الله يجزاها خير

[jawaa]

بنات اليوم رحت البيطري اودي قطوتي ولقيت بالبيطري قطوه صغيره يمكن خمس اشهر عمرها موضوعها ان صاحبت القطوه يابتها بتشوف شفيها طلع فيها فطريات الله يسامحها صاحبتها قطتها وراحت ماطاوعني قلبي اخليها تعور القلب وتينن بيضه وعيونها زرق وويها شوي مفقوص لي داخل تهبل بصراحه خذيتها وبعد شوي بروح حق المره اللي حاطين السايت مالها هني البنات عندها ادويه باخذ الحبوب والكريم والمطهر مال الجو لان عندي ثلاث قطاوه وجلب وعندي ولدي عمره سنه وانا ساكنه بشقه صغيره ماعندي مكان اقدر افصلها حاليا حاطتها بقفص بس بتوصخ وتبي مكان نظيف بنات بليز الله يجعله بميزان حسناتكم اللي تقدر وعندها مكان بليز وتقدر تاخذها تباشرني انا متكفله بالعلاج كله والدكتوره قالتلي الحبوب احسن شي ومايطول اسبوعين والله لو عندي مكان جان خليتها تينن وتعور القلب بليز

 

[mooon117]

جربي paws وان شاء الله يساعدونج

 

[Qـويتية]

حبيبتي شوفي الملاجئ أو حطيها بصفحة PAWS في الفيس بوك أو صفحة Become A Foster Guardian في الفيس بوك بعد رح تلاقين ناس انشالله وفي ناس رح يساعدونج في العلاج والله يزاج خير انتي صراحة على هالأخلاق العالية والموقف إلي انحطيتي فيه وإلي سويتيه صراحة الله يبيض ويهج وياليت الناس تتعلم من أمثالج والله يوفقج في الدنيا والآخرة ^^

 

[عود ومسك]

جاوا بيضه صك
والا خشمها واطرافها رماديه؟
اذا اطرافها غامجه دزيلي صورتها لان احتمال تكون القطوه لي
في بنت خذت قطوه مني من زمان وتقريبا بنفس العمر وبعد شهر دقت علي البنت تقولي صار بالقطوه فطريات وقلتلها تعالجها واستغربت من وين جاتها فطريات وقلتلها انتي كنتي شاريتلها هدوم اخاف لبستيها وقمتي شعرها
وهم كان عندهم قطو مريض والظاهر ما تنظف مكانها وتعادت منها
فا اذا نفس وصفي مستعده اخذها لان امها وابوها موجودين عندي

 

[ربي رجوتك]

الله يكثر من امثالك
عود ومسك الله يقويك ياقلبي عساها تطلع هى حبيبتي تحتاج للعنايه والحب والغذاء ياربي وش هالناس اللى مافيها رحمه

 

[jawaa]

تسلمون بنات عالردود بس مافهمت ولا شي من اللي قلتو يريت توضحون وعلى فكره اليوم رحت حق اللي عندها ادويه وشريت كل شي تحتاجه سبراي وحبوب وشامبو وبودره واليوم سبحتها وصارت تينن ومافيها وايد بس صوب رقبتها انشالله الله يقدرني واعالجها بس مشكلتي بولدي وان ماعندي مكان بنات وضحولي مافهمت شسوي
وبالنسبه مسك حبيبتي بصراحه القطوه حسيت صوب بوزها اغمج من لونها الابيض مادري بيج ولا شنو مادري اذا تبين ضيفء بالوتس اب وادزلج صورتها

 

[عود ومسك]

دزيلي رقمج جاوا

 

[نمله معضله]

يا حراام … عسى تشفىٰ ان شاء الله

 

[Doduii]

انشالله تلقين احد يأخذها منج
بخصوص عود ومسك أنا خذيت قطوه منج
واهي للحين عندي وين قاعدين اقطها
وتدرين شريت حق قطوه كل شي يديد
وعالجتها في مستشفى دولي.
والحين مافيها شي

 

[عود ومسك]

انشالله تلقين احد يأخذها منج
بخصوص عود ومسك أنا خذيت قطوه منج
واهي للحين عندي وين قاعدين اقطها
وتدرين شريت حق قطوه كل شي يديد
وعالجتها في مستشفى دولي.
والحين مافيها شي

ونعم فيج وست انعام يادودي
حبيبتي انا قلت (احتمال )ما قلت اكيد
لان في بنات مثل هالبنت ممكن يسوونها
شكثر بنات سوو هالحركه خذو قطاوه وتعبو من العلاج وتالي قطوهم بالبيطري
فا انا ما قصدت اي اساءه لج :eh_s(7):

 

[مزيوونة]

جزاچ الله خير وبميزان حسناتج ان شاء الله بس اللي قطتها يعني ما تبيهااا ؟؟

ان شاء الله تلقين احد ياخذها يربيها