الكيس الي فيني كبر ألحقوني ..

[أحلى بسكونة]

قوة بنات شخبــــاركم..
سالفي بإختصار أنا قبل شهرين وشوي سويت سونار داخلي وطلع عندي ضعف التبويض وعندي كيسين صغار 3في2
على المبيض الايسر وقالي الدكتور بينزلو مع الدورة ولما جت الدورة كل مرة اشرب حليب ساخن واناناس
وخس ومكسرات وعسل ورحت سويت سونار مرة ثانيه قال الدكتور نزل كيس باقي واحد :0bee2e8d89:
ولما نزلت الدورة ما اهتميت لأكلي لان عطاني حبوب دفستون قلت اكيد راح ينزل بس الصدمه
ان الكيس مانزل وكبر حجمه الى 5 :0bee2e8d89:وقالي لازم حبوب منع الحمل 3 شهور
انا خفت شنو منع الحمل لو شهر بصبر بس 3 شهور وايد واحنا بعايلتنا مرة متأذيين بسبب حبوب منع الحبوب
وما يحملو على طول وانا الي ما حملت اخذه:eh_s(1):شبيصير فيني
المهم رحت لدكتورة وقالت لي اصبري للشهر الجاي بشوفه ينزل ولا يصغر وبعدها راح اقرر شنو يصير
و لو كبر اكثر بنسوي لج عمليه

اللحين سؤالي..
شنو الاشياء الطبيعيه (أعشاب) الي تنزل الكيس ؟
شنو الحبوب الي ينزل الكيس لازم منع الحمل؟
والي سوت العمليه كم دقيقه؟بنج ولا ؟ يألم ؟ تجلس بالمستشفى؟

ومشكورين حبايبي يارب يرزقكم الذريه الصالحه​

 

[غيـ الناس ـر]

انا مسويه عمليه حبيبتي نصيحه سويها ولا تطولين السالفه وهي قصيره الدكاتره بس يبون يمددون هالسوالف

العمليه اظن ما طولت نص ساعه وبنج كامل ويفتحون 3 قتحات ببطنج كل فتحه 1 سم طولها وحده عاليمين واليسار والثالثه عند السر

تتأذين جم يوم وبس ترتاحين عقب


ويا رب ينزل وترتاحين

 

[أحلى بسكونة]

غير الناس..
تسلمي حبيبتي على الرد
دائماً متعاونة مع البنات الله يسهل عليج بوقتج يااااارب

اي صج الدكاترة كل يوم كلام وانا كل يوم لدكتور حدي طفشت بس شسوي محتارة
ان شاء الله ينزل لوحده

 

[SaD FaCe]

ماقدر افيدج بس يارب ينزل بروحه ويرزقج بالطفل السليم المعافى يارب

 

[أم لطووف]

يابعد روحي والله ما أدري شقولج بس إنتي قلتي حق الطبيب إنج ماتبين الحبوب وبعدين أنه سامعه إنه القسط الهندي وايد زين حق التكيس(مع إنه فيني تكيس بس ماجربته صراحه ولا مره) بس جربيه

 

[أحلى بسكونة]

ساد فيس..
تسلمي حبيبتي الله يرزقج الذريه الصالحه

ام لطوووووف..
خلاص بابحث عنده وباشوف وان شاء الله يفيدني
مشكورة حبيبتي

 

[خشف بدو]

مرحبا حبيبتي انا صارلي مثلج بس دكتورتي خافت تعطيني مانع لان تقولي انتي عمرج ماحملتي,..المهم رحت لحرمة ومرختني وبعدها بشهر رحت لدكتورتي ولا الكيس كبر:0bee2e8d89: عاد قالت لازم عملية واستخرت وسويتها انصحج سويها احسن لج من حبوب المانع تاخذينها 3شهور..انا سويتها الصبح وطلعت المغرب وبس مدة 5ايام التعب بعدها تمارسين حياتج الطبيعية...والحلو بالعملية هذي ان الدكتورة مره وحده اتشوف الانابيب عندج زينه ولا لا...والله يسهل عليج..

 

[غيـ الناس ـر]

الله يسلمج حبيبتي ..

حل المشكله بحبوب المانع ترى مو اكيده فنصيحه توكلي على الله


وغيري دكتورج اذا مو مرتاحه لكلامه .. وبالنسبه للعملية انا نمت ليلة بالمستشفى عشان الدكتوره تراقب حالتي

 

[غزلان كويت]

قلبي جربي هل خلطه اخذي مسمار ودارسين وحلبه ملعقتين من كل نوع لهميهم على 3الى5 مرات باليوم من اول يوم الدوره الين 7 يوم وبعدها روحي سوي السونار باذن الله تلقينه رايح
انا مريت بهل حاله وجربت هل الاشياء والله وفاده معاي كان حجم الجيسين عندي واحد 5 والثاني 7 والحمد لله استمريت عليهم ولمدة 3شهور ولا لهم اثر طبعا النتيجه بانت من اول شهر وانا استمرين عليهم لان الخلطه هذي تفتح الانابيب وتساعد بالتبويض والحمدلله ادعيلي ربي يرزقني بالذريه الصالحه ويسر اموري بالدنيا والاخره

 

[سوسو العصلة]

السلام عليكم انا خالتي كانت حامل والكيس كان حيل كبير وماقدرو يسوولها عمليه لانها حامل وسوولها عمليه قيصريه ومع الولاده سوولها العمليه وكانت عاديه وسهله ولله الحمد توكلي على الله وشيليه لابعدين تجيج نتايج موحلوة والله يسهل عليج يارب ودايما بكل امورج استخري ووسلمي امرج لله والله معاج يارب

 

[أحلى بسكونة]

خشف بدو..
مشكورة حبيبتي افدتيني
وان شاء الله تحملي قريب
الله يعوضج بالبيبي وتشوفينه بحظنج

غير ناس..
صج انتي غير الناس بنوته طيوبه وحبوبه ماادري كيف اجازيج بصراحه افدتيني وايد
الله يسهل عليج بوقتج حبيبتي وهذه هديه المولود :klhfl:
اي انا غيرته الدكتور ورحت للدكتورة والحمدلله ارتحت لها وايد

غزلان كويت..
بجربهم هالمرة لما تيني الدورة وان شاء الله خير
واذا مافاد بتوكل على الله وبسوي العمليه
تسلمي حبيبتي الله يرزقج الذريه الصالحه

سوسو العصلة..
الحمدلله على سلامه خالتج
وان شاء الله راح اسويها اذا مانزل
الله يوفقج حبيبتي​

 

[أحلى بسكونة]

للرفع

 

[mosta7eel]

بسكونه ياقلبي المشي وايد زين حق الي فيهم تكيس
ولاتحاتين اعرف ناس حملو وفيهم تكيس
رفيجتي كان فيها تكيس وعطوها حبوب منع حمل ماشاءالله استخدمتهم شهر واحد وراح
والحين عندها ولد والفال لج يارب

 

[أحلى بسكونة]

مستحيل..
المشكله ان بويضاتي وايد صغار من قبل شهرين كانو 11 واللحين 5 تخيلي
عندي ضعف تبويض والكيس مانزل علشان اخذ منشطات
الله كريم وبجرب المشي مع الدورة الجاي حتى امي قالتي منج تحبسي نفسج بشقتج ولا تطلعي تمشي من تي لج الدورة
والله يرزقج الذريه الصالحه حبيبتي

 

[mosta7eel]

ان شاءالله يارب يكون المشي سبب في نزول الكيس وسبب في علاجج