الكويتيين في السينما
يقعد بالسينما جنه قاعد بصالة بيتهم..
يسولف..
يتكلم بالتليفون..
يتسدح ..
يتشردغ ..
يتمرغد
عادي جدا تلف ويهك يمين ولا ريال فوق راسك ياكل النفيش جنه ياكل عيش مخلوط مع حصى يطق
إيده بالخمس داخل البوكس..
و دوووور فيها يالشمالي دور فيها
يحوس..خش خش خش إلا المشهد خلص و ما سمعت شي من إزعاجه
طبعا أشكالهم وهم داشين تقول رايحين كشته بالبر ..
بيبسي ..
نفيش ..
ناتشوز ..
هوت دوغ ..
بيرير ..
كلينكس ..
أعواد ..
عفسه عفسه ناقص بس مطاطير جــاي و قهوه
الفيلم ما بقى عليه شي و يخلص و الناس للحين تدش و تطلع
لازم لازم بل يكاد يكون ضروري أن يدوس أحد على ريلك علشان يوصل كرسيه
او وحده تكفخك على ويهك بجنطتها
او مرا تغطيك بعبايتها
أو تتحول حق مسند يتقضبون فيك و هم ماشين كل هذا علشان يخافون يطيحون
شيين أثنين يصكون عليك نص الشاشة:
شماغ اللي جدامك
أو بف إللي قاعده يمــه
بالرغم من التطور الكبير و الإنترنت و الأقمار الصناعية و الإنفتاح العالمي مازلت السينما و بلا منافس المكان المفضل للمواعد ..
الناس يايه تشوف فيلم و هذول يايين يحبون >>>> ..شيفكك منهم عاد
وهذا حالنا بالسينما الكويتيـه
!!
