الله يخليكم الله يخليكم مو قادره من العوار ساعدوني

[Kuwait]

بنات انا من فتره طحت



ويت الطيحه على ظهري وصار عندي تشنج بالعضلات حسب كلام الدكتور


وماخليت الرازي درت عليهم
واخر شي صفيت عالهادي دكتور حسام ودكتور تشيكي جنه
المهم
عطاني حبوب اسمه لييكرا
ارتحت عليهم بس يومين اهدهم يرد العوار
وانا ابي علاج مابي مهدي قضض معدتي
الحين انا صارتلي ظروف وشغل واضطريت اتحرك والله الحين احس بيتقطع ظهري
ابي لزقات زينه
ودكتور زين
او علاج شعبي
مو قادره
ابي اي حل يذبح عوار الظهر
ابجي من عوار ظهري
ياربي ابي دكتور زين :yaaaaaarb:
المشكله قالولي ماله حل الا ابره واخر شي وافقت
قالي بالهادي اسبوعين شهر ويرد العوار والابره مو هينه وبنج !


ياربي لك الحمد والشكر على كل حال بس ساعدوني اروح لمنو ؟؟

 

[الاسطورية]

ياحبيبتي عورتي قلبي
عوار الظهر جايد امي عندها ديسك وتعاني من طيحه عالدري
والحين اهي تعالج بمصر بس ماحسيته وايد زين
وتاخذ كل فتره ابره الظهر

يمدحون التشيك حق الظهر اذا في مجال تسافرين تسوين علاج طبيعي هناك
ماقالولج شي عن العلاج الطبيعي؟

الله يشفيج يارب

 

[مريوما الحلوه]

انا اعالج الحين بعيده السعيد بعماره اطباء النقره الشمالي خوش دكتور اخذي موعد وقوليله مشكلتج اذا عندج اشعه راويه

 

[موت الحمر]

استعمل لزقة الاسد ان شاء الله ترتاح منها

 

[Kuwait]

ياحبيبتي عورتي قلبي
عوار الظهر جايد امي عندها ديسك وتعاني من طيحه عالدري
والحين اهي تعالج بمصر بس ماحسيته وايد زين
وتاخذ كل فتره ابره الظهر

يمدحون التشيك حق الظهر اذا في مجال تسافرين تسوين علاج طبيعي هناك
ماقالولج شي عن العلاج الطبيعي؟

الله يشفيج يارب

والله الحين مو ويه سفره كلش
الله يشفي امج يارب
طمنيني عنج شلونج ان شاءالله احسن

 

[Kuwait]

انا اعالج الحين بعيده السعيد بعماره اطباء النقره الشمالي خوش دكتور اخذي موعد وقوليله مشكلتج اذا عندج اشعه راويه

يعني وايد شاطر ؟
انا اقرى اسمه وانا ماره عالشارع

 

[Kuwait]

استعمل لزقة الاسد ان شاء الله ترتاح منها

اي حطينها
ذبحني العوار مو قادره
مشكووووره
مشكورين كلكم
:yaaaaaarb:

 

[الغاليه نونو]

شووفيي ياقلبيروحي الحواي وجربي هالشغله اخذيها منه وانشاءالله تفيدج


عنده شي يبيعه اسمه قرص كمر او قمر يصير لونه مثل الكستنه من بره وابيض من داخل تقشرينه وتطحنينه يصير مثل البودر بسأل لج امي اشلون يستعملونه واقوول لج بس وايد زين والله ويمدحونه سألي الحواي يعلمج طريقة استعماله اذااا انا نسيت سبحان الله ذكريني بالخاص

واشتري شغله يبيعها بعد اسمها موميا بقرشه صغيره واهو عباره عن دهن للظهر وحده اب وحده

عسا الله ينفعج فيهم ويشفيج ربي اللي ماتنام عينه

 

[Kuwait]

الغاليه نونو مشكووووووووووره وايد طيران باجر
مافي مجال
بطرش السايق اييب ماقدر اسوق اصلا ابي ارتاح تعبانه
قرص القمر
بغيت اكتبها توني بالورقه قرص عقيلي ههههههه

 

[AL Aristocraticya]

في دكتور اسمه غريب ابدار الشفا معروف وايد شاطر ناسيه اسمه اسمه غلج اشوي علشان جذيه نسيته بس وايد شاطر روحي له

واستخدمي المراهم المسكنه من طقت روبيكالم وعندج حبوب ماسكدول مسكن لالام العضلات مدام عندج تشنج بالعضلات ومطارت الماي الحار حطيها مكان العوار اترخي التشنج و امممم شنو بعد يااربي اللزقات الحراريه بالصيدليه مترووسين اختاري النوع اللي فيه احروره اشوي زين يريح


وبس هذا اللي اقدر افيدج فيه وماتشوفين شر

 

[شندوخه]

ذكرتيني بامي تستخدم لزقه ايبونها من الصين عشانها تهديها وتلين عليها عضلاتها
انا مو عارفه الاسم بس خل اسالها عن الاسم ولو اني بالكويت والله ادزلج منهم من عيوني

 

[Kuwait]

في دكتور اسمه غريب ابدار الشفا معروف وايد شاطر ناسيه اسمه اسمه غلج اشوي علشان جذيه نسيته بس وايد شاطر روحي له

واستخدمي المراهم المسكنه من طقت روبيكالم وعندج حبوب ماسكدول مسكن لالام العضلات مدام عندج تشنج بالعضلات ومطارت الماي الحار حطيها مكان العوار اترخي التشنج و امممم شنو بعد يااربي اللزقات الحراريه بالصيدليه مترووسين اختاري النوع اللي فيه احروره اشوي زين يريح


وبس هذا اللي اقدر افيدج فيه وماتشوفين شر

اي الحين انا حاطه مطاره
ونومتي استغفر الله لوعه امس مت
الدكتور اسمه التنيب ؟؟

 

[Kuwait]

ذكرتيني بامي تستخدم لزقه ايبونها من الصين عشانها تهديها وتلين عليها عضلاتها
انا مو عارفه الاسم بس خل اسالها عن الاسم ولو اني بالكويت والله ادزلج منهم من عيوني

تسلم عيونج والله يردج بالسلامه :yaaaaaarb:

 

[ii DareeN ii]

ماتشوفين شر روحي حق وليد لتنيب وخلج على نصايح الدكتور اي وصفه ممكن تزيد المج ماتريحج

 

[Kuwait]

ماتشوفين شر روحي حق وليد لتنيب وخلج على نصايح الدكتور اي وصفه ممكن تزيد المج ماتريحج

الشر ماييج
وايد يمدحون هالدكتور قررت اني باجر باذن الله احجز عنده موعد
اقرب موعد واروح:RoadRunner:
مو قادره اتحمل العوار
اختي دارين انتي لج تجربه معاه ؟ اسم الله عليج او اي وحده تعرفينها وطابت ؟
يقولون الام الظهر تخف ماتروح:080402ask_prv:

 

[sKyLiTeGirL]

ماتشوفين شر ان شاء الله

شوفى دكتور سامر بالمواساه ماشاء الله عليه شاطر

الله يشفيج ويعافيج

 

[حبيبته آنا]

سلامات وماتشوفين شر حبيبتي
روحي للدكتور علي المكيمي وااايد زين للعظام وهم اكو دكتور اسمه وليد التنيب بدار الشفا وايد يمدحونه

 

[Kuwait]

ماتشوفين شر ان شاء الله

شوفى دكتور سامر بالمواساه ماشاء الله عليه شاطر

الله يشفيج ويعافيج

الشر ماييج
ابشرج اليوم دبغت على ايدي مكسوره وظهري اللي ماتحرك
وركبي طشر دمهم وماده ريلي منلتبه مو قادره اتحرك
الحمد والشكر لله :yaaaaaarb:

 

[Kuwait]

سلامات وماتشوفين شر حبيبتي
روحي للدكتور علي المكيمي وااايد زين للعظام وهم اكو دكتور اسمه وليد التنيب بدار الشفا وايد يمدحونه

والله نويت على دار الشفا بس االيوم طحت ودخت مع الطيحه تعبتني وايد باجر اطلب موعد ان شاءالله

 

[math2020]

ياالله ما اتشوفين شر حبيبتي