اللهم أرني عجائب قدرتك في حماي فقد ظلمني... ياحي ياغيوم برحمتك استغيث

[مزاجي بمخباتي]

السلام عليكم خواتي
ومشكورين وايد على نصايحكم على موضوعي( عايشه مع ثلجه.........)

الله يسلمكم صارلي فتره من أخلص صلاتي أدعي اللهم اكشف لي المستور
هاليومين بالصدفه سمعت حماي اللي حيل مع ريلي يقوله:
لاتعطيها ويه ولاتجابلها إسألني عن الحريم وإذا قعدت معاك روح الصاله واذا يت زفها ولا اطلع ولاتجابلها بوجبه تغدا بالدوام وتعشى معاي طيعني وانت بتربح واذا عرت طلقها، لما طلعت ريلي انصدم وتغير لون ويهه وحماي ارتبك
وقام يهلي فيني، ولما واجهت ريلي اخوي الكبير وكيفه يتكلم مثل مايبي، بنااااات والله قلبي يعوني ومنصدمه
ماتوقعت .. حمولتي الحمدلله علاقتي معاهم زينه ويحبوني ويسئلون عني اليمعه مازرت بس بناتي راحوا مع ابوهم وانا وولدي رحت بيت اهلي اسلم على ابوي بيسافر للعلم انا الوحيده ملتزمه بزوارتهم من بناتهم وجناينهم، فلمارد ريلي قالي ان امه اسألت وقلت لها رايحه عند ابوها وكل ساعه تقولي جان يبتها معاك ولا اقولها ماتبيكم وماتبي تزوركم غصب كيفها ماتشوف شراقوله ليش جذي؟ يقولي امي سؤالها ينرفز!!!
تتتتتتتتعبت والله شااااهد وعااااارف
ماابي اغث امي مره كبيره وصحتها على قدها
وابوي راعي ضغط لما اسخن ولا اولد ضغطه فالعلالي
والله اكتب وانا ابجي نصحوني هدوني أحسسي بنفجر فرجوا علي الله يفرج عليكم

 

[@ام ضاري@]

استعغفرالله يارب انا ماحب ها النوعيه اللي تدخل في حياتي

خصوصن حماي شكو انت فيني وفي اخوك نارنا تاكل حطبنا

ولا انك تشيش زوجي على واحنا مرتاحين يعينج الله والله

 

[روحي زوجي]

الله يعينج

سكوتج ماراح ينفعج واجهيه وواجهي حماج قوليله ماتخاف ربك تشيش الرجال انت مو اخو عدو

كلمي زوجج وقوليله عن اللي غاثج

 

[نفهمها صح]

شنقوول وشنخلي
مالج الا دعاء
اللهم انا نجعلك في نحورهم ونعوذ بك من شرورهم


اللهما اشغلهم بانفسهم

اهم شي انج جكتيهم وهم يتكلموون
وقوولي اذا اهوو موو مرتاح بحياته لايخرب علي غيره
واذا زوجج بيسمعها مصيبه
الله يعينج يارب وامه لما تنزليين مع سوالف راح تيالج قولياها انج رايحه تشووفين ابووج انه بيسافر

 

[الغاليه ام احمد]

الله يهدى ريلج اهو اللي يسمح لاخوه بهالكلام

المفروض يسكر الموضوع اول ما يبدي

 

[** محبوبه**]

لا حول ولا قوه ألا بالله حبوبه قعدي مع ريلج وتكلمي كل ألي بقلبج عن الموقف ألي سمعتيه من حماج وأنه ليش يتدخل بحياتنا شايفك موقد المسؤليه ويبي يعلمك مثلا؟؟ ترضى وحده من خواتي تشيشني عليك وأنت ماسويت لي شئ ..طبعا لا عيل ليش أنت معاي جذي سويتلك شئ ضايقتك بشئ قولي عاتبني بس لادخل أحد بينا ومن هالكلام
حبوبه لاتقولين لأمج ولأبوج عن حياتج ولا مايسويلج شئ غييير يشلون همج بقلوبهم وأنتي ماتدرين عندج خواتج أذا تبين تفضفضين عندج المنتدى أكتبي ألي تبينه ولا تنسين تقوين علاقتج بربج والله يعينج ياقلبي

 

[dectora 7elwa]

الغلط من زوجج هو اكيد رايح يشتكي لاخوه
وهذاك بيسوي روحه ريال

 

[الـــدفـــشـــة]

كلام محبوبه صح سوي الي قالتلج عنه والله يهديه ان شاءالله

 

[آوص ياجرحي سكوت]

أأأأأأأأأأأه ياقلبي
ذكرتيني بعمي نفس طبع حماااك استغفر الله مابي ادعي
امسكي زوجك على جنب وقوليلهاا احنا اللي بيننا مو لعب جهااال انا زوجتك وام عيالك واللي بينا حب وتفاهم هذا اخوك ماله
شغل بيناا خرااب البيوت مانبيله نصايح مالت عليه وعلى نصايحه
واذا انت بتسمع منه انت من طريق وانا من طريق وحناا مو بعصر الجاهليه على اساس ماتاكل مع المره وتزفهاا وماتكلمهاااا
آآآآآآه بس يابطت تسبدي

نصيحه نصيحه لاتسكتيــــــــــن واذا زودهاا انتي كلميه ولا عليك من احد ولا يخرب حياااتك هالفتااان

 

[درة أهل الطولات]

زوجج الغلطااااااااااااااااااااااااااااان ليش معطيه اذنه

 

[ام زهقانه]

الله يهدي حالكم بس زوجلك غلطان المفروض ما يسمع كلام اخوه الان هذاراب ابيوت

 

["GloRia"]

الله يعينج حيااتي .. قولي لزوجج وقوليله عن الي مضايقج وقوليله لا يدخل احد بينكم
وعليج بالدعااء واول مره اشوف حما يحرض اخووه انا خابره الحريم الي يسوون جذي ​

 

[BiiShOoO]

لا حول و لا قوة الا بالله

يعني ليش يسوي جذي حماج و ريلح مو ياهل عشان يسنع الكلام

 

[غزالة سعودية]

لا تعطينه اى اعتبار امسكى زوجك على جنب وقولى يابو فلان اذا فيه شى بينى وبينك لاتسمح لحد يتدخل فيه واذا فيه شى مو معجبك فينى قولى لاتشتكى لحد انا لك وانت لى لاتسمح لحد يتدخل قوليها وانتى واثقه من كلامك وبعدها بتشوفين ردة فعله

 

[Tom ♥ Jerry]

.،


استغفر الله العلي العظيمـ ! آهوه شكو بحيآتكمـ ؟!

خليه يولي و خلي علاقتج معآه سطحيه ،‘ آهم شي زوجج
آن شاء الله مآ يتغير عليج :***

موفقه و قولي " حسبي الله و نعم الوكيل " !

 

[استغفر الله%]

الله يعينج نصيحه قولي هالدعاء(حسبي الله ونعم الوكيل ونعم المولى ونعم النصير) وردديه دايم خصوصا وقت ضيقتج الله معاج يابعد قلبي ..استعيني بالله الله وحده القادر..سبحانه

 

[miss_jamsheer]

اعرف وحده جذي وحيل متاذيه مع ريلها
انتي ريلج وايد معطيه ويه اخوي الكبير علي عيني وعلي راسي بس يلزم حدوده خل ريلج يقوله مالك شغل اشلون اعامل مرتي وخل يقوله في حديث مااذكره بس الزبده انه عاشروهن بمعروف اذا زينه معاي ليش ااذيها وعذبها اهي متزوجه ترتاح وتريحني مومتزوجه عشان اعاملها مثل الخدامه الحمدالله والشكر طلعوا الرياييل اخس من الحريم

 

[ماني من الناس]

وين شخصيه زوجج بالموضوع ؟؟؟؟؟

اخوه قاعد يتحلطم عليج بكيف كيفه وهو ساكت على اساس اخوه الكبير

 

[اشتياق]

لاتخافين
الطبع يغلب التطبع
دام زوجج معاج زين راح تأثر فيه النصيحه اسبوع بالكثير ويرد زين وطيب وحبوب

ياما زوجي يقولي لو اعاملج مثل ماربعي يعاملون حريمهم جان تبجين!
وفعلا يحاول يطبق ومن يشوفني مسكينه واحتر وابجي خلاص مايقدر يكمل ضغطه ويرد لطبعه على طول

ومره زوجة رفيجه قالت لي ان زوجها ترى يشيش زوجي علي
وانه يقوله ماصارت كل مشوار تبيه توديها
قولها لا
ترى طريج وتعب وحيل معطيها وجه
قاله زوجي التعب على السياره عادي<<وسكت

يعني لاتخافين مثل ماقلت لج مو اكيد ياخذ بالنصيحه ويمشي فيها
شيلي هالتفكير من بالج وخلج ريلاكس

 

[اسبــانيــة]

لا ليش اتكلم حماها

لا تدخلينه بينكم باجر تطلعين انتي العوبه وانتي ام لسان تراددين الرياييل

هذا حماج مو ريال وماتدرين شنو ممكن يسوي

قعدي كلمي ريلج وقوليله باللي سمعتيه

وقوليله اذا يبي جذي

انتي اللي تسوين جذي ماله داعي اهوه يسوي فيج جذي

وسويها فيه يمكن يحس على دمه ويتحسف على هالمصخره

قاعد انت والريال وتسولفون جذي؟؟

هذي بالله سوالف رياييل

وريلج شكله على نياته اتمنى جم يوم ويحس بهالغلطه

بس مو زين يرد يتدخل حماج بالسالفه