الكليجا اهي نوع من انواع حلو المعجنات لها اكثر من طريقة حسب ما شفت بالنت اكو الكليجة العراقية واكو كليجة السعودية وخاصة القصيم
وفي نوع يسوونها بالطحين العادي والثانية بالبُر طبعا انا ذقت الللي يسوونها بالُبر وكانت محشوة بحشوة تشبة الكراميل والله ماادري اذا اهيه ولا لأ
واكون نوع يكون سادة ونوع بحشوة تمر أو حشوة مكسرات
اللي بسويها سادة وتقدرون انتوا على ذوقكم اتحطون الحشوة اللي تعجبكم
بس اذا بغيتوا تحشونها بأي شي يفضل انكم تقللون البهارات اللي بتنحط بالعجين عشان لا اتصك معاكم لان كل ما زدتوا البهارات العجينة بتصير قاسية لما تعينونها أو تفردونها وهذا اللي سويته وتوهقت يبيلها وحده حيلها قوي
وانا نوووو كلش
المهم نجهز أول شي خلطة البهارات واتخلونها ببرطمان ... البهارات واهيه عبارة عن ( طبعا الكمية عبارة عن الأكياس الجاهزة اتوقع كميتها ربع كيلو على حسب تقديري ):
باكت حبة حلوة ( يكون طعمه حالي اشوي )
باكت كمون ( يكون لونه أفتح من حبة الحلوة ومو حالي لوول )ه
باكت حبة البركة ( أو حبة سودة )ه
باكت كزبرة ناشفة
3 ملاعق ك كركم بودرة
ملعقة كبيرة هيل بودرة
بس تاخذون منه مقدار ربع كوب وتطحنونة وتخلطونة مع اللي حطيتوه بالبرطمان
الحين مقادير العجينة ( طبعا مقاديرها تقدرون تقللونها او تزيدونها على هواكم ) :
انا استخدمت فيها :
8 اكواب طحين اسمر ( مو اللي يكون الحبة كاملة لا يكون منخول اشوي )ه
6 ملاعق ك حليب بودر
1 م متوسطة ملح
1 م ك فانيليا
1/2 1 م ك بيكنغ باودر
تنخلونها مع بعض عدل في صينية عميقة وواسعة اشوي
وعقب تخلطون معاه 1 كوب من خلطو البهارات
وبعدين تحفرون حفرة بالنص
واتييبون 3 اكواب سكر
مع 4 اكواب ماي وملعقة ك خميرة وتذوبونها مع بعض
وتحطونه في الحفرة اللي سويناها
عقب تخلطون فيها الطحين تدريجيا واذا حسيتوا ان الماي قاصر معاكم ضيفو الماي قبل لا تشد العجينة
بس انتوا حاولو اتكون العجينة طرية اشوي
بس للأمانة للأمانة للصدق
وللمدونة وللتاريخ ترا العجن يتعب اشوي
انا ماجربت العجانة
بجرب فيها مرة ثانية لما اسويها مع الحشوة
المهم عقب ما اتحسون ان خلااااااااص العجينة تماسكت وياكم
1/2 كوب زيت أو اكثر بشوي دهنوا فيه العجيين وانتو تعجنونها
وبعدين اتركوها لمدة نص ساعه وعقب ردوا اعجنوها مرة ثانية
تالي لفيها بورق سوليفان وغطيها وخليها بدرجة حرارة الغرفه
يعني لا حارة ولابارده واتركوها مدة ما بين 5 الى 6 ساعات
أو ايلييين شفتيها تضاعف حجمها وصارت جاهزة عشان تخبزينها
طبعا اهني بالصورة عقب ما خلصنا العياااان
عقب ما اجهزت العجينة واختمرت
قطعيها قطع دوائر وخليها ربع ساعه الى عشر دقايق
قبل لا تفردينها بالنشابة طبعا لا تخلينها وايد رفيعه
ولا وايد متينة لا ... ما بين البين بس اذا بتحشينها
لازم اشوي اتكون رفيعه مو وايد
عقب قطعيها بقوالب التزيين واذا ما عندج
اشتري حبيبتي واذا كلش ما تبين
قطعيها بالسجين مربعات كيفج كل شي متاح اهني
طبعا تكونين مجهزة صينيتج اللي بتخبزين فيها
صفي العجين عقب ما قطعتيه
وادهنيه بالبيض ( البيض يكون مخلوط مع فانليا عشان الزفرة ) طبعا هذا عشان يعطي لمعه حق الكليجة
وعقب اخبزيها بالفرن ايلين يصير لونها ذهبي
او بني فااااتح انا ما شاء الله
بغيت ما انساها وتحترق ههههههههههههههههههه
بس برضوا تتاكا يعني تتاااااااااااكل
وجذي بيكون شكلها من داخل
يلا ميخالف
هاذي أول مرة اسويها
لا بس والله اطلعت حلوة
واكلوها مع استكانة الشاي
وعليكم بالعافية
