اللحميييييه ؟

[رووو الروح وووح]

السلام عليكم

شلونكم ياامهات؟

ولدي عمره 4 سنوات معاه لحميه من كان صغير
وكنت احن على ابوه موراضي يسويها يقول صغير
ليما هالاسبوع دشيت على دكتور الانف والاذن والحنجره
اذوني تعورني وشاف الولد وقال ولدكم معاه لحميه
قلت اي قال لازم تسوو العمليه لان مبين عليه تعبان منها
قلت اي تعبان مستحيل يمر شهر ماياخذ مضاد علشان الاحتقان
المهم شرح حق زوجي كل شي عن اللحميه وعن العمليه
طبعا هالدكتور بمستشفى لندن
فحبيت اسالكم اي عياده زينه حق هالعمليه؟
او اي مستشفى احد جربه؟
وهل ردت له؟
وشلون الولد بعد العمليه؟ راح يتعب ااو لا؟
تعرفون قلب الام يعورها على عيالها
وياليت ماتنقلون الموضوع لان هالقسم يدشونه كل الامهات

 

[الدلال]

انا ولدي مرتين شلت له اللحميه

اول مره حييل تاخرت في شيلتها لين تلفت اللوز وسويت له عمليه لحميه ولوز

وثاني مره رجعت طلعت بعد جم سنه لانها ترجع تطلع اذا الطفل يعاني من حساسيه بالانف مزمنه مثل ولدي وكله خشمه يصبصب

والحمدلله اهون من قبل

وماكو على الدكتور عبدالله العلي بهالسوالف

دكتور فاهم وعارف ويخاف الله

وترى اللحميه كلش ما اتعب عمليتها وسهاالات ولا يحس بعوار بعدها مثل اللوز

توكلي على الله وشيلي اللحميه خل الولد يرتاح وعلشان بعد اللوز ما تنتلف

 

[رووو الروح وووح]

واللي يسلمج اذا عندج رقم العياده؟
وكم كلفت العمليه؟

 

[الدلال]

واللي يسلمج اذا عندج رقم العياده؟
وكم كلفت العمليه؟

هذا رقم العياده
25644677
و
وعملياته يسويهم بالهادي واذا انا مو غلطانه كلفتني 300 او اقل بشوي تقريبا

 

[ام الحلوااات]

اللــــــه يـــشـــفـــي ولـــــدج يــــااارب

 

[رووو الروح وووح]

تسلمين يالدلال ماقصرتي والله
ام الحلوات تسلمين ياقلبي الله يسمع منج
حبايبي منو بعد مسويه حق عيالها
لاني ناويه عالاسبوع الجاي ابلش اراجع معاه

 

[! بــدويه وآآيــد !]

،


اخوي سويناها له وهو عمره ٣ سنين مع لوز وردت له وسويناها مره ثانيه والحين عمره ٢١ سنه فيه لحميه ولما يتنفس صوته قوي وبيسويها ان شاءالله

الله يعين وولدي شاكين فيه ان فيه لحميه بنطره يكمل ٦ شهور اجيك عليه

 

[بنت الوفا]

الله يشفيه شنو اعراضه فحص او اشاعه عندي بنتى تمسك اذنه كل شوي خايفه تكون لحميه