الله يخلييكم ساعدوني اصير ام

[hudaoq]

السلام عليكم ورحمة الله وبركاته
ياحبايبي ياكويتيات و با كل وحده لها قلب و احساس و تعرف معنى الامومة
ابي اصير ام و ماني عارفة اشلون تكفون اذا تعرفون وحدة عندها مشكلة في الغدة النخامية وماتزورها الدورة الشهرية ( عزكم الله )الا بحبوب و عندها عيال دلوني عليها يرحم والديكم و يخليلكم عيالكم لان هاذي مشكلتي الازلية اللي مو لاقيه لها حل
تكفــــــــــــــون ساعدوني اصير ام :krkrkr:ولا زوجي راح يتزوج علي يعني افلس من الزوج و العيال

 

[عروس الدنيا]

جيكي الخاص حبيبتي

 

[عروووب99]

والله ماعرف بس حبيتادعيلك وان شاءالله الله بيرزقك بالعيال واستعينى بالله اهم شى

 

[hudaoq]

:aha::e3:::مشكووورة يا عرووب على الدعاء وهذا العشم يالغالية
والحبيبة عرووس الحزن مشكورة مشكوورة مشكووووره وايد على الامل اللي عطيتيني اياه تراني مثل الغريق اللي لقاله حبل يتعلق فيه تكفين الغالية وصليني للي تعرفينها بلييييز اكيد اهي عاشت معاناتي وحاسه فيني ابي بس افهم منها الموضوع عدل وانشالله اشوف الخير على ايدج ويكون في ميزان حسناتج وعساها دفعت بلى عنج و عن والدينج
ويارب يااارب يقوم الوالد بالسلامة و يضل الخيمة اللي تظلل عليكم على طول

 

[أحلى عيون]

والله يالغاليه ربي يرزقج بالضنا عاجلا وليس اجلا ويخلي لج ريلج ولا يشوف غيرج بعيال ولا من غير عيال

شوفي حبوبه انا الحمدلله مافيني شي بس انه عندي ضعف تبويض وبصراحه شوي متينه وبعدين قعدت تقريبا 8 سنوات اعالج بالكويت ولا فيه فايده والحمدلله ربي رزقني الحمل يوم سافرت الى الاردن وسويت عمليه اطفال انابيب

انصحج تسافرين واذا ما تقدرين روحي لمستشفى الصباح قسم اطفال الانابيب حاولي تراجعين عندهم والله انا سويت رجيم ونزلت وزني لانه قالوا لي اذا تبين تحملين انزلي من وزنج ونزلت تقريبا 15 كيلوا وربي رزقني بالتلقيح الصناعي ببنتي


الله يخليهم لي يارب واشوف اخوانهم


اختي الغاليه انا مثلج ما تجيني الدوره الا ليما اكل حبوب تنزلها

ولكن ولله الحمد ما يأست عالجت وعالجت وليما ربي رزقني وادعيلي يالغلالا اني اسافر مره ثانيه واسوي العمليه وتنجح لانه ثاني مره سويت وحملت واجهضت وربي ماكمل لي الحمل

ادعيلي ربي يرزقني بالتوأم بس اروح اسوي مره ثالثه بالاردن

والله وايد بنات راسلوني يبون عنوان الدكتور والله البنات يرسلون لي رساله خاصه ويدعون لي اني قلتلهم روحوا للاردن وعند الدكتور والحمدلله كلهم حوامل الله يرزقهم


صدقيني لا تيأسين واصبري انا صبرت 13 سنه

 

[hudaoq]

والله كلامج يريح يازهرة الربيع عسى ايامج كلها ربيع ويخليلج اللي عندج ويزيدهم يارب ويكثرهم و يصلحهم و يعطيج و يعطيني و يعطي كل من يبي الضنى الصالح يارب بس منو دكتورج اللي بالاردن وانشالله نتلاقى انا وياج هناك ونرجع حوامل باذن اللي عينه ماتنام

 

[القطانيه]

حبيبت قلبي سبحان من يختبرنا وانا فاهمه شعوورج الاني محروومه مثلج من 5 سنيين زوااج وسبب تكيس المباايض حطي املك بالله وكثري الاستغفاار والله ابصر بعبااده وكلي ربج ولاتقوليين ملييت احتسبي الاجر ومنو فيينا مايبي الاجر الله يرزقنا وياج الذريه الي تقر اعيونا فييها يارب
والرحمن مايبتلي الا من يحبه سبحانك ياربي والله يشهد حاسه بمعاناتج بس ماكو باليد شيء الله كريم ويارب البات يفيدوونج بعلالاج وشافييج وعافييج رب العالميين ودايما قوولي يارب تجعلني من الصابرين الراضيين وقولي هذا الدعااء "اللهم اني استغفرك استغفارا فرسل علي السمااء مدراراا وارزقني بامواال وبينيين وارزقني جناات وانهار اللهم ارزقني وقاارك " سبحانك يارب
الله يرزقج حبيبتي وفوضي امرج لله
علينا الجهد وعلى الله التكلالان

 

[PINK*LIPS 81]

الله يرزقج يا حبيبتي ويرزق كل محرووومه انشالله ويرزقني معاهم الذريه الصالحه ....... قولوووو آمييييييييييييييييييين

 

[hudaoq]

الحمدلللللللللله على كل حال

:denya::blueSmCLR::blueSmCLR::blueSmCLR::blueSmCLR::blueSmCLR:حبايبي القطانية و بنك لبس كلامكم على العين و الراس و احنا مالنا غنى عن رب العالمين اذا كتب الشي يصير واذا الله ماكتب الحمدلله على كل حال
بس لازم نسعى و ندور هاذي اموووومه مو اي شي ثاني هاذي اساس المرأه من غيرها ما نعيشش
الحمدلله على كل شي بالأول و الاخير الحمدالله عالصحة والعافية
و يارب ياارب يااااارب ( رفعوا ايدينكم معاي و قولوا ) يارب ياحبيبي ارزقنا كما رزقت نبيك زكريا عليه السلام بالذرية الصالحة
و لاتذرني فردا وانت خير الوارثين يارب العالمين ياكريم يارحيم ياسميع يابصير بعبادك :blueSmCLR::blueSmCLR::blueSmCLR::blueSmCLR::blueSmCLR:

 

[TeAcHeR_BeZaRiN]

انا اعرف وحدة نفس مشكلتج والحين عندها 2 ما شاء لله كانت اتعالج عند الدكتور احمد الا نصاري

السالمية شارع سالم المبارك قرب بيت الزكاه 5650666_ 5658888

اهو متخصص غدد ومساعدة الانجاب

وكثري استغفاااااااااااااااااار

 

[hudaoq]

حبيبتي كويتية اللي تقول عن الدكتوراحمد الانصاري اكيد اللي تعرفينها مشكلتها الغدة النخامية ماتشتغل و ماتزورها الدورة ابدا الا بحبوب ؟؟ وبعدين جم صارلها و اهي تعالج عند هالدكتور
بلييييز :yaaaaaarb::yaaaaaarb:ردي علي بسرعة ضرووري وانا اتعالج الحين عند الدكتور سمير الشمري مال غدد في دار الشفا:eh_s(6)::eh_s(6)::eh_s(6):

 

[عروس الدنيا]

اقول حبيبتي عادي ادز لج ايميلي و اكلمج على الماسنجر ؟؟؟ انا قلت لج انها نفس حالتج ... بالضبط

 

[hudaoq]

:klhfl: مراحب عرووس الحزن
عزيزتي الغالية مشكورة عالتواصل و هاذي الهقوة فيكم يابنات احلى ديرة
بس انا يديدة عالنت عندي ايميل بس مالي بسوالف الماسنجر و لا اعرف له
ساعديني اشلون اتواصل معاج حبوبة:33_1185028183::33_1185028183::33_1185028183::33_1185028183:

 

[عروس الدنيا]

عيل ما ينفع .... انا بدز لج رساله عل خاص
و خلينا نتواصل بالرسايل عل خاص ؟؟؟ اوكي ؟

 

[طم طم]

قولى آمييييييييييييييييييييييييييييييين عسى الله يرزقنا جميعااا ان شاء الله والله عورتى قلبى فى هالعنوان وان شاء الله تصيرين أم واناديج فى ام فلالالان انا وياج فى سنه وحده وكل محرومه يا رب قولى امين

 

[ملاك-77]

الله يرزقج يا حبيبتي ويرزق كل محرووومه انشالله ويرزقني معاهم الذريه الصالحه ....... قولوووو آمييييييييييييييييييين

 

[مرقوقه]

الله انشالله يرزقج بعيال ويعطيج على قد نيتج وناس واايد يقعدون بالسنين ماييبون عيال وبعدين الله يرزقهم وانشالللله اللله يرزقج ياارب

 

[hudaoq]

:hjy5jewf::hjy5jewf: حبايبي والله الغالين ردكم ودعواتكم تثلج الصدر وهذا اللي نبيه منكم ماقصرتوا
مرقوقه و ملاك77 و طم طم الله برزقكم ويرزقنا باليهال ونسمعهم بقولون لنا يممممه وماما و امي وبأي لغة كانت بس المهم نسمعها
يارب لا تحرمنا من هالكلمة و تقر عيونا بشوفتهم تكفون قولوا آمييييييييييييييين

وحبيبتي عروس الحزن نفس الشي سوووه فيني بالنسبه للوراثة عالعموم انا مااقدر ادزلج بالخاص لين اكمل 20 مشاركة
بحاول اوصل ال20 بسرعة عشان نتواصل عالخاص اوكي حبوبة ... لاتخليني :sfg::stars::stars::stars::stars::stars:

 

[PINK*LIPS 81]

حبيبتي hudaoq جيكي على الخاص

 

[hudaoq]

[B] بنك ليبس ياعسل تسلميلي ياقلبي و ماقصرتي
وفعلا كلام رسولنا الكريم كله ينفع
طرشيلي الرقم والله يكتب لي و يكتبلج ولكل وحدة الذرية الصالحة ناطرتج الغالية لاتطولين علينا [/:tek::tek:COLOR][/B]:tek: