اول شي مبروك ماياج ويتربى بعزج ..والحمدلله على سلامتج..
نفس الكلام كتبته حق وحده بالقسم برد اسويله كووبي راح يفيدج انشالله...
مدام بتسوين كيراتين بقولج كذا شغله ولا تهملينها لأن واايد انا نفسيتي تعبت لأني اهملت هالشغلات :
1) تأكدي ان البرازيلي الاصلي ولا تسوينا بمكان رخيص سويه بمكان غالي له سمعته يخااافون ينصبون عليج ..على الاقل تتطمنين
2) اذا نويتي انشالله لا تحطين الكيرااتين على شعرج اذا كان مصبوغ ..اختاري لون لشعرج وخلي الصبغه تخف شوي
يعني نطري شهر إلى شهر ونص بعدين حطي الكيراتين ..لأنج اذا صبغتي و سويتي كيراتين حار بحار رااااح يتقطع شعرج
ويطيح واااااااايد
3) بعد الكيراتين في شامبوات خاصه ..لا تستعملين اي شامبو من الجمعيه ..استخدمي الشامبو والبلسم اللي يدلونج عليه الصالون
او اشتريه منهم ..او شوفي شكله وروحي اخذيه من جوثن او النسائم يطلع عليج ارخص
4) راح يطييح شعرج بعد الكيراتين بس لا تخافين هالشي وايد طبيعي..لأن الشعر يكون شوي تعبان من الفرد..يعني لا تخترعين
لما تشوفينه حت شوي على المخده او على هدومج..
5) بعد الكيراتين لاااا تربطين شعرج واهوا امبلل مهماااااا حدتج الظرووف ..نشفيييه بس بهوا على الاقل لأن لما يكون رطب
وينشد بسيرررر واساسا اهوا تعبان من الفرد والسيراميك راح يطييييييح وتطلع فراغات بشعرج..يعني مهما كااان ديري بالج
من هالشي..لازم تنشفيينه عددل عددل
6) استخدمي سيروم خفيف بأطراف شعرج لأن شعرج راح يكون شوي تعبان ويبين من تحت متقصف..
وضروري جداً انج تقصين اطرااافه بعد الكيراتين مو قبله..حرصي على هالشي..
7) وخري عن القصات المدرجه..لأن شعرج على طول راح يكوون ساايح ونااااعم لما تدرجينه ماراح ينفش راح يبين جنه مقصوص غلط
خليه قطعه وحده وااذا حبيتي تدرجين من تحت شوووي..
8) من فتره لي فتره سوي حمام زيت..و ديري بالج تحطين زيوووت ..مثل زيت الزيتون او زيت السمسم و هالخلطات
لأن شعرج فيه مادة الكيراتين والزيوت مو زينه عليها ..احسن شي يرطبها حمام الزيت ..فقط لا غير..يعني لا يقصون عليج
ويقولوج لج حطي الزيت الفلاني ولا الزيت الفلاني
9)قبل النوم قلبي شعرج كله وسوي مساج خفيف حركي الدوره الدمويه علشان فروة راسج ماتتعب
وهالكللام كله عن خبره لأني سبق وان طحت بأخطاء أثرت على ..وانشالله برد اسوي كيراتين
يعني بإختصار صبغي ونطري شهر بعدين سوي الكيراتين او على الاقل 3 اسابيع واموفقه وانشالله تكون النتيجه صاروخ
ادعيلي اذا استفدتي تحياتي لج
