الكلمة عمرها مارح تكون لج الكلمة (للريااااال ) ؟؟؟؟!!

[شعولة العسولة]

السلام عليكم و رحمة الله و بركاته



مما لا شك فيه أن أحنا عايشين في مجتمع خليجي محافظ قدرت المرأةفيه أنها توصل لمناصب

عالية و تطالب بحقوقها و تطالب (بالمساواة ) بينها و بين الرجل ؟؟؟؟؟!!


نحن ألحين في سنة (2010 ) و كل شي تقدم و الدنيا تطورت ..............عيل .........


هل تقبلين أن زوجج أو أخوج أنه يطلب منج أنه يكون أهو المسؤؤل عن إيميلج و أن الرقم السري

لازم يكون بيده ليش أنه ريال و الريال لازم أنه

( يشيك على حريمه عشان بعدين مايتحسف و يقول ياليت و ياليت )


هل تقبلين بها لشي ؟؟؟؟؟؟؟؟؟ طيب ليش ؟؟؟؟؟؟؟؟؟؟؟؟؟؟

و شنو رايج بالمرة إلي تقبل بها الشي و تشوف أنه عادي و مو (تشكيك أو عدم ثقة ) !!!!


ناطرة ردودكم ...........

تحياتي لكم
مشاعل :eh_s(14):

 

[درة أهل الطولات]

لا طبعاا شكوو

في اشياء اسمها خصوصيـــة

 

[ĎєνiL.ĞιRL]

❤❤

❤❤


صح ..

في احترام للخصوصيه .. ايميلي في رفيجاتي !

ورفيجاتي مأمنيني وضايفيني .. وانا اقعد اخلي زوجي يدش عليهم ليش ؟

دام اهو يدري ان مو قاعده اسوي شي غلط ..

ماله حق يتدخل بشغلات خاصه فيني دام هالشغلات مو غلط ..

=)

 

[al7b '7ald]

أول شي ضد عبارة - (بالمساواة ) بينها و بين الرجل - الأصح أن المرأه تطالب بحقوقها ألي الريال خذاها منها
والحمد الله حقوق وقامت ترجع لاصحابها

والرد على سؤالج أنا أرفض هشي أكيد وألي تقول ( يشيك على حريمه عشان بعدين مايتحسف و يقول ياليت و ياليت ) ياليت توضح شنو يعني عشان لا يتحسف دام السالفه مو تشكيك وعدم ثقه

مشكوره على الموضوع بس ما عرفنا رايج فيه

 

[*عزة نفس*]

السلام عليكم..

مشكورة خيتي على الموضوع..
لا طبعا وين قاعدين؟؟
مو واثقين يعني(أقصد الأخوة)بكيفهم..
إذا كانوا بيسوو لحريمهم كذا عادي بكيفهم..
أما أنا لا..
الحمد لله عارفة طريقي وإن شاء الله ماراح أكون عاصية لربي..فليش التفتيش؟؟
كل وحدة إللي ناوية تسوي غلط أو بدت بالغلط لاتنسى إن في رب يراقيبها وملكين يكتبون حسناتها وسيئاتها..مابتخاف من أبو وأخو وزوج..

دا إللي ناقصنا بعد..رجال يتحكموا في خصوصياتنا..

موفقين يارب

 

[puppet]

مو مشكلة .. يعطيني رقمه السري أعطيه رقمي السري

 

[تعويذه الحب]

اكيد ما اقبل لعدة اسباب

1- اول شي انا مو محتاجه ا اخوي ولا زوجي يراقبون تصرفاتي انا المفروض اكون قد المسؤوليه وانا اراقب تصرفاتي بنفسي

2- هذا شي من الخصوصيه يعني يمكن وحده من صديقاتي مطرشتلي شي مو حلوه ان زوجي او اخوي يشوفونه وبعدين راح ياخذون فكره

عن البنت.

3- الثقه لازم تكون موجوده بين الزوج و زوجته او البنت واهلها وعلى فكره ترى اللي بتسوي شي تسويه لو حاطينها بقفص يعني

ماراح يردها لا باس وورد ولا غيره

 

[هاناا]

لأ
لان هذا ايميلي

 

[كويتية و عتيبية]

كل شي له حدووود ..
هاذي خصوصيااتي والمفروووض يكوون واااثق بأخته..
ويعطيج العافية

 

[ام مضاوي]

سواء الزوج او الاخو

حلووووو انه يغير لاكن ماله حق يشك
دام تصرفاتي ماتثير الشك

لكن الناس اجناس
انتي بتفهمينا وجهة نظرج احنا نأيدج
ويمكن في اخو يأيد وزوج لأ
او العكس زوج يأيد واخو لأ

والعقليه هذي عاد اي حجج وبراهيييييييييييين تعلمهم وتجعمهم

فأنا اقول اخذيها من قاصصرها
وقولي تفضل ماطلبت الا عيوني يا اخوي او زوجي الغالي
واقلبها غشمره
وقولي انا استانس لي حسيت انك تغير علي ومهتم فيني
بيتم يجيك يوم يومين وبتنغثين
لكن مصيره بيطخ ويترك فعلته
ويكفي ردة فعلج للموضوع واخذه ببرود اعصاب بيحسسه انه اهو انتصر <<<<مو ليش انه اهو ريال يبي يحس بسلطته
وراح يفك عنج ولااااراح يرد

 

[Pepsi Cola]

نعم نطالب بالمساواه بين المرأه والرجل بأن يتمتع كل من بحقوقه وان يلتزم بواجباته اما المساواه بأن يكون للاثنين نفس الحقوق والواجبات فهذا امر مرفوض.

دينيا وقانونيا يحق للرجل او المرأه بمراقبه الاخر (سواء كان رجل او امرأه) وان يكون وصي عليه اذا كان يعاني من: العته، السفه، السذاجه >>> مااقصد حالات فقدان العقل ولو ان الجنون واحد منهم بس ما تخص موضوعنا، بمعنى اذا كان الرجل على يقين بأن امرأته حمقاء او تعاني احد الاسباب السابقه وجب عليه مراقبتها.

بارك الله فيج اختي شعوله بانتظارج جديدك المميز دائما

 

[سعودية!!!]

ديننا الاسلامي دين عدل ماهو دين مساواة لانوه ماهو من العدل نساوي المرأة بالرجال لاااختلاااف تكويناااتهم الخلقية لذلك هو دين عدل ماهو دين مساواة وين العدل فيه لاااساويت المرأة بالرجال فموضوعكـ مااايدخل من باب المساواة وجوابي ع موضوعكـ طبعا لاااا

 

[StrOnG WoMeN]

لا ما اقبل
لانه هذا شي خاص فيني
ولو عطيته من كيفي
مو عشان لا يشك ولا يهمني يمكن لانه تعودت نكون واحد
لكن الحين الحياه علمتني
الي يخصني مايخص احد فمو ضروري يعرفه غيري اين كان
طالما ماشيه صح الحمدالله
ومشكوره ع الموضوع

 

[عمشه جآكسون~]

السلام عليكم و رحمة الله و بركاته

وعليكُم السلام والرحمه
مما لا شك فيه أن أحنا عايشين في مجتمع خليجي محافظ قدرت المرأةفيه أنها توصل لمناصب

عالية و تطالب بحقوقها و تطالب (بالمساواة ) بينها و بين الرجل ؟؟؟؟؟!!


نحن ألحين في سنة (2010 ) و كل شي تقدم و الدنيا تطورت ..............عيل .........


اي مساواه حبيبتي فيه آيات نزلت بالمدينه المنوره وهي ( الرجال قوامون على النساء ) يعني لو نوصل 20400 مانقدر نغير قول الله سبحان وتعالى وهذا شي احنا عارفينه من خلقت البشريه مو لان المرأه والله دشت المجلس نغير بكتاب الله عز وجل ...

هل تقبلين أن زوجج أو أخوج أنه يطلب منج أنه يكون أهو المسؤؤل عن إيميلج و أن الرقم السري

انا اختي ضايفه اخوي بايميلها وماعمره طلب الرقم السري لانه الحمد الله الثقه موجوده بس اذا يبي مايمنع دام انا واثقه من نفسي ولله الحمد لكن فيه شي اسمه يطلب منج او انه يشك اذا وصلت للشك شي اكيد الامر راح ينقلب ضده ...

لازم يكون بيده ليش أنه ريال و الريال لازم أنه

( يشيك على حريمه عشان بعدين مايتحسف و يقول ياليت و ياليت )


هل تقبلين بها لشي ؟؟؟؟؟؟؟؟؟ طيب ليش ؟؟؟؟؟؟؟؟؟؟؟؟؟؟

انا الحمد الله ماعمرها صارت لي احد يتعبث بتليفوني بس احيانا لما اكون طالعه مع اخوي وماتكون معاي جنطه اقول له خل تليفوني عندك واذا دق احد من الاهل هو يرد مافيها شي لكن رفيجاتي شي اكيد مايرد ومسجات مايبطلها بس خالي لا ملقوف يبطل مسجات وكل شي بس اعرف انه لقافه مو سالفة ثقه اعرفه مطفوق :nocommint: واخوي ياخذ لاب توبي مني وانا اخذ لاب توبه بس الحمد الله الثقه موجوده وهو عارف اخته شنو ...

و شنو رايج بالمرة إلي تقبل بها الشي و تشوف أنه عادي و مو (تشكيك أو عدم ثقة ) !!!!


انا اتقبلها لان بكل انسان فضول بداخله يحب يرضيه لكن اذا وصلت عدم ثقه ( شـــــك ) هني اقول لا والف لا لي هني وبس لان الشك يعمي قلب وعقل الواحد وانا ما احب توصل لهالمواصيل ..


ناطرة ردودكم ...........

تحياتي لكم
مشاعل :eh_s(14):

مشكوره اختي على الموضوع الحلو

واتمنى تتقبلين راي بصدر رحبوماتزعلين منه


اختج قلبي طيب


...

 

[توته وااااااااو]

أول شي ضد عبارة - (بالمساواة ) بينها و بين الرجل - الأصح أن المرأه تطالب بحقوقها ألي الريال خذاها منها
والحمد الله حقوق وقامت ترجع لاصحابها

والرد على سؤالج أنا أرفض هشي أكيد وألي تقول ( يشيك على حريمه عشان بعدين مايتحسف و يقول ياليت و ياليت ) ياليت توضح شنو يعني عشان لا يتحسف دام السالفه مو تشكيك وعدم ثقه

مشكوره على الموضوع بس ما عرفنا رايج فيه

معاااااااااااااااج