الله يرزقكم ساعدوني حلال او حرام

[الرواسي]

رحت عند دكتور علاج تأخر الحمل وقال لي مبايضج ماينتجون ولازم اذا تبين حمال اتقدرين اتروحين ايران أو لبنان حتى اتسوين عملية ان ياخذون بويضه من المتبرعات ويضعون فيها الحيوان المنوي من زوجج وايرجعونها في رحمج بس قال لي ان المسلمين السنه مايسونها وانه ابي اتأكد من انه هذي العمليه حلال او حرام واخواتي هذي الكلام مو تنقيص في حق اي أحد بس والله اني ابي اعرف

 

[zalabia84]

هلا حبيبتي... اول شي اسمحيلي اقولج انه الدكتور الي رحتيله شكله ما يفهم شي شنو يعني مبايضج ما ينتجون اذا المبيض ما ينتج بويضات ينشطووونه الحين الدنيا تطورت ماكو شي ماله حل انا بنت خالتي كااانت حالتها ميؤوس منها ما تيييلها الدورة الا بالسنه حسنو وسبحان الله مع التوفيج من الله وو العلاج حملت وتوها والدة ... اما بالنسبة حق اللي قاله الدكتور انا ما اقدر افتي بس الي اعرفه انه حرررام وحده تحط بويضه مره ثانيه وتلقحها من الحيوان المنوي من زوجج ييعني استغفرالله جنه زوجج متزوج عليج لانه اننتي بس راح تكونين الحاضنة حق الجنين اما الخلايا وو الجينات كلها من صاحبة البويضة وززوجج ... وان شاءالله اكون فدتج بس نصيحة راجعي عند دكتور ثاني احسنلج

 

[الرواسي]

الله يطمن قلبج ولا يخوفج على غالي زلابيا 84 انه ميته خوف من عدم الانجاب صارلي 5 سنوات متزوجه وماباقول نفسيتي تعبانه لانها انهارت أحاول اتزين بالضحك بس الي داخل القلب محد يشوفه الا المحرومات مثلي الله لايحرم اي وحده من الذريه الصالحه الصاحيه

 

[أغصان]

حبيبتي معروفه ان هالطريقه حرام عسى ربي يبعدنا عن الحرام يارب
تعالجي برا باوربا احسن الطب متطور عندهم ولا تسوين هالطريقه المحرمه !!

 

[WaChoCha]

هذا الدكتور مسلم ؟ اشلون ينصحج بالنصيحة هاذي حبيبتي ما يجوز
انا اقول غير دكتورج افضل ولعلمج وحدة من اهلي مبايضها ما كانت تنتج سبحان الله بالعلاج والتنشيط ردت لحالتها الطبيعية
ومثل ما قالو خواتي ..الطب يتطور واذا علاجج بره روحي بره

 

[++The DuchesS++]

اكيييد حرام
تأكدي من كذا دكتور
واشلون يحكم عليج من غير علاج ولا شي

 

[غيـ الناس ـر]

ما يجووووز حرام ..


اذا انتي اتييلج الدوره شلون مبايضج ما تنتج بويضات ؟؟

شكله الدكتور مو صاحي

 

[zalabia84]

مشكوورة حبيبتي على هالدعوه الحلوة وان شاءالله هالسنه تبشرينا بحملج ولا تحاتين يا قلبي بنت خالتي هذي 5 سنين ما حملت وسبحانك يااارب هالسنه حملت خلي ايمانج بالله قوي وو توكلي على الله بكل شي وربج ما راح يردج يا قلبي

 

[@حوريه86@]

اكيد حبيبتي حرام وما يجوز لان البويضات مولج والجينات مولج ولا من صلبج وتدرين هذا الدكتور لو تشتكين عليه يتبهذل ويمكن يسحبون شهادته بعد الكلام مو هين والله هذا لعب بالانساب وما كو شي عند الله بعيد روحي حق دكتور ثاني والله يرزقج باحلى ذريه وتغيرين عيونج فيهم قولي اميييييييييييييييييييييين

 

[$غــ(ز)ــل$]

الطريقة هذي حرام مثل ماقالوا البنات
غيري الدكتور وتوكلي على الله
وان شاااءالله ربي يرزقج عاجلا غير آجل

 

[madam_cake]

حبيبتي هذا الدكتوور شكلة مايفتهم وبعدين انتي الدورة اتييلج اشلون مبايضج ماتنتج

وااااااااي شهالدكتوور بصراحة رفع ضغطي روحي حق دكتورة معروفة احسن لج من هالكلام الفاضي اللي يقوولة

وبعدين حرام تسوينها لانها حراااام ومايجوووز

 

[sara_77]

هالطريقه حرام ويعتبر زنا استغفرالله من الزوج

 

[بيوتي]

ديري بالج ....

موو معقوولـهـ .... هالدكتوور مو صااحي ...

انتي ماتشوفين الافلام الاجنبيه ....زاللي ماتبي تخررب جسمها تعطي وحده من صديقاتها جنية البويضه وتكون الحاضنه لها

 

[miss_uk]

حرام اللي اعرفة لانها لعب بالانساب مثل ما قالو؟؟؟

تخيلي انج رحتي وسوييتيها وانا رحت وهم سويتها من نفس المرأة

انا ولدت وانتي ولدتي انا يبت ولد وانتي بنت؟؟؟ تخيلي بعد 20 تزوجوا؟؟؟؟؟؟؟؟؟؟؟؟؟؟شنو تقولين؟؟؟ وها ترا صارت بأمريكا انة اثنين متزوجين طلعوا اخوان لأن من نفس الام المتبرعه

 

[توتة البسكوتة]

استغفر الله لا يبا شيلي هالفكره من راسج وغيري الدكتور وعليج بالرقيه الشرعيه وسورة البقره وربي بيرزقج ذريه من صلبج ان شالله الله ينولج اللي ببالج حبيبتي ويرزق كل محرووومه يارب

 

["*آآآنؤؤؤقهـ*"]

اذكري ربج .. مايجوز والمفروض انتي تفهمينهاا حراااااااااام
أنصحج اخذي منشطات انا بنت خالي بويضاتها صفر وتعالج بالمنشطات
روح لدكتووره زينه واستمري معاهااااا.. الله الله يرزقج

 

[*-زينه-*]

حبيبتي حررررررررام الان هذا الجنين مو من نطفتج و ترى هل حجي حرااام عند الشيعه و السنه ماعليج منه

 

[رجـــاوي .. }]

ياختي مبينه حراااااااااام ومافي شي بعيد عن ربي اعرفلي وحده ماجيها الدوره وعالجت والحمدالله جابت ثلاث توائم الله يهنيها ويعطيج ماعطاها .

 

[Coffee-Girl]

الله يرزقج ياقلبي وجربي الحجامه ان شالله تنفعج

 

[وجع راس]

حبيبتي هذا خلط أنساب وهذا من الكبائر الله يرزقج وعليج بقيام الليل وسورة البقرة والإستغفار والله كريم