الياهل مات ابطتى بس الحمد لله الحين انا عندى ولد وحامل الحين الله يصبرج ويعوضج عيوني لا تخافين روحي والله ومحمد معاج​

 

[دلؤعة الؤادي]

الله يعوضج حير ياقلبي ..ويرزقج بلقريب العاجل رؤحي طبييب لازم تنظيفات عشان تحملين مره ثانيه..

 

[بنت ذآك الأمير!]

امي عطت بنت عمي عشبه لان الجنين متوفي وقالولها نزليه عطتها امي عشبه نزلته لها خل اسئلج امي

 

[بحر الذكريات]

سوي التنظيفات احسن والله يعوضج خير يارب

انا كنت بالثاني وموراضي ينزل لان كنت اخذ ابر مثبته وجذي

والدكتوره قالت مايحتاج تنظيفات عطتني حبوب لمدة خمس ايام من ثاني يوم انصرعت وحاولت اشرب العشبه يسمونها (( القشعه)) ولها اسم ثاني (( عشبة المدينه)) ماقدرت من العوار وسويت تنظيفات

والله يكتب لج اللي فيه الخير يارب

 

[الريشة]

الله يعوضك يا رب
شوفي إذا مر عليك أسبوع من يوم دريتي إن البيبي متوفي ، و نطرتي بهالأسبوع و ما نزل بروحه...... لازم تسوين تنظيفات.
و انتي تقولين صار لك أسبوعين تنطرينه ينزل و ما نزل
لازم تسوين تنظيفات عشان ما يصير فيك تسمم من الحمل.
حبيبتي استخيري ربك على التنظيفات.
بس ترى اذا نزل بروحه راح تحسين بعوار أكثر من الدورة و راح ينزل دم أكثر ، و عقب ما ينزل بروحه لازم تسوين تحليل حمل هرموني عشان تتطمنين إنه نزل كله و ما فيه بواقي بالرحم.
يعني لازم بعد الإجهاض راح يكون تحليل الحمل الهرموني أقل من 10
و لازم تاكلين أدوية نفاس خلال فترة نزول البيبي و لمدة أسبوعين.
و بعد ما اتيي لك الدورة إن شاءالله اكلي فوليك أسيد و بيبي أسبيرين و سوي تحليل مضادات السيولة .