الله يجزاها خير اللي تساعدني,,

[@حور البحور@]

السلام عليكم ورحمة الله وبركاته

:68_asmilies-com:

بنات ممكن تساعدوني في مشكلة رفيجتي اللي أعتبرها أكثر من أخت:friends:......>مشكلتها أنها تعاني من هرمون الحليب
وأهيا مو متزوجه ودورتها كلش مومنتظمه الله يكرمكم تخيلو سنه كامله ماتنزلها الدوره ودايما تبجي من عوار صدرها أمها الله يخليها لها أنشالله ودتها طبيبه النساءوسولها تحاليل منها الغده الدرقيه وسونار للمبايض فطلع عندها هرمون الحليب مرتفع وشوي ضعف في المبايض من سبت الهرمون فدكتورتها قالت مانقدر نصرفلج دواء لأنج مومتزوجه
لما تتزوجين تعاليلنا فبقيت تنصحوني بأعشاب تخفف الهرمون ودي أساعدها فيها فالعشبه لها أضرار أو لا كونه مومتزوجه,,,,
وأسفه على الأطاله ........>تدرون ودي أكسب فيها أجر

 

[املاك ss وافي]

هلا اختي صراحه ودي اساعدج بس ليش ماتروحين لموقع الدكتور جابر القحطاني سوي بحث بقوقل اوالدكتور عبد الباسط السيد حيل الناس يمدحونهم وانا دايم اذا احتجت شي اروح واستشير واشوف الاعشاب المضر والنافعه حتى مره سالت عن علاج مرض عن طريق البحث بقوقل وطلعلي كل العلاجات سووي زي طريقتي ولما تسألين دكتور احسن من الناس جربي والله يشفيها

 

[ورده بنفسجيه]

ما يصير لازم فيه حل خل تسأل في دكتوره بالصباح ذمه وتخاف ربها اهي تقعد يوم الثلاثاء غرفه 12 دكتوره اسيا ما شاء الله عليها

واذا اهي تبع الصباح تاخذ تحويل وتروح واذا ما اقدرت عندج دكتوره فوزيه القطان هم ممتازه مكانها جدام نادي القادسيه الشارع المقابل

بجانب الفندق اول كان اسمه المنتزه واذا ضيعتي رقمها بالجريده

لان مو معقوله البنات اذا فيهم التهابات لهم علاج شلون عيل سالفة صديقتج اكيد سهله والله المستعان وما تشوف شر ان شاء الله

 

[مس دندون]

والله يا اختي ما عندي
فكره بس ماحبيت اطلع من دون رد

الله يشافيها يارب
وطمنينا عليها​

 

[د-سوسه]

الله يشافيها ويطمنج عليها بس ماعليت من هالدكتوره اشدعوه احنا موبالعصر الحجري عشان ماكو علاج

 

[لحظة صمت!]

والله اختي ياليت اقدر افيدك..بس حبيت ادعي لها ان الله يشفيها..تمنياتي لك ولها بالتوفيق والصحه..

 

[@حور البحور@]

مشكورين أخواتي وحبيباتي على مساعدتكم ودعائكم >>>والله يشافي مرضانا ومرضى المسلمين
اللهم آمين,,,,