الله يرحمج ياغنيمه/شوفوا اشلون العبوا فيها

[miss_jamsheer]

هاي بنات
والله قاعده اكتبلكم وقلبي يعورنيو دموعي اربع اربع قعدت ابجي جنه عندي ميت
حطوا عالوطن ياهل عمرها سنه و5شهور اهي توام مع اختها مادري اشفيها دخلوها المستشفى بيسوون لها اشعه او شي جذي ومايبونها تتحرك فخدرونها وياليتهم ماخدروها ماقامت البنت من البنج وادخلت بغيبوبه بعدها قامت ولاماتشوف وايدها بدعها صارت سوده وورمت قالوا لازم يبترون ايدها اهلها مارضوا ودوها المانيا بس قصوا اطراف اصابعها لانه خاسوا يقولون مامنهم فايده وغيروا جلده ايدها خذوا من جلده راسها وحطوا على ايدها وااااااااي والله بنات موقادره قاعده ابجي واخر شي بعد العمليه البنت قامت ولاتموت وااااااااااااااااي اهنيه صج صج احس انهرت حطوها بالكفن والله ملاك تهبل واااااااااااااااي قلبي عورني حيل حستها بنتي وااااااااااااي والله ودي اقعد ولدي اسمالله عليه واقعد امله حيييييييييل الله لايحطكم بهالموقف ولايحطنا معاكم والله مااقول الا الله يصبر قلب امها وابوها ولا حطوا اختها الكبيره حبيبتي اتقول انا كله اقرالها قصه اهي غنيمه توام مع فاطمه جنه اسمها اختها التوام وقااااامت تبجي ياحياتي اللع يصبر قلبهم ووزاره الصحه موراضيه تتحرك اتقول اسرار مريض

اعذروني بنات طولت بس صج قلبي عورني باجر شوفوها عالوطن بلاس تقريبا 3 وشي

 

[Miss.6Mo7]

اي شفت الحلقة وشفت إبتسآمتهـآ وهي بالكفن , الله يصبر قلب أهلهـآ , النآس تروح للمستشفيآت تتعآلج وتطلع من هالمستشفيآت على المقبره , بعرف لو إهيآ بنت عضو والا وزير والا .. والا .. ؟ هم بيقولون أسرآر مريض !!

وأي أسرآر يتحجون عنهآ .. إذا العآيله كلهـآ بـ التي في طآلعيين .. وأختهآ المسكينة لمآ تقول ( أبيهــآآ , أبـي غنيمـة ) شذنبهـآ ؟ , عشآن غلطة طبيب ؟

بس والله , ربي رحمهـآ يوم خذآ روحهـآ ولآ تعيش جذي .. وحسبي الله ونعم الوكيل​

 

[FOZQ8]

انا مت وحسيت انها شلعت قلبي وصورتها بالكفن واهيا مبتسمه حسستني الدنيا ما تسوا
الله يعين اهلها واااااي ياقلب امها وحسبي الله ونعم الوكيل على من كان السبب

 

[كويتية و عتيبية]

الله يرحمها ويصبر أهلهااا ..

 

[ام سعودي باشا]

الله يرحمها واموات المسلمين حسبي الله ونعم الوكيل الله يصبر اهلها

 

[** باربي **]

يا بعد عمري بروحي انا على طريف
اشوة اني ما شفتها انا ورب الكعبه امس بجيت عالطفل ايوب الي بالعراق الي مرت ابوة معذبته وشاقه جسمه تشقق
وقاطينه فوق السطح ينام وما اشبعت الا لمن خنقته واطلعت روحه البريئه بين ايدينها الفاجره الظالمه الله يعذبج يارب دنيا واخره
ورب الكعبه امس بجيت عليه بحرقه ومبين صوب صدره شاقينه ومخيطينه وويهه مورم ياحبيبي اذا شايفه الموضوع
وذكرت الحين بعد الابو السوري المجرم الي غرق اربع اعياله مع الصور
عاد انا كلش ولا اليهال صج قمت احس انه الدنيا وصخه ودنيئه والله حتى وانا طالعه اليوم سرحت افكر فيه مقهوورة عليه
قلت حق ريلي اتوقع شيسون فيها اهيا وابوة المجرمين قالي عذابات برد قلبي شوي عاد جان زين يسونه فيها صج

 

[حور الروقي]

حسبي الله ونعم الوكيل


بشوف الاعاده

 

[Miss Cherry]

صج تعور القلب

الله يرحمها برحمته ويجازي اللي كان السبب .. ارواح الناس لعبة بيدينهم ووزارة الصحة تغطي على اطبتها .. غير هالبنت واجد مثل قصصها والاحطاء الطبية بالكويت حدث ولا حرج بس شنو سووت وزارة الصحة جيدين بس يتكتمون ويدافعون عن دكاترتهم اقول الدكتور اللي يغلط وينه ضميره ووين اخلاقه المهنية ما يخاف الله ما يعترف بذنبه عشان ما تبقى برقبته يوم القيامة بس يويلهم من الله

قبل جم يوم كاتبين بالجريدة انه بالمانيا سوو احصائيات ووطلعوا بانه سنويـًا يموت فوق الـ 17 ألف مريض من الأخطاء الطبية وتشمل هالاخطاء سوء رعاية او تشخيص خطأ او علاج خطأ وغيرها يعني حتى على سوء الرعايا الصحية بالمريض ممكن تخليه حالته تنتكس ويموت ولو انه محصل عناية واهتمام إلى جانب العلاج بيتحسن .. قلت الله 17 الف مريض سنويا يموت بالمانيا من سوء الرعايا الصحية ياليتهم بس يجون مستشفياتنا ويسوون نفس هالاحصائية ظنتي بيكرهون مهنة الطب بعدها

انا عندي معاقة وقعدتي بالمستشفيات اكثر من البيت والله شقول وشخلي عن مستشفياتنا الوضع مزري .. سبحان الله مريضتي لا طلعت البيت حالتها احسن بواجد من الفترة اللي تتنومها فيها بالمستشفى ماكو رعايا ولا اهتمام والاغلاط ليما الراس وتتشتكي لمنو الوزير مسكر بابه وكل مسئوول مسكر بابه بوجهك ... انا مقدمه طلب مقابلة وزير الصحة بمكتبة من شهر 8 اللي طاف يعني من 10 شهور ليما الحين ما فضا حشى بقابل أوباما

ماقول الا حسبي الله ونعم الوكيل حسبي الله ونعم الوكيل .. والله لا يحدنا على مستشفياتنا ولا اطبتنا .. قلبي متروس والله مايحس بالمريض الا اللي عانا وشاف وجابل مريض

 

[^^ المشاغبه ^^]

الــــــله يحـــــــــــرمـــــــهـــآآ ويغفـــــــــــر لهـــــا ولجمـــــــــــيع المســـــــــلميـــــن يــــارب:yaaaaaarb:

ويصبـــــــــر اهلـــــــــهاا


انـــــا هـــم تعـــــــــــــذبت لــــــمن شفــــــــــهاا وبجـــــيت عليـــــــــــها :eh_s(2)::eh_s(16): والــــــله يعــــــــين اهـــــلهــــا...

بس ما اقـــــــــــــول الآآ حسـبـــــــي الــــــله ونعــــــــم الوكـــــــيل :0bee2e8d89:

 

[جماااانة]

الله يرحمهاا ويصبر اهلهااا

 

[دلوعه دجــه]

الله يصبر اهلها ياااااااااارب
ويعوضهم خير
بس ماشفتهااا والله
وهاالايام ذبحتنا الاخطأ الطبيه
الله يكفينا الشر

 

[شمحووطة]

حسبي الله ونعم الوكيل ربي ينتقم من الي كان السبب
والله امس بجيت عليها وعلى اهلها ما جاني النوم
كل شوي اطل على عيالي
الله لا يورينا غلاهم
البي بايع نفسه يروح مستشفيات الكويت
والله احنا ما نروح الا الخاص نخاف من الي نشوفه خصوصا بعد امي حبيبتي
انشلت رايحه مستشفى الاميري تمشي على رجولها تشكي من اذنها طلعت منها على دراجه والسبب دواء غلط
حسبي الله ونعم الوكيل

 

[هاناا]

شفتها


قطعت قلبي

الله يرحمها

و يصبر اهلها

 

[نـ(المطيري)ـازكـ]

الله يرحمها ويصبر اهلها

 

[::كيك وعسل::]

حسبي الله عليهم
شفت الحلقه وقعد ابجي من الحره
امحق ديره
...

 

[(( انفوي ))]

:0bee2e8d89:حسبي الله ونعم الوكيل الله يرحمها ويصبر اهلها ان شاء الله