الله يريج الي اطمني بسابع ودم وبغربه

[barosha]

بسم الله الرحمن الرحيم
بنات انا بشهر السابع
اخر دوره 26 10 2011
من 3 ايام نزل علي دم جم قطره ووقف وعقب يومين هم جي شويه امس نزل دم وايد الي امسح بالكلينكس كله دم
بنات انا بغربه ومابي اروح طبيب باجر ارد لكويت باجر طيارتي 10 بليل اوصل لكويت يوم ثاني
لا تقولولي روحي طبيب مني لانه حماتي ولدت منيه عذبووووووها فمتعقده حدي منو تقدر تفيدني البيبي قاعد يتحرك وانا هذا لمطمني بس بنات عفيه منو صارلها جذي او منو تقدر تفيدني بشي شي يصبرني بس لي عقب باجر برد لكويت
قالولي شربي نشى شربت
بنات طمنوني عفيه

 

[barosha]

شدعوه @@ تدشون وله تردون وله رد

 

[_زينه_]

اذا دم لازم على طول تروحين الطبيب حبوبه والله يسهل عليج يارب

 

[barosha]

بس البيبي يتحرك حمدالله
اصبر بس لي عقب باجر
برد لكويت
شرايكم بنات

 

[_زينه_]

لااا لاتغامرين من صجج !!!!!!

امبي دم وانتي بالسابع لاتغامرين ضروري تروحين الطبيب قبل لا تردين الكويت حبوبه

 

[مشتطـه]

لا ياقلبي

وين قاعدين تصبرين

اتي مو صاحيه ؟؟؟؟؟؟؟؟؟؟


شلون صبرتي

انا عورني قلبي

انا نزل علي دم بغى يوقف قلبي

نزل بأول يوم بالثامن

استخفيت
قمت ارجف حيييييييييل وأبجي

وما لقو سبب والبيبي يتحرك

عقب اسبوع بيّن ان انفصال جزئي بالمشيمة

حبيبتي روحي خل يطقونج ابر الرئه
عشان لو صارت ولاده تكون الرئه زينه وقابل للعيش


ويمكن تولدون بالطيارة ؟

ماخفتي تصير فيج
وتتبهدلين اكثر من الغربه

تخيلي نفسج تولدين بالجو لا مسكن ولا ناس راح تعرف لج ولا شيشه

 

[امي نبض قلبي]

صاجه مشتطه

روحي الطبيب أخاف منفصله المشيمه

الله يطمئن قلبج

 

[روح الأحزان]

والله حبيبتي مادري شقولج الله يعينج ويصبرج بس لازم تروحين الطبيب وتطمنين لان موزين نزول الدم ووراج سفر

 

[الوردة المكنونة]

انا صار معاي ورحت الطوارئ
سويت سونار وتخطيط للبيبي وكل شي تمام الحمدالله
بس قالتلي الدكتوره لازم راحه هذا ممكن يكون من المجهود او العصبيه

وانا يومها صج عصبت على خدامتي وبالليل صار معاي النزيف

بس ما يمنع انج تراجعين الطبيب عشان قلبج يتطمن
وماتشوفين شر

 

[ام اغلى الناس]

انوذ نفسي بالضبط
بالسابع
نزل دم بني رحت الخاص سوت سونار قالت كل شي اوكي بس ان زاد او صار احمر روحي المستشفى
قمت ثاني يوم لقيته زاد واحمر رحت الصباح حكومه
قال المفروض جايتنا من اول مانزل الدم مو تنطرين
وطلع معاي طلق وولاده مبكره بس الحمدلله وقفوه بالابر وللحين منومه*

 

[روحي82]

ياااقلبي اذا نازل دم معااج لازم طبيب بعدين ضغط الطياااره موو زين عليييج يااقلبي توكلي علي الله ورحي

لان الضغط مال الطياره ياثر علي الحامل وشلوون انتي نازل دم معاااج اخااف الرحم مفتووح

الله يسر اموورج ياارب

 

[ام الحلوااات]

روووحــــي الـــطــــبــيـــب لا تــنـــطـــريـــن وااايـــــــــــد مـــو زيـــن حـــقـــج وحـــق اللـــي بــبــطــنــج