الله يستجيب دوعائهاا اللي تساعدني

[نجمة متألقة]

صبااااااااااااحو بنات انا جديده على الطبخ في سؤال معذبني اللي هو انا لما اسوي ايدام يطلع جذي

يعني الماء كثيييييير مو الزيت انا ابي اسوي نفس كيذااا شوفوا تحت

انا ابي الايدام يكوووون رايييب مشكلتي وزنية الماء اتوقع صح او انا غلطانه اذا صح كيييييييييييف اعدلهااا ؟؟؟


الله يوفقهاا ويرزقها الزوج الصالح اللي تساعدني

 

[مشغوله و محتاسه]

حبيبتي قللي الماي .. و اذا في بطاط بالمرق .. هرسي قطعتين ثلاث .. عقب ما يستوي .. راح يصير ثقيل


و بالعافية

 

[أم ناصر الشايع]

قللي المويه وإن شاء الله يصير على ألي تبين

 

[جارة القمر]

ماشاء الله



البنات ما قصروا


هرسي بطاط أو حطي شوية حليب جوز الهند يثقل المرق

 

[دنيتى زوجي M]

حبيبتي البطاط واهو بالمرق اهرسيه وقللى الماي عشان تصير المرقه ثقيله

 

[غناتي و حياتي]

و حطي قرع لانه يثقل المرق خصوووصا لما يذوووب

 

[dnyay_mll]

حبيبتي زيدي الطماط وقللي الماي شوي

 

[عويتقة]

قللي الماي وخليه على النار لد مايتقل السر في النار خفضي النار وخليه لما يتقل بس عينك عليه

 

[الشموخ~~]

انا بعطيج طريقتي نقول بسم الله :

تجيبين البصل والثوم وتبشرينهم انا عني ابشرهم بشر واقليهم مع لحم او دجاج مثل ما تحبين ويا شوية بهارات خفيفة مو حارة
اضربي خمس الي ست طماطات فالخلاط ليما تصير سوس وحطيهم عالنار وحطي وياهم العصفر اللي اهوة اللون الاصفر بس شوية لا تكثرين يا دوبك يعطيها حمار مصوفر
حطي البطاط والكوسة والقرع والبامية والبازلا بعد ما تقصصينهم وسط لا صغار ولا كبار وياهم بعدين حطي وياهم شوية ملح وكزبرة وشبنت اذا تحبين اذا ما تحبين مو الا ولا تحطين وياها ماي كلش كلش غطيها علي نار هاااااااااااادية حيل وخليها تستوي علي راحتها بعد فترة وفي الماي مال الخضرة راح يطلع وتصير رايبة واذا حبيتي تزيدينها شوي ماي يعني كوب سغير وسلامتج قلبج

 

[سيدة اعما ل]

تسسسسسسسسسسلم ايدج يالشموخ

 

[BoxCouture]

انا عندي طريقه سهله واعتقد كل من يستخدمها لما تحمسين البصل والثوم وتضيفين البطاط و الجزر والبهارات بعدهم تقدرين تحطين الطماط المهروس بالخلاط على الخضار وتخلينه لما يتغير لون الطماط ويقوم يبقبق بعدها تضيفين الماي على حسب الكميه وتحطين معجون طماط كي دي دي وبس خليه يفور بروحه لمدة نص ساعه او لين يثقل وبعدين تحطين اللحم من جدر الضغط وهم تخلينه فتره واذا تبين تخففينه تحطين من ماي اللحم وطبعا طعمه خيال .......واذا على الدهن لا تحطين كميه كبيره من الدهن لما تحمسين البصل لان اللحم فيه شحم وهو راح يطلع الدهن *

 

[درة أهل الطولات]

ما أعرف

لرففع