خواتي ,,تذكرت الغالي اللي فقدته وخسرته , تذكرت تفاصيله وتذكرت القصيدة اللي ارسلها اخوي الغالي بعد ما مات الوالد ووحبيت اذكركم ان بهالدنيا الوالد والوالدة أهم بكثير من الزوج,, لاني لاحظت ان المتزوجات يهتمون بزيارة الام لكم احيانا ما تصادفين الوالد فنصيحة مني زوريه حتى لو ما تحصلينه إلا بالقايلة زوريه لان ماراح تحسين بقيمته إلا بعد ما تفقدينه فالمثل يقول : لا تعرف قيمة الملح إلا إذا فقدته و لا قيمة الاب إلا إذا مات.
والله يرحم ابوي ويخليلكم أبهاتكم وامهاتكم ويرحم جميع موتى المسلمين ويرحمنا إذا صرنا إلا ما صاروا إليه :yaaaaaarb:
وأتركم مع القصيدة التي ابكاني أخي بها كثيراَ
واسفة على تجديد حزنكم إذا كنتم فقدتم راس البيت
يابوي ليتك حي وتشوف حالي
والله يرحم ابوي ويخليلكم أبهاتكم وامهاتكم ويرحم جميع موتى المسلمين ويرحمنا إذا صرنا إلا ما صاروا إليه :yaaaaaarb:
وأتركم مع القصيدة التي ابكاني أخي بها كثيراَ
واسفة على تجديد حزنكم إذا كنتم فقدتم راس البيت
يابوي ليتك حي وتشوف حالي
يابـوي ليتـك حـيّ وتشـوف حالـي
تشوف وش هو صار مـن بعـد فرقـاك
صار الوطن بعـدك مـن النـاس خالـي
صار... ( الوطن غربه ) بعـد مافقدنـاك
تشوف وش هو صار مـن بعـد فرقـاك
صار الوطن بعـدك مـن النـاس خالـي
صار... ( الوطن غربه ) بعـد مافقدنـاك
يابـوي أنـا بعـدّك سهـيـر الليـالـي
مقهور مـن دنيّـاي منّـا.... ومنّـاك !
حدتنـي الدنـيـا وأنــا راس مـالـي
إني ... عزيز النفـس . مثلـك وشـرواك
مافيـه شـيٍ فـي حيـاتـي صفـالـي
حتى . الورود . إن جيتها صارت أشـواك
أطـيـح واحمـولـي علـيّـه إثقـالـي
وأتخيلـك مديـت لـي كـف , يمنـاك
بعـدّك ولامـره تـرى إرتـاح بـالـي
أصفّـق علـى كفـي نـدم وآتـحـراك
مـن ضيقتـي ياكّـم أصّـدق خيـالـي
وأقـوم أدوّر عنّـك وآقـول ب القـاك
أضيـع بالعـالـم وهـمـي سـؤالـي ؟
هو أنت ؟ وينك ؟ ليه ماعـاد شفنـاك ؟
أدري لـو إنـك حـي ياعـز غـالـي
يمديك.. تفزع قبل.. ماجيـك وانخـاك !!
ويـلاه , ياحالـي ومـاهـو جـرالـي
ويـلاه , ياقلـبٍ تعـذب فـي طريـاك
ويـلاه , يابـويّـه مــن اول وتـالـي
لا...... والله.. أول.. كان.. ينجيني إدعاك
واليـوم مـن بعـدك وش اللـي بقالـي
غير إنـي أدعـي ربـي يغفـر خطايـاك
يالله حطّـه وســط مـنـزال عـالـي
فـي جنـة الفـردوس يـارب الافـلاك
واغفـر ذنـوبـه ياعـزيـز الجـلالـي
وشرح لي صدرٍ ضااااااق من جّور دنيـاك
