اللهم ارزق كل من ترد علي ما تتمنى يارب

[دلوله123]

السلام عليكم


انا يا بنات محتاره بين :
الدكتوره دلال السالم
الدكتوره ناهده العلي
الدكتوره نزهت اللي بالسلام
الدكتوره نجمه بالسلام

ابي دكتوره شاطره فاهمه صدرها وسيع:eh_s(17):


ومحتاره بالوالده بين السلام و المواساه ابي العنايه

الله يرزق كل من ترد علي بالذريه الصالحه كاملة الخلق و الخلقه

 

[دلوله123]

رفع الله يرفع قدوركم

 

[@سيدة نفسي@]

ماعندي فكرة للأسف ..

 

["*آآآنؤؤؤقهـ*"]

ماعندي فكره

 

[queen92]

اب اب اب

 

[حبيبي مالكني]

ماعندي فكرة بس البنات ما بقصرون

 

[حشمه]

شوفي حبيبتي ماشاء الله كل اللي ذكرتيهم زينين

بس مشكله انتي منو ترتاحين لها ناهده وايد يمدحونها

واعرف وحده والده عندها تقول تعاملج جنه بنتها

وحتى دلال في بنات يمدحونها واعرف ناس ولدو عندها

بس تبين نصيحتي جربي اول روحي حق نجمه او نزهت

بتقولين ليش اقولج انا افضل الدكتوره من المستشفى

لو صار شي الا اهيه قريبه من المستشفى اسهل

من الدكتوره اللي من عياده خارجيه على مايدقون

عليها وعلى ماتيي وتصير العنايه افضل لج لان

السستر يعرفون الدكتوره وهذا رايي شخصي

يمكن في بنات يفضلون من بره المستشفى

وبالنهايه انتي وراحتج النفسيه مع منو من الدكاتره

واما اي مستشفى انا ماجربت الا السلام

عنايتهم زينه بس انا ولدت وطلعت ماطولت عندهم

ثاني يوم طالعه ماقدر امدح واذم وايد

 

[Aloe Vera]

نفس كلام حشمة

بس انا جربت مراجعه وحدة عند دلال السالم ما ارتحت لها مع ان الكل يمدحها
و ناهدة دلال وايد زحمة عليهم النطرة تغث

ماجربت ولادة السلام و لا المواساة
بس كل مستشفى في من يمدح و من يذم

انا جربت رويال حياة مرتين و امدح و غيري ممكن يذم

المهم الراحة النفسية و الاستخارة

روحي زوري المكان شوفي الغرف و الاجنحة و شوفي غرف الولادة
انا زرتً كل مستشفيات الكويت و شفت كل الغرف و الاجنحة و غرف الولادة ماعدا السلام كان ممنوع اشوفهم
و الراشد مافكرت اروحله

المهم بعدها استقريت على رويال حياة و صليت استخارة و الحمدلله ولادتين عندهم سهاله و ان شاء الله بعد هالمرةً عندهم


انصح بطريقتي انج تزورين و تشوفين و تقارنين الاسعار مع الخدمات و جودة الغرف و الادوات وبعدها اذا استقريتي على مكان استخيري و توكلي عالله

 

[سيلينا]

انا جربت ناهده العلي ,, مراجعاتها ترفع الضغط وعيادتها من الناحيه الشكليه حيييل قديمه
مو من النوع الي تطلب تحاليل وخرابيط وانا افضل التحاليل بشكل دوري
بس بالولاده مو طبيعيه انا جربتها 3 مرات الحمدالله سمحه وسلسله بوقت الولاده مع اني ادق عليها بالوقت الضايع بس ماتخليني
ومن ناحية الخياط ممتاااازه وتعاملها وهاديه وقت الولاده مو من النوع الي تشطج او تخرعج ودايما السانها يسمي وتستغفر وتذكرج تدعين تجربتي معاها ولله الحمد من احسن مايكون

المستشفيات ما جربت الا دار الشفا ما اقدر افيدج من ناحيه المستشفيات الله يسهل عليج حبيبتي ويكتب لج الخير

 

[دلوله123]

مشكورين

 

[بشوشه]

يمدحون ناهده بس انا تعودت اولد عند دكتورتي ليلى ابو الليل بالصفاة الامريكي تولد بكل المستشفيات تقريبا و انتي لازم تراجعين عند وحده عشان ترتاحين لها

ربي يهون عليج

 

[فوفو]

ماعندي فكرره الله يسهل ولادتج

 

[Mrs.H]

انا اراجع عند ناهدة واايد زينة بالمراجعات وكنت قبلها عند وحدة ثانية... لما شافت تحاليلي قالتلي اغلب التحاليل ماكان لها داعي ومادري شحقة طالبينها منج >> طبعا تحاليلي غااالية دفعت دم قلبي وهم خذوا مني دم وايد حق مليون تحليل نشغوني

الادوية اللي توصفها رخيييصة وتاخذينها من اي عيادة ومراجعاتها و ولادتها ماتكلف دليل انها مو مادية كلش وحليوة وتعطي من قلب ويمدحون خياطها

بس هم دلال السالم عليها مدح قوووي ويمكن بولادتي الياية ان شاء الله اروحلها والباجي ماعرفهم

انا اخترت ناهدة لان حالتي مو سهلة والعايلة كلها عند ناهدة فتطمنت لها

اما المستشفيات السلام كشخة و كبير وحلو بس زحممممة سواء من الطريج او من داخل بعد قبل لما راجعت عندهم انطر 3 4 ساعات تخيييلي اما ناهدة بالمواعيد فعلى طول تدشين

والمواساة طريجه حلو ومن داخل مو زحمة بس مو كشخة نفس السلام مع انهم اثنينهم اسعارهم غالية

ونصيحة اختاري الاقرب والله يسهل عليج

 

[دلوله123]

مشكووووورين علي الردوووود

 

[cho0ocolate]

مأكولات علي دكتورة أمل عبدالعزيز بعيادات السلااام ادري مؤ كاتبه اسمها بس كتبتلج لسببين اول شئ عشان أاهيا أكثر وحده تسولف و تريحج و تحسينها اختج الكبيرة والسبب الثاني عشان تدعيلي أني ايوب صبي :d

 

[tota77]

كل الاسامي الي حاطتها يمدحونهم البنات ..

بس ماعندي اي فكره عنهم ..

عسى الله يسهل عليج يارب :*

 

[نونا**]

انا جربت ناهده ماانصحج فيها ابدا

دلال والده عندها بنت خلتي تمدحها

و اكو غيرها عندج فوزيه القطان رهييبه