الله يرزق بالي تصارحني الجنه والتوفيق بدنيتها واخررتها يا صيدلانيات وطبيبات !!

[مو صج ~]

السلام عليكم
انا تخصصي الحين صيدله ومقبوله بعثات نيوزلاندا واجهت مشاكل بغير مقر البعثه بريطانيا

حلم حياتي اصيير طب بشري لكن حبطوني الناس قالولي دراستها طويله تتخرجين 25 محد يتزوجج ولما تتخصصين اقل شي 27 سنه وكد وشفتات ودوام بالعطل

مات الحلم

صار حلمي صيدله
قالولي تبيعين ادويه وفي اهانات وماكو برستيج وهم شفتات ودوام بالعطله وماترتاحين

صار حلمي ماجستير صيدله اكلنيكيه وافتح صيدليه او اصير معيده بجامعه الكويت بس احس هالحلم صعب ! ومو مضمون

تحبطت من كل ناحيه

تكفوون يا صيدلانيات مرتاحين بشغلكم ولا الطب احسن ؟؟


ك معاش و ك زواج ؟ الحياه العائليه تكون مستقره ولا بين وبين ؟؟

تكفووون مستقبلي راح يضيع مني بسبه الحيييره !!

الله يرزقها كل خير الي تصارحني وتقولي الصج سواء طبيبه او صيدلانيه

 

[Tom ♥ Jerry]

,


و انتي شكو بكلام الناس سوي الي تبينه !

 

[صابرة رغم الجروح]

وعليكم السلام

حبيبتي الدراسة مالها شغل بالنصيب يعني فرضا وحده متخرجه عمرها 22 واصلا الله مو كاتب لها تتزوج ووحده درست بكالوريوس وماستر ودكتوراة وعساها تخلص دراستها بعمر الاربعين اذا لها نصيب بتاخذه ويا ما بنات اكتمل نص دينهم وهم يدرسوا وفيه عقب التخرج وفيه ينتظروا نصيبهم عمرها الامور ما تنقاس بهالطريقة وانت جامعيه وواعيه اما من ناحية تقدر توفق بين بيتها وعملها ياكثر الموظفات وشفتات اللي شاطرة تتشطر بكل شئ مو بس الدراسة وبتعرف توازن بين البيت والزوج والعيال والشغل
الله يوفقج

 

[هداوي المجنونه]

حبيبتي انا اختي صيدلانيه والحمد لله مرتاحه بالدوم ومعاشها حلوو


وتداوم من الساعه 12 الظهر الى ال 5 العصر او من السبع الصبح الى ال * الظهرر

وكل سنه يزيد معاشها 300 ريال لانها توضفت بالخففجي مو بالكويت



وماعليج من كلام الناس صدقيني راححه بس قاعده وتوصفين ادوويه ومعاش قوي

انا عن نفسي سنه واخلص دراسه وان شالله بدش صيدلا

 

[مودي كويتي]

اوكي لو افترضنا انك خلصتي 25 او 27 هذي كبيره بنظرك على الزواج؟؟؟الزواج قسمه ونصيب عزيزتي انتي شوفي القسم اللي انتي تحبينه وطموحك وحاسه انك بتعطين فيه بغض النظر عن كل اللي سمعتيه ماشاءالله انا اعرف بنات من ايام الكليه تزوجوا وواصلوا دراستهم وناس مخلصه وقاعده تاكدي الطمووووووووووووووووح مايوقفه شي ابدا ابدا الله يوفقك لمَ فيه الخير

 

[Naaa]

انا طبعا مالي علم ابدا بالصيدله بس اذا كان ع الزواج يمكن نصيبك مثلك صيدلاني او حولها ترا ياما صارت

او اذا كان ع الدراسه اكيد بتفلحين ف شي انتي حابته حتى لو كان كثير اكثر من الشي اللي ما تحبينه لو كان قليل ان شاء الله توصل الفكره

وتقبلي مروري حبوبه

 

[سندس 90]

اول شي لااااا تسمعييين كلااام احد
حبيبتي انتي غيييييير والناااس اللي تقوول غير
انتي غير بتفكيرج وطموحج الناس تشوف من ناحية تفكييرها فقط

هالناس اللي تتكلم اهي ماتعرف توفق وتوازن " يعني يتكلمون من ناحية شخصيتهم وحيلتهم اهما مو انتي "
انتي لا تسمعين لهم

وبعدين في احد حاااصله درااسة طب من صجج ؟ اذا انتي شاطره وحابه هالمجال لا تسمعيين لاحد

لا تقولين طبيبه واكيييد بكون عااانس

ليش كل الدكتورات ماتزوجو ؟؟ ماشالله متزوجات وعايشات احلا عيشه
وفي بنات والله لا شهاده ولا زواج
مو معناته بتقعدين ببيت اهلج اذا صرتي طبيبه
هذا نصيييييييييييب

وهمن الصيدله تخصص قووووي وحلوو بنفس الوقت


اما من ناحية العممر
٢٥ صغيييره مو كبيييره وهمن ٢٧
وبعدين ماتدرين يمكن تتزوجين عقب شهر 
مثل ما قلتلج هذا نصيب

وعن التعب ، قوليلي بالله منو اللي مايشتكي من الشغل
والله ثم والله اعرف وحده تقوووول اووووف الشغل متععععب ، قلت ليش انتي اداريه يعني مرتاحه ، قالت ايه بس قاااعده مااشتغل تعبت من القعده !!!!!!! تخييلي

وعن التوازن بين الوظيفه والبيت والزوج ، هذا شطاره منج وبتدبيرج وتقسيمج لنفسج
واسإلي الله البركه بالزوج والدراسه والوقت والذريه والوظيفه وكل شي

كثرت بالحجي ههههههه
عسى ربي يكتب لج الخير ويوفقج بدراستج مهما كان اي تخصص ويرزقج بالزوج الصالح*

 

[rose2012]

انتي يعني سنه اولى ماتخصصتي ؟ *
ترا حتى لو تبين بشري موشرط ياخذونج ساعات يحطونج صيدله
وساعات تبين صيدله وماياخذونج على حسب معدلج*
بس الكل يبي بشري نادر مايختارون صيدله*
شوفي شنو تحبين اكثر*
*انا انصحج بالبشري
وماله شغل بالزواج نهائي كلش بالعكس حظهم قايم الطبيبات*
وبالتوفيق*

 

[مو صج ~]

يعطيكم العافيه والله مادري شقولكم مستحيه من نفسي الله لا يحطكم بالي انا فيه لان الاهل يحبطون وضغط مو طبيعي

 

[Patcholli]

حبيبتي صدقيني الله لو كاتبلج الزوج بتاخذينه لو كنتي قوات خاصه مو بس دكتوره
يعني بدون ماتسئلين شوفي حولج
كل الدكتورات عوانس ؟؟؟ مو كلام منطقي
انا ارفيجتي دكتوره وتزوجت دكتور والحمدالله عايشه احلى عيشه
انتي لا تسمعين كلام احد لان في ناس يكون بقلبهم غيره حتى لو يحبونج وبموتون فيج
هم تحز بخاطرهم ان انتي توصلين لمرتبه عاليه واهم مستواهم عادي
عرفتي ؟
هاذي نفوس البشر وترى تصير ختى بين الخوات

 

[rose2012]

اذا ياخذونج بشري دشي الصيدله ممله حدها البشري اكشنات ومرضى و مستشفي اونس
والزواج ماله شغل نهائي بالعكس وايد يبون دكاتره خاصة الشباب الي عندهم مناصب عاليه يبون دكتوره*
و بصراحه اغلب البنات الدكاتره اللي اعرفهم متزوجات لا و بسرعه *و ماياخذون اقل من مهندس *و اكثر شي *ياخذون طبيب نفسهم
ويتخرجون *بعد الهنسه بسنتين
بس دراسه البشري واايد اسهل من الهندسه رفيجتي هناك و قارنا*
يعني اخذي بشري
صراحه مااتحمل صيدله لوعه كله ادويه بشوف بشر بفحصهم بسولف وياهم*
وبالنهايه الراي الاخير رايج*

 

[مو صج ~]

تسلمين حبيبتي انا فكر وبشوف الحين لازم اروح بريطانيا صيدله وان صارتلي فرصه تحويل طب بحول

والي الله كاتبه بيصير انشالله

 

[ورد الفلا]

حبيبتي نصيبج بييج حتى وانتي تدرسين
وبعدين هذول الناس قصدهم يحبطونج ليش تاخذين رايهم !!
انا كان حلمي طب لكن ماقدرت بسبب نفس الظروف ولي صديقة اختفت
ماشاء الله درست طب وصار اسمها د. فلانة
ماتحبين تكونين مثلها !!!
لاتفرطين بحلمج وتحصني بالمعوذات ..

موفقة

 

[شندوخه]

نصييييييحه لاتلتفتين لكلام الناس
ترى الناس بس لتكسر المجاديف جاهزه بس للتشجيع غسلي ايدج
وصدقيني اذا الله كاتبلج نصيب ماراح يرده لادراسه ولاعمر
وكل تخصص يبيله دراسه وتعب حتى لو كنتي دبلوم مافي شي باللعب والتهور

استخيري ياحبيبتي ودشي بالتخصص اللي اهو حلم حياتج وطموحج
والله يوفقج ان شاءالله

 

[M!SS.LOBY]

لا تسمعين كلام الناس

اذا عندج طموح واصلي لا توقفييين

 

[مو صج ~]

ودي اكمل ماجستير صيدله الحين لا التحويل صعب شرايكم ، قاعده احاول بس شكله مو مكتوب لي الطب

 

[miss.unique]

شوفي انتي شنو تبين حبيبتي ... وعلى سالفة الزواج كاااااااااك والله الناس يظحكون الحين شكثر دكاترة متزوجات و شكثر بنات ابيتهم مو متزوجات .. هذا نصيب شعليه بالشهادة ...
وترى الصيدلانية معاشها قوي ما شالله ..


انا كنت بقدم بس معدلي مع القدرات ينزل وماكنت ابي بجامعة الكويت فدخلت هندسة

 

[مو صج ~]

صج ..
يالله حظ ونصيب مو نصيبي طب

الحين صيدله ولله الحمد

الهندسه حلوه بعد

 

[مو صج ~]

مجتمعنا لكويتي جذي بنت فوق ٢٧ صعب تتزوج واحد عمرها كلهم يبون صغار هذا حجي الاهل مايندرا

 

[افريقيا]

مالج شغل بحجي الناس واللي يقولونه تبين طب تبين صيدله كملي و الدراسه مالها شغل بالزواج لو ياخر الزواج جان

شفتي الدكاترة اللي بالعالم محد تزوج تزوجو لمن انكتب النصيب لهم و الزواج نصيب ومكتوب على الواحد حتى التخصص

اللي بتدرسينه مكتوب عليج .. وباجر لو صرتي دكتوره بفتحين عياده واذا تبين تكملين ماجستير و الدكتوراه تقدرين.

بجامعة الكويت وانتي متزوجه في وحده مو من الاهل اتزوجت عمرها 30 سنه