اللهم لا اعتراض .. ساعدوني

[_زينه_]

السلام عليكم

بنات انا اليوم صارلي اسبوع والده

ولدت قيصري وياربي لك الحمد

بسألكم اقدر ارضع وانا اكل مضاد حيوي ؟؟

وشلون بوخر الكرش لان بطني صاير جنه حامل بالشهر الخامس !!

وفوق هذا المس بطني حيييييييييل رخووو يخرع


ابي شي اسويه او اكله يوخر الكرش يرد جسمي طبيعي

اخاف ماتروح هالكرشه

ساعدوني الله يجزاكم خير:eh_s(2)::eh_s(2)::eh_s(2):

 

[_زينه_]

ابــــــــ

 

[MissChoco]

الحمدالله عالسلامه ومبروك مايبتي

لا تلعبين بروحج انتي قيصري مو زين ،،

بس اذا حصلتي شي يوخر الكرش نصيحه روحي استشيري دكتورتج متى تاكلينهم


وان شاء الله البنات يفيدونج

 

[_زينه_]

الله يبارك فيج مس كوكو

انا ما اقصد حبوب او كريمات لا يمااا اخاف اغامر

اقصد اربط بطني ولا شنوووو

لان معاي وحده بالدوام مشالله ماكو كرش

 

[كميثره]

مبرووووك ما ياج يتربي بعزج يااااااارب

الكرشه تروح بعد 6 شهور ان شاء الله

واعتقد اذا تاخذين مضاد ما يصير ترضعين والله اعلم سالي دكتورتج

 

[Diva-Q8]

رد : اللهم لا اعتراض .. ساعدوني

اللي اعرفه مايصير تاكلين مضاد حيوي وترضعين وسألي طبيبتج قوليلها اسم المضاد اهي تقولج اذا يدر بالحليب او لأ

والبطن هذي مشكلة القيصرية ماتقدرين تربطين ولا تمشين بكثره عشان الجرح

بس اكلي كلا مشويات ولاتاكلين عيش والخبز وقفي بكل انواعه فقط (خبز بذرة الكتان) مايمتن وينصحون في

الحمدالله على سلامتج ومبروك ما ياج

 

[ام زاكي]

عادي حبيبتي الكرش يروح توج والد لازم يصير في سوائل بالجسم ويبيلها فتره على مايرجع جسمج مثل قبل انشالله كلها اسبوعين ثلاثه وبتلاحضين الفرق اما عن المضاد سئلي تكتورتج واتقع عادي لانه اهم يدرون انج بترضعين فما اتوقع راح يجيبون لج شي يضر الصغير

 

[دآنة آلرشآيده]

ماعندي فكرة عن الولاده القيصريه

 

[@سيدة نفسي@]

أتذكر لما سويت العملية الكرشة بروحهاا راحت بعد 11 شهر بالضبط

ولو انهاا ماكانت كبيرة انتي اذا حاستهاا كبيرة ابدي مشي بعد شهر

ومن تكملين 6 شهور لبسي كورسيه نوعيته ممتازة .. ومن الحين شربي أعشاب

تشيل الكرش مثل الزنجبيل الأخضر والكمون والنعناع والزعتر واليانسون

والحمدلله على سلامتج ومبروك ماجبتي

 

[sharoo_e5]

اول شى حمد لله على سلامتج


وبعدين اكيد المضاد الحيوي الى ماخدتة يصلح للمرضع


وترا الرضاعة تضعف والله وعن تجربة جربي


وطبعا خففى بعد ال 40 فى النشويات والحلويات

 

[sharoo_e5]

اول شى حمد لله على سلامتج


وبعدين اكيد المضاد الحيوي الى ماخدتة يصلح للمرضع


وترا الرضاعة تضعف والله وعن تجربة جربي


وطبعا خففى بعد ال 40 فى النشويات والحلويات

 

[أأأميرة الورد]

رد : اللهم لا اعتراض .. ساعدوني

الحمدلله على سلامتج
والكرشة عادي ان شاء الله تروح
توج والدة