الكلينكس سبب الالتهابات والعقم .... شنسوي الحل وين

[سواري الليل]

السلام عليكم ورحمة الله وبركاته


شلونكم بنات


صراحه انا قبل فتره جاني برودكاست بس موكامل عن وحده صار معاها عوار وسولها عمليه واتضح انه موتكيس اتضح انها مجموعه تناتيف كلينكس

ووحده ثانيه ماتت والسبه هالشي


ودورت بالنت ماقيت الا هالمقال

اللي يقول انه
اثبتت العمليات التجريبيه ان الكلينكس ( المنديل) عندما تمسح المرأه فرجها به بعد الجماع فأنه هناك كريات صغيره منه تختلط مع السائل المنوي ومنها مايدخل بالفرج وهناك يتعلق بالرحم يؤدي الى حدوث التهابات بالرحم تمنع ثبات البويضه الملحقه يعني يأخر الحمل او يجيب العقم وهو سبب الالتهابات

ووحده ردت وقالت انه وحده ماحملت وقالولها
اخذي بصله وبرشيها مع كمون وحطيهم بشاش ولفيهم على الفوطه وعقبها طلع منها تقول شكثر قطع كلينكس وبعدها ماشالله حملت

بس ماحددت الكميه والوقت والطريقه


خلونا نتشاور ونشوف شلون الطرق

منو تعرف شنو نستخدم بدال الكلينكس وشلون نطلع هالكلينقس اللي انترستا منه

تدرون عزكم الله الحمام لااااازم علبة كلينك فيه

هذا موزين لازم مانمسح فيه شلون بشنو نمسح

 

[فلنتينو]

بالله شنسوووي
شلوون نشف انفسنا
ماكو الا فوطه خااصه

 

[قاهره عذالي]

انا اقولكم شتسوون

انا مره شفت برنامج اوبرا

مسوين عرض عن حياة الامريكان قبل بالريف

كانوا الحريم عقب ما.....

ما تمسح بكلينكس لاااااااااااااء

ياخذون ورق الشجر ويمسحون فيه

 

[دراما كوين]

خخخخخخخخخخخخ
حلوه هذي نمسح بورقه شجر


والمشكله اللي تقول مسحي بفوطه خاااصه , مادري عيل لازم الفوطه تنغسل كل يوم

 

[أنفاسي دخون]

انا عن نفسي شفتي الفوط الصغار اللي يكونون 5 او 6 حبات مع بعض حق البيبي اشتري منهم كميه وكل ما دخلت الحمام نشفت فيهم واغسلهم بايدي انظف واضمن

 

[قــل مـا تـشـاء]

مااتوقع ان سالفة الكلينكس هذي صجيه
كل شي طلعوه انه مضر ويسبب عقم والتهابات وامراااض
الله يكافينا الشر

 

[انا لحبيبي .]

:eh_s(16)::eh_s(16)::eh_s(16):
كل شي مضر ، نفسي اعرف شو يلي مش مضر

 

[عاشقة_الجمال]

الله يعينا كل شي صار يضر

واوراق الشجر بالله من وين نييبها ؟؟!!!!!!!!!!!!!@_@

 

[M!ss soso]

@@









<< نص طموشه ما تدري شسالفه !!

 

[سوسو الكيوت]

ازرعي شجره بين غرفتكم والحمام

اتوقع خبر خربوطي شدعووى عن الوسوسه

 

[dectora 7elwa]

الكلينكس ضغطيه بين ريولج
وروحي الحمام سييييده وغسلس يالماي والغسول
واذا بتنضفين داخل استخدمي الشاش الطبي من الصيدليه
العلبه فيها 100 شاشه معقمه ب3 دنانير

 

[وزيره الخارجيه]

شدعوه كل شي مضر

 

[سارووه الاموره]

بنات انا ماامسح بعد الجماع

لا بعد كل حمام انشف نفسي

هالشي مضر والله انا عاد وسواسه ..

 

[رُۈحَ ۈ رْيحَآن]

،

انا ماادش الحمام الا والكلينكس قبلي ! شلون اتنشف عيل


،

 

[حلاتني]

والله مضر ولا مو مضر مااقدر استغني عنه

 

[sweet-love]

بنات توكلوا على الله الناس صارلها فتره واهي تستخدم كلنكس بس اتوقع هذيل حالات نادره

 

[هيبة الطاووس]

يوبا جذب كاحملنا وعيلنا شالخرابيط

يا جماعه هالمواضيع تحسسني بعدم وجود الله بحياتنا استغفر الله

 

[classicyah]

مآ أدري مآ أصدق هالسوآلف لأنهآ مآ اتدش العقل . .

أحس هآذين حآلآت خآصه ،

من انولدنآ لليوم و نحن نتنشف ، مآ صآر فينآ شي :/

و امهآتنآ مآ صآر فيهم شي ،

و أنآ اهنيه مآ أقصد الجمآع ،

لأن من عقب الجمآع المفروض الوحده تغتسل ،

أبآ أفهم ، كيف ينشفون المنطقه بالكلينكس قبل مآ يغتسلون بالمآي ؟

مآ أدري ، احس روحهم الي اييبون لهم الأمرآض . .

،

شكراً على هالطرحْ . .

 

[شمعة الدنياا]

بالله شالحل @ قولوالنا الحل

 

[bent-36a]

لان اهم يمكن ماعندهم الغسل احنا بالاسلام نغتسل والحمد لله