الكل يعاني من العروق الخضراء بالجسم

[شوكولاه 22]

مراحب بنات كيفكم

انا بصراحه ما أدري شلون أدش بالموضوع للأنه محرج شوي:eh_s(22): بس أبي مساعدتكم

أنا بياضي عادي جدا ووزني 71 وكلما نزلت او زدت كيلو احس أن العلروق الخضراء بجسمي تزيد لدرجة أني صرت أستحي أطلع بالشمس أو أتفصخ جدام زوجي لأن كلجسمي صاير عروق خضرا ولا لأدري شنو سببها


عاد أنا قلت مالي ألا حبيباتي في منتدى كويتيات ماراح يقصرون وياي

الله يخليكم الي عندها شي يروحهم لي لاتقصر ولها مني دعوه بظهر الغيب

 

[حصه11]

اي مكان بالضبط اذا كان في اردافج ريولج حاولي تنامين على ظهرج وريولج ارفعيها وخليها مسانده عى الطوفه الجدار ما ادري شسمه ^^

وانتي تاكدي انهم مو دوالي

موفقه حبيبتي

 

[ضماي هو وهناي]

والله هذي مشكلتي من صغري مافي منها حل
اهي مو دوالي لا تحسين الجلد شفاف صح ؟؟؟؟
حتى انا ولد اخوي الصغير قالي عمتي انت راسمه على ايدينج ؟؟؟؟؟؟؟؟
والمصيبه بابر الوريد يقعدون يدورون مايلقون ؟!!!!!!الا العرق هذي ...
مافي لهم حل مشكلتي الحين بالبشره صارت تبين الحمرا بمره خوفتني وحده تقول بشرتج رقيقه بسرعه تتاثر حطي بالج كافينا الشر ..

 

[candle of night]

حياتي اذا قصدج على العروق العاديه اللي بالجسم بس باينه حيل عادي انا بيضه وجلدي خفيف كلش وعروقي باينه الله وكيلج خريطه مو بنت ههههههههههه

 

[بنت الوفا]

نفسج بس بيديني بس مدري من شنو

 

[بنت الاحلام]

انا نفسج بس كلا اقول من بياضتي < ارقع لعمري
احس العروس بجسمي كلها واضحه ماحب جذي بس ماعرف شسوي

 

[موزة ام فارس]

نفس الشي معاي

لبسي واستانسي وماعليج من شي اهم شي انها مو مرض

 

[بـنوتـه ذووق]

اي صح
حتى ااانا بيديني وصدري ع قولة وحده من البنات تقوول خريطه..

الظاهر خريطة بيتنا عشان ادليه ماضيع ههههههه

بس عادي عايشه حياتتي ومبسووطه يعني مو بشع حيل

 

[dla3_princess]

اتووقع في مااده ناقصتج بالدم ....

لان مره قريت بكتاب امريكي عن هالشي ,,,

رووحي طبيب جلديه نصييييحه احسن من ان تزيييد الساالفه ...

نصيييحه سألي دكتوووور ....

وعسى الله يسهل عليج يااااااااااااااااااااااارب

 

[شوكولاه 22]

مرااااااااااااااااااحب

مشكورات خواتي اللي نورو موضوعي والله ماأدري اذا فيه نقص بس والله وايد متفشله منها يبه البياض عادي بس أهم شي الشبكه العنكبوتيه الخضراء تختفي من جسمي

 

[شذي الفردوس]

انا بعد بايدي واذاا نزلتها تنقز شكبرهم يصيرون جنه مادين انابيب صرف باليدي خخ لان الجلد رجيج وايد
والبايخ عندي عرقين صوب عيوني عالجنب خضره وواضحين اااف صج بااايخين
مره رايحه عند عادل قطينه قال شوفي خبير الليزر عندهم ما ادري شنو اسمه قال يمكن يقدر يشيلهم او يخفيهم بالبوتكس
ما جازفت..

 

[Heaven Light]

اذكر لما كنت بالابتدائي معانا وحده باين عرق طووويل حيل بويها .. ودايما الابلات يزفونها ليش راسمة على ويها ..

يمكن لأنها بيضااا حيل ما شاء الله .. فما اتوقع له علاقة بالوزن ..

جربي عيادات الجلدية يمكن يلاقون لج حل ..


​

 

[بـنوتـه ذووق]

مو ع البياض انا سمرا وعروق ايدي وصدري واضحه

 

[جوك احلى جو]

لما الجلد يكون مو سميك رقيق يبينون العروق

اذا كانو عاديين فماكو مشكله والافضل تاكلين اكل غني بفيتامين سي عشان جدران الاوعيه الدمويه ماتتمزقو تنتشر في جسمج ويقويه شرايينج....

واذا حابه دهني بزيت الزيتون زين للعروق ولا توقفين وايد علي ريولج وسوي رياضه وحاولي ترشين ماي بارد....

وجربي تحطين ثلج مع التدليك راح تلاحظين تختفي مؤقتا وبعدي عن الخحار لان يزيد المشكله,,,,

وهم في دكاتره يعالجون هالمشكله ولا تكثرين سوائل زياده عن اللزوم لان راح يتحول الي دم ويزيد ضخ الدم علي شرايينج

 

[Turquoiseya]

رفع

 

[دانة بعين بحاري]

والله نفس حالتي كرهت عمري والسبه هالعروق

 

[رهوف]

خخخخخخخ اشوا مو بس انا .. اللي بإيدي تترقع لكن اللي بالصدر تفشل

ولد اختي يقولي خالتي انتي نفس سبايدر مان

بس هالشي عادة يصير بالبيض .. عشان جذي يسمونا اصحاب الدماء الزرقاء لووووول

 

[معلمة علوم]

انا بعد بريولي من و را بس ترا طلع من القعدة انا عن نفسي احط ريل علي ريل و علي جذي طالعة العروق بالريل الي دايما احطها فوق يقولون لمن تكون القعدة جذي يوقف الدم الي يروح حقها

 

[قدساويه!!]

سبحان الله