الكيكة الفلبينية من مطبخي + صورة

[رمانة الكويت]

السلام عليكم

هذي اول مرة اشارك بطبخة بالمنتدى .. يارب تعجبكم ..

هذي كيكة قريتها في كتاب طبخ وطبقتها وكانت سهلة حييييل وطعمها رووووعة ...

بابدي بالمقادير والطريقة ...

أولا:4 حبات بيض + 3 حبات جبن كيري + قلاص سكر ...

اول شي نحط الجبن مع السكر ونخلطهم ليما ينخلط الجبن بعدين نضيف البيض حبة حبة ...

ثانيا: ربع كوب زيت + نص كوب حليب + قفشة فانيلا نضيفهم لخليط الجبن والبيض والسكر

ثالثا: نجيب قلاص طحين منخول + قفشة كبيرة بيكنج بودر

نخلطهم بالخليط السابق ...

رابعا: نجيب صينية مستطيلة وعميقة اللي تستخدم حق الباوند كيك ونمسحها بشوية زيت ونصب الخليط فيها ...

ونحطها بفرن حار الي ان تنتهي مابين نص ساعة الى ساعة الا ربع ...


لما تنضج الكيكة ونطلعها من الفرن نجيب جبن تشيدر كرافت العلبة الزرقة ونبشرها ونرشها على الكيكة واهي حارة ونصب فوقها شوية حليب نستلة المكثف المحلى .. ونتركها ليما تبرد وتتشرب الحليب المكثف ...

واسفة على الاطالة وتفضلو الصور ...​

 

[أسينات]

مافي صور

 

[Cherry Lass ~]

مافي صووره ..



آنا هالكيكه تخصصي كل يوم اسوييها !!




بس حبيبتي المفروض اول تخلطين البيض مع الشكر عشان ينتفخون بعدين تضيفين الجبن و الزين و البقيه ..





.

 

[رمانة الكويت]

مشكورين على المرور ...


ما ادري ليش الصور مو طالعة لكم مع انها طالعة لي ...؟

 

[<<لمار>>]

تسلم ايدج حبووووبة وغريبة الجبن بالكيك لازم اجرب طعمها

 

[^أم يوسف^]

يعطيج العافيه
بس لو الصوره طالعه

 

[جارة القمر]

مشكووووووووووووووووره حبيبتي



بس الصور موطالعه

 

[المهـــــــــــا]

تسلم الايادي وعليكم بالعافية ........

بس الحليب سائل ولا بودرة ؟؟؟

 

[رجااوي]

تسلمين اختي .. وفي مخبز عندنا يسويها لذيييييييييييذه حدها
علا قولت حبايبنا الكويتين موصصصصصصج << صارت كويتيه ههههههه

 

[يا قلبي أرتاح]

يعطيج العافيه

 

[om^e3yaly]

يعطيج العافيه ونبي الصور

 

[كميثره]

يعطيج العافية

 

[مروقه على الكوفي]

يسلموو
القلاص كاسه صغيرره ولاكبيره؟
الحليب سائل ولابودره؟

 

[78MariMar78]

تسلم ايدك

ممكن تنزلي الصور مرة ثانية

 

[Snow angel]

تسلمين ياقلبي

 

[أحلى همبه كويتية]

تسلم الأيادي
انا مجربتها حلوة هالكيكة

والحليب سااااااااااااااائل اكيد 100/100

 

[ABEER FLOWER]

يعطيج ألف عاااااااافيه

 

[الــفــجــرالــبــعــيــد]

يسلموووووووووو

 

[tasali]

مشكوره يعطيج العافيه

 

[al-musk]

مجربتها الكيكة حدها عجيبة هبيت فيها من سنة ونص تقريبا ولذيذة خصوصا لما نحط الجبن المبشور فوقها بالتزيين