الله يسامحكم يا مستشفي السلام

[لارا2009]

السلام عليكم ورحمة الله وبركاته
بنات لحقوا علي رايلي كان يتابع عند دكتور محمد لطفي مهروسه اللي في مستشفي السلام الدولي وبعد 4 شهور من العلاج وياه طلب منا نستمر علي كورس علاج شهريين وبعد الشهريين نراجعه مع تحليل جديده واليوم كان المفروض موعدنا عند الدكتور ونتفاجا ان الدكتور انتقل من المشفي ولا احد يبي يقول وين انتقل والسكرتاريه قاعدين يقولولنا اوكي راجع اعند الدكتور الفلاني او الفلاني ما يبون زباينهم يروحوا والمشكله ان حالة زوجي ما يصير يتنقل من دكتور لدكتور لازم اللي ابتدا وياه من الاول
عافيه بنات لو حد يعرف وين انتقل او اي طريقه توصلنا ليه لان المستشفي موراضيين يقولولنا وين تعرفني وجزاكم الله كل خير ولكم دعوه مني بظهر الغيب​

 

[مارغريتا]

والله ماعرف الله يشفي زوجج يارب ويرزقنا ويرزكم يبالذريه الصالحه

 

[حبي زوجي فديته]

والله مادري الله يشفي ريلج

 

[عــود كمــبودي]

ماعندي فكره والله يشافيه يااااارب

 

[لارا2009]

الله يعطيكم العافيه بنات ويتقبل منكم ربنا يارب ويعطيكم الذريه الصالحه ويصلحلكم الحال

 

[إبشر بعزك]

يعني اهوه بالكويت الدكتور قالو لكم ولا قالو انه سافر ديرته

المفروض تاخذون رقم الدكتور من اول

شوفي اذا الدكتور بالكويت وقالو لكم راح مستشفى ثاني وماندري من هالكلام تدرين شتسوين انا اقول لج دقي على مستشفى مستشفى وسئلي منتي خسرانه شي


شوفي دار الشفا
شوفي المواساة
شوفي مستشفى السيف
شوفي رويال حياة
شوفي العرف
شوفي مستشفى لندن
شوفي مستشفى الصفاة الامريكي
شوفي مستشفى الامومه

واذا بعد في غير هالمستشفيات هم دقي لا تسكتين تحركي دقي وان شاء الله يكون راح لأحد هذي المستشفيات

لا تنسين تبشرينا انج لقيتي الدكتور وباي مستشفى


الله يرزقج يارب ويرزق اختي وكلمن تبي الحمال برحمتك يا أرحم الراحمين

 

[تل السكر]

حسبي الله ونعم الوكيل
حبيبتي ادعي الله بدعاء الضاله يمكن تلقونه صارت معاي او دقي على البداله وطلبيه بالاسم
الله يفتحها عليج ويسر امرج
الحمدالله واستغفرالله

 

[ms.dlw3h]

الله يرزقج ان شاءالله
ويشفى زوجج
والله مااااعرف وين ؟؟؟
عااااااااااد اناااا الحين جالسه ارجع عندهم عند الدكتور محمد بكري الله يستر

 

[شمخانيه]

شنو المعامله هذي
والله لو منكم لاسويها سالفه عليهم
لما يقولون الصج

 

[%متفائله%]

الله يرزقج ويشفي زوجج يارب

ويرزق كل محروم

 

[tmtmt]

شهل السالفه بعد
:\
خل يزفهووووووم ريلج خل يعصب عليهم جدام الزيابن
عشان يسكرون الموضوع ويتكلمون

 

[غردينيا2008]

حسبي الله عليهم نصاابين
بس سوي طريقة اختنا ابشر بعزك قعدي لج قعده عالتليفون ودقي عالمستشفيات والعيادات الكبار وانشااء الله تحصلونه

 

[ORKDI]

وشوف اذا ما حصلتي بالمستشفى شوفي العيادات

شوف السيف سمعت انه السيف اخذ كثير من الدكاتره رفجتي ترجع عند دكتور نائل اسنان ونقال السيف

واخته عند دكتور ميشو جانه تجميل اللي بكلينك وهم راح سيف

 

[كويتية ورديه]

لاحول ولاقوة الا بالله ... حسبي الله ونعم الوكيل .. مثل ماقالو البنات .. والله يسهل عليج حبيبتي

 

[ذهب و فضة]

السلام عليكم ورحمة الله وبركاته
بنات لحقوا علي رايلي كان يتابع عند دكتور محمد لطفي مهروسه اللي في مستشفي السلام الدولي وبعد 4 شهور من العلاج وياه طلب منا نستمر علي كورس علاج شهريين وبعد الشهريين نراجعه مع تحليل جديده واليوم كان المفروض موعدنا عند الدكتور ونتفاجا ان الدكتور انتقل من المشفي ولا احد يبي يقول وين انتقل والسكرتاريه قاعدين يقولولنا اوكي راجع اعند الدكتور الفلاني او الفلاني ما يبون زباينهم يروحوا والمشكله ان حالة زوجي ما يصير يتنقل من دكتور لدكتور لازم اللي ابتدا وياه من الاول
عافيه بنات لو حد يعرف وين انتقل او اي طريقه توصلنا ليه لان المستشفي موراضيين يقولولنا وين تعرفني وجزاكم الله كل خير ولكم دعوه مني بظهر الغيب​

السلام عليكم لا تحاتي يا عمري
الدكتور محمد لطفي محروسة الحين اجازة سنوية و ان شاء الله يرد يوم 7-7-2010 للمواساة
راح يبدو سنتر دولي لعلاج العقم ثلاث اطباء ناهض حمادية و لطفي محروسة و حيان الاحمد

و خلي ستاف السلام يولوا

 

[SaD FaCe]

الله يشافيه ..

 

[ام عفاف الكويت]

الحمدلله الاخت ماقصرت يوم 7- 7 يرد
والله يشافيكم ياقلبي يارب

 

[_ظل الياسمين _]

ربى يشافى ريلج ولا يحوجه لمنه هالدكاتره يارب العالمين.

 

[** باربي **]

لاحول الله
كافي المرضى محتاسه
بعد تضيعونهم !!

 

[لارا2009]

الله يعطيكم العافيه بنات بصراحه مو محصله كلمات توفي خدمتكم لي ربنا يستر عليكم ويسرلكم حالكم ويسخرلكم ازواجكم والولدكم ويوفقكم دنيا واخرا ويرزقكم من حيث لاتحتسبون مشكوريين كلكم بدون استثناء ربي لايحرمني منكم ولا يحرمكم من اعز الناس لكم